شكل بطن الحامل ونوع جنس الجنين

[رنا 2012]

السلام عليكم ورحمة الله
بسالكم عن شكل البطن ونووع جنس الجنين
يقولون الي شكل بطنها زي البطيخ معها بنت
والي زي كرة السله معها ولد
اتوقع ان هالكلام صح وانتوا ايش رايكم هل هذا الي صار معكم ولا في غير
وبسال عن الي ولدوا بعمليه قيصريه هل غير شكل بطنهم يختلف
شاكره لك من ترد:eh_s(17):

 

[Aloe Vera]

انا معاي ما ضبطت
لان شكل بطني دايماً مثل الكرة و حملي بنات و الكل يقولي فيج ولد
و الحين حامل بولد و هم بطني نفس الشكل المعتاد و الكل يقول ولد هههه
يعني اهو موديل بطني جذي

 

[Mrs.H]

انا بطني نفس الاهرامات >> مثلث

ماله شغل

 

[الـجـوري]

لااا ماااله شغل ابدااً ،،

 

[ام الحلوااات]

انـــا ســـمــعـــت ان اللـــــي بــطــنــهـــا مــرتـــفــع عــلــى فـــووق بـــنــــت
واذا نـــازل عــــلــى تــحــــت ولـــــــد
وضــبــطــــت مـــعـــــاي

 

[مشتطـه]

انا رفيجتي صادتني من شكل بطني ان فيني ولد



مادري خرابيط ماله علاقه

اذا ضبطت ف هي صدفة لا اكثر

وكل وحده حسب الجسم والطول

 

[ملكه الحطب]

بحمالي الاول كانت بطني بالعرض وكبيره ويقولون لي فيج بنت لي اخر شهر وجبت ولد
وهالمره كان بطني نازل وجاي لي جدام وهم جبت ولد يعني مو شرط وبالاول كانت بطني مرتفعه وبالثاني كانت نازله حيل بعد فكله كلااام خرافات

 

[أحلى عروس 2012]

مو صحيح

 

[رنا 2012]

سبحان الله بس اغلب الي اشوفهم ضابطه معهم

 

[tota77]

انا شافو بطني قالو بنت

والحين على كلام الدكتور ولد ..

والاغلب يقولون الي بطنها مستعرض بنت والي بالطول ولد

بس مو دايماً تضبط

 

[M!SS.LOBY]

معلومة خاطئة

 

[موجة ~ بحر]

ماا عندي فكره

 

[@سيدة نفسي@]

كل وحدة مع الخبرة تقدر تعرف اللي ببطنها بنت ولا ولد

انا مثلا حملي كله يكون بطني كورة .. بس في البنات يكون

مرتفع حيل لااازق بضلوعي وبالأولاد لا ..يكون نازل شوي يعني

مو حيييل بس أكون مرتااحة بالتنفس وبالقعدة مو نفس

البنات ..

 

[أم عامر]

ماله شغل كل حمله تختلف عن الثانيه

 

[أبكاني ذنبي]

اتوقع كل حمله تختلف

ماله شغل بشكل البطن

 

[جذابه بنت ذيابه]

يصدف

 

[أم عبـد العزيز]

ماله شغل انا ولدت اربع مرات والحين الخامسة
عادي بطني ماتغير نفس ماهو سبحان الله
جبت 3 بنات ورا بعض وبعدين جبت ولد والحين فيني ولد
يعني بطني ماتغيرت نفس ماهي بكل الولادة

 

[.:lady bug :.]

انا بطني نازل وايد وجنه بالونه هههههههههه غريب شكله
وفيني باذن الله بنوته

 

[August Night]

كله خرابيط
عن تجربه

 

[حوريه ...]

اتوقع ماله شغل مجرد تخمينات


انا بحملي الاول بطني عرض مفرررروشه

وماكأني حامل لدرجة من يشوفني مادري اني حامل يصيدوني من المشيه

وكانت بنت الله يجعلها شفيعه يارب

وهالحمل بطني ناقز قدام جاي طول يعني والحمدالله طالع خصري هههههههههه

وهم بنت الله يتمم لي ع خير ان شاءالله

يعني مااتوقع انه صحيح