@ شكر خاص للجنود المجهولين بالملتقيات التربوية @

[* @ * كرستال * @ *]

من منا لا يعلم أن نجاح أي ملتقى تربوي
يستند على كل الأطراف المشاركة
---------

لكن هل لهم أي سلطة عند التكريم
طبعا لا
---------

من الملاحظ هذا العام والذي سبقه كثرة اقامة ورش العمل والملتقيات
طبعا بطلب من الموجهين ومن أعلى منهم
---------

ومن الملاحظ بنهاية الملتقى تكرم الموجهات والمديرات وغيرهم ذوي المناصب أمام الحضور الغفير ..
--------

فمن يكرم الجنود المجهولين القائمين على نجاح الملتقى :

من مدربات للفقرات الترحيبية
من منسقي برنامج الملتقى وتقديمه للحضور
من منظمي ترتيب سير البرنامج بتسلسل والمحافظة على النظام
من معدى برنامج الداتا شووو الذي أصبح أساسي ومكمل لكل الملتقيات


--------

أفلا يستحقون منا تحية اجلال وتقدير
أم التكريم فقط للشخصيات البارزة ​

 

[ضحـاوي]

كريستال موضوعج حسااااااس حده

فعلا هذا هو الحال في اكثر الفعاليات او الحفلات او الملتقيات التربويه

بس تدرين وايد عجبني موقف نوريه الصبيح من اسبوعين :

كان في حفل على مستوى وزارة التربيه ومن خلاله كان فيه فقرات مميزه

من مختلف مدارس الكويت والفقرات متعوب عليها من شهر 9 شغالين فيها

واخر الحفله طلعو كل المدربات في طابور وقامت نوريه الصبيح وشكرت التوجيه

وبعدين شكرت المدربات واثنت على مجهودهم وتعبهم بالميكرفون وعند الكل

عقبها راحت لهم وسلمت عليهم وحده وحده وقالت لها جم كلمه ترفع معنوياتها

حسيت وانا اشوفهم بفرحتهم بتعبهم

طبعا الكلمه عندي مهمه اكثر من اي شي ثاني

لان الكلمه اذا توجهت لشخصج تحسسج ان مجهودج واضح وانت الي استحقيت الشكر وجها لوجه

بغض النظر عن بعض قراراتها المتعبه و الي مو عاجبتنا لكن هذا موقف كبير لها و ناااااااااادر ما يسويه مسؤول

 

[خاشووقه]

:gathering:الله يعطيهم العافية

 

[معلمة متقاعدة]

يعطيج العافيه

 

[كبرت وراحت على]

فعلا يستحقون التكريم

 

[روحي رياضية]

ايه والله .. وساعات الناظره اذا تعبت نفسها قالت شكرا ..

فعلا اللللللللللللللللللللله يعطيهم العافيه وياجرهم ويعطيهم على قد تعبهم ..

 

[قهوه وشاهي]

كريستال والمعلمات اللي يمسكون الاطفال اليوم بطووله عشان

غيرهم يكون بالواجهه بهالمناسبات مايستحقون الشكر !!

مشكوره الماسه على مواضيعج المفيدة

 

[عهود الحب]

الكل يستحق الشكر
بس كارثة اذا الورش الوجيه فيها متكررة
ووقتها مايكونون مجهولين ابدا

 

[fofowa_q8]

اي والله يبتيها عالجرح بس وين اللي يقدر الناس مصالح ومايهمهم الا المظاهر

والباجي اجرهم عند رب العالمين ان شاالله

 

[انفاسي]

مره وداد المجيمي في ورشه طلعت الابلات من ورى المسرح وشكرتهم

 

[طيرشلوا]

يوووة ياما صرنا جنود مجهولين ونشتغل بضمة وضمير وكلة من اعصابنا وراحتنا

ولاغياب ولاتافف ومنكرفين كرف وبعدين تعبن نفسهن شكرا

والى لسانهن طويل والغيابات يخافن منهن ويدورن الستر والتعب كلة علينا يامعودة خليها على اللة