شكك الناس فيني !

[ام لولوو]

السلام عليكم ورححمة الله وبركاته

أول شي : كل عام وانتي بخير وتقبل الله طاعتكم


انا بنت عمري 13 سنه
والحمدلله اهلي مو مقصرين معاي بشي


ببدي بشكلتي

ولد جيرانا من بدينا العام الجديد وهو يطالع ويجي المدرسه يخزخز فيني ويمشي

وحتى الصبح لما بروح يطلطل


واصلن انا ما مو من نوعي هالسوالف الخايسه ولا افكر بالهسوالف

وعادي خيطالع مني لي باجر ماهمني

بس انه بالمدرسه يطالعني بشكل ملحووظ ويحاول يصورني بس ما أعطيه مجال واذا بروح اركب السياره يلحق وراي ,,يجوني البنات يقولون شفيه هذا يطالعج ويلحق وراج وانا طبعًا اسكتهم حتى ابلة الالعاب اطالعني دايمًا من قام يجي

وانا ماابي اقول لأمي لانها حيييييييل مهوله وراح تسويها سالفه امي واعرفها وابوي مستحيل اقوله فششله وماعندي خوان كبار ,,

اتمنى المساعده جزاكم الله خير

 

[NaYoob]

أكبر طاف لا تعطينه اهتمام وجنج مو شايفته الظاهر قاعد يلاحظ انج ملاحظته

الحل انتي قلتيه بس خايفة ومتردده مالج اله امج لا تقولين تهول الامور وامي وانا اعرفها

قولي لها اللي صار احسن لانا اذا قلتي حق ابوج المشكله رح تكبر خلي امج بالصورة ترى الامهات يتفهمون

بهل مواضيع حتى لو كانت عصبيه خلي يكون لها علم عشان خوفج ان صار شي باجر تكونين حاطتها بالصوره

 

[ام لولوو]

^^^
أي أصللن حدي معطية طااف وجيرانه كلهم حثاله وسوا ويسون نفس حركاته وماعطيهم وجهه بس يقعدون اسبوع ويروحون
اما هذا عللق وحتى البنات شكو فيني عاد انا كلش ولا احد يشك بتربيتي واخلاقي ,

اصلن انا حتى امي ما ابيها تشك فيني ولا تدري اني افكر بهالسوالف اصلن استحي اقولها !!!
وان قتلها اعرفها بتسويها قصه وتقول حق ابوي ودق ع امه وتسويها هوايل ؟؟
ياربي محتاه اقولها ولالا بس ادري اذا قتلها راح تكبر الموضوع حييل !!
وجزاج الله خير اختي على هالنصيحه ب ميزان اعمالج يارب

 

[الزيزفونا]

قولى لاحد قريب من امك خالتك مثلا وتكلم امك من شان ما تكبر السالفه ..

 

[NaYoob]

حبيبتي ميخالف لازم تقولين حق امج عشان تكلم ام الولد لانا مايصير جذي

واذا خايفة تقولين حق امج من رد فعلها اخذيها بالتدريج على يوم قعدي معاها

سولفي بأي شي وبالسوالف قوليلها هل سالفة بس انه صايره برفيجتج مو انتي وانه رفيجتج

مو عارفة شتسوي شوفي شنو الحل اللي رح تعطيج ياها وبعدها تصرفي انج تقوليلها ترى اللي صاير فيني مو برفيجتي

وتسلمين حبيبتي :***

 

[ام لولوو]

^^
لا يا معوده اذا قلت لأمي بتكبر اكثر واكثر

وما ابي ادخل خالتي بالموضوع وما ابيها تشك فيني بعد !

أحترت مدري اقول لمنو!!

ودي اروح اكلمه !
شرايكم ؟بس بمكان عام طبعا

 

[توتا الكتكوته]

طرشي له السايق يقول سنو في بابا شنو مشكل في مشكل ؟؟؟

 

[ام لولوو]

نيوب :

حياتي راح تقولي مالج دخل بهالسوالف وابعدي عن رفيجتج واذا قتلها انا راح يسير كارثه ؟

قعد أفكر اروح انه اكلمه ؟!؟

 

[ام لولوو]

توتا هههههههه خوش فكره والله

لا صج بنات ابي حل !

 

[NaYoob]

لا غلط لا تكلمينه حتى لو في مكان عام

واخذيها نصيحه من خواتج الكبار قولي حق امج ولا تخافين

يمكن يوم كنا بعمرج نخاف نقول حق اهلنا بس من كبرنا شفنا الشي

عادي انه لازم الام تدري انا اشتغل ومرات تصير اشياء بالدوام اقول حق امي واستشيرها مع انه امي عصبيه

بس بهل سوالف تتفهم جربي امج منتي خسرانه شي ولا اشوفج تقولين لا

 

[ام لولوو]

مادري صراحه احترت !
بس انا حيل خايفه لا تكبر السالفه امي لانه انا اشوفها عادديه بس بوقفه عند حده لانه البنات شكو فيني وقام يتمادى ويصور الحقير ولا انا اصلن عادي لا اول ولا اخر واحد هذا بس هذولاك اشوه من هذا ,, هذا علله الله يعل وجها ان شاء الله

خلاص بشوف لي يوم ان شاءالله اكلم فيها امي الله يسستر بس

وشاكرتلج من كل قلبي ,,

 

[تمرة]

بنوتي الحلوه لازم تقولين حق الماما اهي لازم تهول بالموضوع وتحط له حد مع هالجار ....
لازم تعرف والله يسهل أمرج حبوبة

بس ديري بالج تتكلمين معاه لانه متمادي ويبي يصورك فالأحسن تقولين للماما

 

[ام لولوو]

لا ليش لازم تهول بالموضوع المفروض اتصرف بهدوء انا اعرف امي نظامها تروح تصلب على خلق الله ويلي فيكم وابوي يجي وتكبر السالفه !

بس ليش ما أكلمه واريح نفسي ,, لا يخسي يصور اشكره وانا قعد اكلمه بس اقوله انتي شتبي لا حقني من مكان لي مكان والله ان شفتك لاحقني مرا ثانيه لكبر السالفه واعلم ابوي ,, !! أتوقع راح يخاف لانه ابوي الكل يهابه


بس انا بـ صببر واذا ماكو فايده امري لله واقول لأمي

ومشكوره ع النصيحه الحلوه

 

[ربي محتاجتك]

يا حياتي قولي حق امج مردها بتعصب شوي بعدين بتحاول تحل المشكلة حتا لو تقول لابوج عادي واحسن شي انها تدق علا ام الصبي وتنحل المشكلة
اما انج تطلعين تكلمينه لااااااااااااااااااااا والف لاااااااااااااااااااا امسحي هالفكرة من بالج لانه يمكن يتمادا وتزيد السالفة
حياتي ديري بالج علا عمرج
وعما بعينه يبي يصورج بعد من اللحين مفروض تبلغين امج خل تسوي اللي تسويه شكله ناوي له علا نية ديري بالج اوكي

 

[ربي محتاجتك]

وانتي بلسانج قلتي ان ييرانكم حثالة يعني مو مشكلة لو امج فصلت عليهم

 

[ام لولوو]

^
أيي بس ماقدر اقولها فشله والله وانا اعرف نفسي اروح اقول بقولها بعدين اقعد اليوم كله افكر شلون اقولها ليما أهون واليوم الثاني نفس الشي
بس ليش ما اقوله انا بنفسي والله احسن شي ما ادخل امي ولا ابوي وماقولها يعني بحدود وبمكان عام بس خل يذلف عن وجهي


وشاكرتلج من كل قلبي

 

[ربي محتاجتك]

يا بعد قلبي امسحي فكرة انج تكلمينه اهوا صبي يعني شنو يبي غير ان يتعرف عليج ويمكن يستغل نقطة انج كلمتيه ضدج
يا انج تطنشينه لين يمل او قولي لامج شي ثاني لا تسوين
وترا لو امج قالت لامه راح ينقص ويهه ديري بالج علا نفسج الشباب ما لهم امان

 

[ام لولوو]

^^
أي انا بصبر ليما يروح بس ياخوفي يتمادى مثل ماصور ! < انا ماددري شلون سكتله ؟

ياربي انا بموقف صعب مدري شسوي اذا تمادى معني متوقعه 100% انه راح يتمادى اعرف طققته واشكاله القذره

 

[Tom ♥ Jerry]

.


لا تدخلين آحد بالموضوع كلها فتره و يمل و يروح ,،
آخاف آمج تشك فيج أو تصير سوالف ,!

 

[شهد ~]

انا أقول روحي كلميه عادي بس تكونين مبعده عنه وتقوليلا هالكلام شتبي لا حقني من مكان لي مكان والله ان شفتك لاحقني مرا ثانيه لكبر السالفه واعلم ابوي
وعلى طول تروحين لانج شكلج مو ناويه تقولين لامج فـ تروحيله تهددينه أحسن من تخلينه على كيفه
وديري بالج

والله يوفقج