انا بروحي وادرس واطبخ واكنس واكوي واغسل وكللللللللللل شي
طبعا الجامعه اطلع من صباح الله ملآبسي اكون مجهزتهم برا غرفة النوم لأنه يصحى بعدي
ألبس واخلص واطلع ..
طبعاً يومياً معودته حاطة له بالصالة طاولة صغيرونة صوبه
عليها غلآية مآي وليبتون وظروف كابتشينو ومكعبات سكر وقلآص وكم حبة شوكليت و بسكوت ..
يعني افتك منه ومنها يطقطق عليهم لي الغدا
ارد ادش المطبخ على طوول اركب الغدا وادش الحمامات انظفهم ع السريع يوميا ماي مع داك بريحة البخور مجرد اكب الماي واشطفه
وبعدها ادش غرفتي وبالريشة مالت الغبار امررها على كل مكان عشان الغبار لا يتكود على الكبت وراس السرير وارتب المفرش عقب حوسسته الصبح ههههه
طبعا انا بيتي كله غرفتين وصالة ومطبخ وحمامين احلىىىى شي صغيرون
الم هدومة ملوت الدوام والنوم وبسلة الغسيل طبعا اول م ادشش اكون انا بعد بدلت ورميتهم بهالسلة
اجوف الملابس ان كان يبي لهم كوي او لا واخلصهم بسرعه
وارد ادش المطبخ .. طبعا انا كنت من النوع الي اذا اشغل ما اخلي لا قلاص ولا قفشة والا سجين الا اطلعها
صرت الحين اطلع صينية برا واطلع فيها قفشة كبيرة ووحده الخشب ملوت الكشنة وسجينه وحده وجذيه ولا افتح كبت المطبخ واستخدمهم واذا توسخت غسلتهم
بهاللحظة اكون تقريبا عديت نص ساعه ونضج الدياي احط الرز واسوي اليدام وابدأ اقطع السلطة واتفنن فيها
ادش غرفتي اتعطر واتهندم واحط له الغدا يتغدا واصب له قلاص جاي وارجع للمطبخ اغسل الي وراي
اخذ شور سريع وادش انام اقوم ع المغرب اتكشخ وانزل لحمولتي اتقهوى ارد عقب العشا ازهب للعشا
واغسل الملابس ف اللحظة الي اغسل الملابس فيها اخم البيت وتقريبا اخم البيت كل يومين او ثلاث ما يتوسخ
اخلص الملابس وانشرهم ارد للعشا طبعا خفيف سندوتشات دايما اسويه ونتعشى وبعده هم جاي
اروح للملابس امداها نشفت اكويهم وع الكبت
وووبس
جدولي الاسبوعي احرك الاثاث من مكانه وامسسسح الارضيات وكل التحف والطاولات كل شي
طبعا امسح الارضيات بماي وبالغطا حطي ديتول وبالغطا بعد حطي كمفورت الازرق واااااااااااي ي حلاة الريحة ودج تمشين ببيتج وتمشين الارضية هههههههههههه
اغسل الحمامات غسيل عميق من قلب يعني ههههههههههه واستخدمي هارفيك الاسود حيل ينظف بس لا تكثرين يكتمج يعني حطيه جم شخطه جذي ع الارض واطلعي وعقب ربع ساعه دشي وفركيه وغسليه بماااي بارد
ونصيحة لج المواد الكيمائية نهائيا لا تغسلينهم عقب بماي حار بيصير تفاعلات وتتصاعد أبخرة ومادري شنو
صارت لي مرة وتوووووووووبة
واغسل المطبخ
اسبوع يكون علي غسيل الدرج والحوش مالنا لأن بابي ع الشارع واسبوع على مرت حماي ساكنة وياي فوق
وبس جدولي ولا أسهل وترى ما انتظمت عليه الا قبل شهرين والا قبلها حدث والا حرج بس مع الانتظام الحمدلله ارتحت
