شكثر تطول فيزت شنغن من السفارة الفرنسية؟

[نطوووعه]

هاي بنات السؤال واضح ابي اللي توها مسويتها هالسنه شكثر طولت؟ و مافي مجال يستعجلون اذا شافوا ان حجزنا قريب؟

 

[المدينه]

3 ايام

 

[نطوووعه]

المدينه
واااااي الله يبشرج بالخييييييييييير سويتيها عن طريق القبس حق سفارة فرنسا صح؟؟ ممكن اعرف متى سويتيها؟؟؟

 

[نطوووعه]

اب اب طمنوني تكفووووووووووون

 

[سفيرة الكويت]

أنا سويتها عن طريق مكتب القبس قبل اسبوع

دزوا لي مسج ثاني يوم علشان استلم الجوازات

بس اذا بتروحين كوني عندهم من الساعة 9 علشان تاخذين رقم مبجر

ولازم اوراقج كلها كاملة ( يبون حجز الفنادق وحجز تذاكر الطيران )

والله يوفقج

 

[نطوووعه]

سفيرة الكويت

مشكوره حبيبتي عالرد بس مافهمت منج

تقولين دقولج ثاني يوم عشان تاخذين الجوازات معناته خلصت الفيزا ثاني يوم؟؟؟!!!

 

[nadoooy]

انا قدمت بالقبس فيزا ايطاليا بس للحين مادقو علي صارلهم تقريبا 12 يوم وانا اخر الشهر مسافرة وقاعده ماادري يمديني افيز حق تركيا ولا لا بس اللي ادري عنه انه زحمه حيل

 

[نطوووعه]

وي ندوي شبتسوين؟ دفعتي الحجوزات؟؟

انا بعد سفرتي اخر الشهر ولازم ادفع حجوزاتي هاليومين ماني عارفه انطر الفيزا و الا بتوهق؟؟

تقصدين الزحمه على تركيا والا فرنسا؟

لا تسكتين انتي دقي عليهم وحني والا روحي بنفسج تابعي موضوعج احسن

 

[نطوووعه]

وينكم بنات؟! ولا وحده فيكم مفيزة لفرنسا هالسنه؟!!!

 

[أم@الحلوين]

3 ايام وطالعه انشاءالله سهالات
وتروحين وترجعين بالسلامه

 

[nadoooy]

تصدقين التذاكر ويا حجز الفندق وتذاكر من ايطاليا لي تركيا ومن تركيا للكويت كل شي زاهب بس الفيز للحين مادقو علينا القبس المفروض من يوم الخميس اللي طاف يدقون بس يمكن لانه عندهم زحمة فمن جذي تاخرو لانه ريلي يقول ضغط موطبيعي عندهم

 

[نطوووعه]

ام الحلوين مشكووووره ريحتيني انتي مسويتها توج صح؟؟


ندوي الله يسهل علينا وعليكم يمكن ايطاليا عليها وايد دووس؟ عموما حاولوا تراجعونهم باجر احسن خل يستعجلووون

 

[{ شيوخهـ ~]

فيزه فرنسآ مآتطول حبيبتي..
آنآ خذت مني ٤ آيآم تقريبآ..

 

[قفشـه]

والله احنا طولت معانا اسبوع تقريبا

 

[نطوووعه]

تسلمون بنات

شيوخه انتو مسوينها توكم هالسنه صح؟

قفشه اي صح احنا قالولنا من اسبوع لي عشر ايام بس ماشالله اشوف بنات خلصت فيزهم ابجر

 

[ReDLOve]

ما تطول بالكثير سبووع و اقل و تطلع =)

تروحين و ترجعين بالسلامة

 

[سفيرة الكويت]

نطوووعة حبيبتي

آسفة ما رديت عليج ... تعرفين رمضان الكل لاهي

اي مثل ما قلت لج ثاني يوم دزوا لي مسج علشان استلمهم

بس آنا أقولج كانت أوراقي كاملة

والله يسهل

 

[نطوووعه]

ريد لوف مشكورره حبيبتي الله يسلمج

سفيرة الكويت مشكووره ماقصرتي انج شاركتي مره ثانيه
انتي توج مسويتها؟ لان قالولي اكو ضغط وزحمه

ماشاء الله الله يسهل علينا مثل ماسهل عليكم وانا اوراقي كامله بعد والله كريم

 

[nadoooy]

نطوعه حبيبتي انا اليوم ريلي راح القبس ودق عالسفارة بعد قالو له انشالله هاليومين نسلم كل الفيز بس لانه ضغط وايد عندنا يعني اشوه طمنونا وانشالله صج عاد يدقون هاليومين

 

[sunflower25]

ممكن تدلونى عنوان مكتب القبس و ارقامهم و هل يخلصون الاوراق بدون ما اروح السفارة؟؟؟؟؟؟؟؟؟؟؟؟؟