شلون أاسس بنتي باللغة الانجليزية؟ عدل مدل

[Zen&7ala]

السلام عليكم


بنات شلون اخلي بنتي تتأسس بالنقليزي عدل

اهيا توها طبعا لووول حدي مستعيله بس ودي استفيد!!


انا زينه بالانقليزي لان بالابتدائي كان ايلي مدرس خاص مرتين بالاسبوع و تم معانا من اول

ما دشيت الابتدائي لين خلصت تقريبا ---:krkrkr: قصة حياتي


المهم


انا ابي طريقه افضل ابي من قبل لا تدش الابتدائي تعرف و الاكسنت مالها يكون زين !!

اساعات اشوف مشاءالله يهال صغار بس الاكستنت مشاااء الله عجييييييبه و لغتهم تينن

شلون ؟؟

 

[كوكو لاتي]

دخليها مدرسه انجليزيه وانشاله بتكلم انجليزي

 

[توتاتوتا]

أول شي تكلمي معها بالانجليزي
ثاني شي حفظيها اغنية ال abc وعدالارقام اسماء الالوان والحيوانات والاشكال كبداية واي مفردات تحسين تحتاجها
وبعدها اذا تبين أكثر تعلمينها الحروف واحد واحد وطريقة نطقه لان اسم الحرف غير عن نطقه مثلا C اسمه سي ونطقه ك

طولت عليش بالتوفيق

 

[دمثة]

دخليها القاعدة الحلبيه او الشاميه

او وديهاا معهد اكسفورد بالشعب البحري ياسس صح

 

[روحي82]

اي والله بعد انا ابي بنتي تكلم انجليزي بس نادري شلوون اعلمهاا

وانا ماعرف اجليزي بس اطقطق وعندي خدامتهاا فلبينيه اقولها لاتحاجينهاا الا انجلبزي

ومتي ابدي ادخلهاا حضاانه لان الحضاانه تسااعد باللغه بعد وعلموونهم واي حضانه تنصحوني انا


ساكنه بضاحيه صباح السالم ومشكوررين

 

[momoqatar]

مرحبا أختى
سهل جدا على الطفل في سن مبكر تعلم أي لغة
أنا راح أقولج تجربتي ويا بنتي الله يحفظها عمرها ألحين ثلاث سنوات ولله الحمد تتكلم أنجليزي بطلاقة وتفهم بنفس الوقت العربي
أنا بدأت وياها من سن مبكر جدا تقريبا من البداية كنا كلنا بالبيت نتكلم وياها أنجليزي وبنفس الوقت نتكلم عربي طبعا عندها مربيتها الخاصة وهي بنفس الوقت معلمة لها . أنا من سن سنتين بدأت أعلمها عن طريق البرامج التعليمية الخاصة بالأطفال جبت لها جهاز تي في خاص لها وفيه دي في دي وجبت لها سيديات تعليمية كلها بالأنجليزي وأغاني ومسلسلات كرتونية أغلبها تركز على التعليم وصار عندها هوس بالتعليم من سن مبكر جدا, بعدها بدأت أوفر لها الكتب والمجلات التعليمية وجبت لها سبورة وطبعا حرصت على أن مربيتها تعلمها بشكل ألعاب ,, يعني تجعد وياها تلعب وبنفس الوقت تعلمها . اليوم الريم بنتي عمرها ثلاث سنوات وتعرف تتكلم انجليزي بشكل سليم وتعرف أسماء كل الحيوانات والألوان والأرقام تعد لغاية ثلاثين بالأنجليزي وتكتب بعد والحروف الأنجليزية تعرفهم وصارت تحفظ كثير من أغاني الأطفال بالأنجليزي طبعا .. ومن فتره جبت لها أي باد خاص فيها نزلت عليه برامج تعليمية خاصة بالأطفال صارت تستخدم الأي باد بروحها .
هالأسبوع وديتها مدرسة خاصة وهناك سوولها أختبار تحديد مستوى وتبارك الرحمن مديرة المدرسة أستغربت أنها ثلاث سنوات ومستواها كي جي 2 أو ريسيبشن - قولوا ماشالله وأستغربوا أنها تتكلم أنجليزي بطلاقة وتعرف بعد عربي وأن كل هالتعليم كان منزلي فقط
ربي يحفظها
دخلتها ألحين حضانه لفترة الصيف - حضانه بريطانية ولله الحمد
أختى.. أهم شيء أنج توفرين لها البيئة المناسبة للتعليم بالبيت وتحبيبينها فيه كنوع من الألعاب يعني أنا أسمية أسلوب اللعب التعليمي
أتمنى تستفيدون من تجربتي وأي أستفسار أنا حاضرة

 

[Zen&7ala]

^
^
كلامج جدا ممتاز و جميل عسى الله يخليها لج يا رب و يحفظها و يحرسها ان شاء الله و اسمها يهبل الريم وايد راقي

 

[روحي82]

مشاء الله الله يخليهاا لج انشالله

 

[momoqatar]

مشكورة أختى
وعسى ربي يحفظ عيالكم من كل شر ويوفقهم يارب
ويحفظ كل عيال المسلمين

 

[دنياغريبه للاسف]

تكلمي وياإا انجليزي ويبي لها العاب تعليميه او لعبي وياها منها تلعبين وياها وتعلمينها مثال يبي لها لعبة بولنغ وعدي وياها بالعربي والانجليزي مثل جم وحده طيحتي 12345 او يبي لها سي دي بارني انجليزي تعليني وايد حلو

 

[حلوى عمانيه]

يبيلها مدرسة انجليزي تعلمها الاساسيات الاحرف والارقام بالعطله بس اهم شي ما تكون مدرسه مصريه لانه الاكسنت مالهم كله غلط مو شي بدال ثري تري وبدل ذيسز زيسز
فديري بالج اهم شي النطق الصحيح

 

[المزوون]

اختي momoqatar ممكن اعرف البرامج الي نزلتيها على الاي باد اكون شاكره لج

 

[حلم الطفولة]

شكرا لكل من ساهمت بإعطاء إجابة مفيده ..
فعلا التعليم يبدأ من المنزل وينتهي بالمنزل ....
سواء المدرسة خاصه أو غير خاصه ،، عربية أو أجنبيه ...

الأهم .. احرصو على عدم ضياع اللغة العربية والعادات والثوابت الشرعيه
،، أحسنو الاختيار .. أحسنو الاختيار ..
موفقين إن شالله

 

[حورية بنت حواء]

حلم الله يجزيج الف خير على هالتنبيه

 

[روان الحبوبه]

حياكم اعتقد ان التعليم بالمدارس الانجليزيه والامريكية صعب على الاطفال لانهم يبون طفل عنده طلاقه بالانجليزية من كى جى 1 مدرستى تقول ان اذا ماتاسس الطفل من صغره راح يصير ضعيف بالانجليزى وهى تشتغل مع حالات من هدا النوع الضعاف بالانجليزيه والحمد لله صاروا متفوقين هى تشتغل على كورس الجامعة الامريكية ولا افضل من التليم الامريكى تقول ان نظام التعليم من ابتدائى غلط وهدا رقمها اذا حبيتم تاسيس عيالكم 99443579واذا ما شفتوا نتيجة الله ياخدنى

 

[momoqatar]

الأخت المزوون اللي سألت عن برامج الأطفال اللي ممكن تنزلها على الأي باد
أدخلي أختى على قسم education - البرامج التعليمية
وراح تحصلين برامج بالهبل خاصة بتعليم الأطفال منها الأرقام والحروف والأشكال ومعظمها بشكل ألعاب يعني الطفل يلعب وبنفس الوقت يتعلم وهذا مهم عشان ما يتملل بهذا السن
أنا نزلت برامج تعليمية من خلال الشخصيات مثل بارني أو دورا أو ألمو وكثير شخصيات
وبعد راح تحصلين برامج عربية تعليمية وبرامج لتحفيظ القرأن لصغار السن جدا رائع
طبعا هالبرامج راح تحصلينها كلها فري بس تسوين لها داون لود من الموقع الخاص
تحياتي للجميع

 

[المزوون]

مشكوره اختي على الرد

 

[A boss]

جم عمر بنتك؟ دخليها من الحضانه مكان زين و اذا تبين ادورلج انا حاضر

 

[حلم الطفولة]

حلم الله يجزيج الف خير على هالتنبيه

أجمعين :eh_s(21):

 

[حلم الطفولة]

الأخت المزوون اللي سألت عن برامج الأطفال اللي ممكن تنزلها على الأي باد
أدخلي أختى على قسم education - البرامج التعليمية
وراح تحصلين برامج بالهبل خاصة بتعليم الأطفال منها الأرقام والحروف والأشكال ومعظمها بشكل ألعاب يعني الطفل يلعب وبنفس الوقت يتعلم وهذا مهم عشان ما يتملل بهذا السن
أنا نزلت برامج تعليمية من خلال الشخصيات مثل بارني أو دورا أو ألمو وكثير شخصيات
وبعد راح تحصلين برامج عربية تعليمية وبرامج لتحفيظ القرأن لصغار السن جدا رائع
طبعا هالبرامج راح تحصلينها كلها فري بس تسوين لها داون لود من الموقع الخاص
تحياتي للجميع

شكرا ،، رد مفيد :rerrerek: