شلون آشد جسمي ؟

[: ) sMiLe ( :]

السلام عليكم

شلوونكم كويتياااات

آنا يمكن اضعف .. بس خفت من سالفة الترهل !

هل المشي بس ينفع كرياضة مع الرجيم .. ولا لازم رياضة ثانية معاه ؟

وجم تنصحوني امشي كل يووم ؟ :ggdw:

 

[بوران]

المشي ينفع بروحه
بالبداية امشي لمدة نص ساعةو كل يوم زيدي خمس دقايق
اللي اعرفه يبيلج ساعة

 

[: ) sMiLe ( :]

مشكووورة حبووبة

 

[انوومه]

مثل ما قالت المشي بوران المشي وايد زيين

 

[اسراء205]

حبيبتي : المشي كل يوم نصف ساعه مواكثر عشان ماتطلعلج عضلات

 

[ii DareeN ii]

سباحة

ومشي


الايروبيك المائي يهبل حق الشد

 

[أحلى شمريه]

الايروبيك المائي

وين ألقاه ؟

وبجم ؟

واشلون طريقته ؟

 

[لعيـــ ترخص أرقاب ـــوني]

حياتي الأيروبك المائي بالنادي تسوين تمارين بالماي

المشي نص سااااعه يوميـا كاااااااااااااااافي عن تجربـــه وهذا اللي نصحتني الدكتوره فيــه ..

 

[kie kie]

جربي المساج وبعض كريمات شد الجسم ترى واااايد ينفع بس روحي حق ناس متخصصة بالمساجات مو اي ناس

 

[: ) sMiLe ( :]

يعطيكم العافية

خلاص عيل بمشي نص ساعة << مو ناقصة عضلات لووول

ويبيله اشترك بنادي للسبااااحة

أما الكريمات ف ما أحب استخدمهم ..