شلـون تقدرون تسـاعدوني ؟؟ دخلـو وبتعرفـون

[dnyay_mll]

صبـاحكـم / مسـاكم ورد

محتاره حدي بغرفة عيالي كل ما ابي أأثثها مادري شسوي واحتار واقول خليهم جذي

لما نغيـر شقتنا

بس بو العيال مايبي يطلع من الشقـه حاليـا وابي اغيـر غرفتهم الحيـن

المشكلـه

غرفـه وحده لهم واهم 3

بنت وولدين

وكبيـره شـوي

ابـي اصبغها واغيـر الاثاث ابي شي يناسب البنات والصبيان مثـل ميكي ماوس جذي

شـرايكم بنات تساعدوني بالصبغ والاثاث

واكـون شاكـره لكم

ماتدرون شكـثر محتاره بهالسالفه من زمـان

حاليـا غرفتهم فيـها كبتين لهم كلـهم وسـرير بو دوريـن والغرفـه صبغها ازرق

ابي اغيـرها تغيــير كامـل

 

[منوووووله]

الله يخليلج اعيالج يارب

خلي لون الغرفه متناسق للأولاد والبنات مثل التفاحي وحطيلهم سرير بودورين للأولاد بس يكون لون الحديد ابيض يطلع احلى

وسرير البنوته اسم الله عليها هم ابيض وحطي باركيه لون فاتح للأرضيه والدريشه سويها بيضه من الحواف والستاره تكون متناسقه

معه الزوليه والكفرات وزيني الغرفه بالالعاب والكبتات البيضه ملوت ايكياا عشان تخشين الدثره ..

 

[dnyay_mll]

رد : شلـون تقدرون تسـاعدوني ؟؟ دخلـو وبتعرفـون

مشكـــوره منوله حبيبتـي

عاد مفكـره بلون التفاحي بس وين احصل سرير ابيض يبيلي افتر باجر

 

[فدييتك]

رد : شلـون تقدرون تسـاعدوني ؟؟ دخلـو وبتعرفـون

مممممممممم في الوان تصلح للبنات والاولاد


التفاحي

الليموني

واشرايج تخلطين يعني طوفتين وردي فاتح وطوفتين تفاحي فاااااتح صوب الوردي حطي سراير البنوتات الله يخليهم وصوب التفاحي الاولاد


مادري بس هذا اللي في بالي حاليا



اي تذكرت حطي استيكرز صوب البنات على الطوفه ورد او شي بنوتي وصوب طوفة الاولاد هم حطي استيكر يناسب الصبغ ولادي رسمة ولاديه وجذي عاد انتي نسقي

 

[ضايعة بدنيتي]

حبيبتي الله يخليهم لك ان شاء الله

انا اشوف تسوينها قسمين قسم للبنوتة وقسم للاولاد

يعني تصبغينها تفاحي .. الارضية باركيه . الاثاث ابيض . والسرير دورين للأولاد . حطي كل سرير عند طوف . صوب الاولاد خلي تفاحي وسماوي والكفرات ولادية وحطي ستيكرات ولاديه او ممكن لوحة . وصوب البنوتة وردي وحطي ستيكرات بناتية واذا تقدرين تحطين لها ناموسية نعومة حقة البنات مثلا

. وتحطين لها ابجوره حلوة وتحطين بين قسمها وقسم الاولاد مثل خزانة الكتب الصغيرة العريضة الي فيها 3ولا 4 رفوف وفيها من الجانبين عشان تستغلينها للاثنين.
مثلا

او هذي بس على ااصغر من كذا

وتحطين فيها كم قصة على كم برواز بتكون مجرد حاجز صغير يفصل بين القسمين . وهم تحطين في كل قسم سجادة تناسب الوان الكفرات

مثلا

او مثل هذي

اان شاء الله اكون افدتك