شلون أخلي بنتي تشرب حليب صناعي ؟ :(

[Dua'a]

صباح الخير بنات :eh_s(7): بنتي عمرها شهر و أسبوعين أرضعها طبيعي الحمدلله .. من يومين حابه انها تجرب تشرب حليب صناعي لأني أبي أطلع مرات و ما راح اقدر اعطيها طبيعي ، المشكلة انها مو متقبلته ! جربت تقريباً 4 أنواع حليب (نان - اس 26 - سيميلاك - ماليبو) و غيرت الحلمة مالت الممية مرتين ليما طحت على وحده زينة .. بس لما أعطيها تبجي حيل و من بين تقريبا 3 رضعات أسويهم تشرب وحده بس بعد بجي هستيري ! اللي صارت معاها نفس القصة شتنصحني أسوي ؟ أستمر أحاول ؟

ملاحظة: أنا جربت اشفط لها حليب من جهاز الشفط من mothercare بس ما عرفت له

 

[NFOOOL]

حبيبتي انا أرضع بنتي طبيعي للحين عمرها خمس شهور ولما أطلع أعطيها الصناعي أول الأيام ما كانت ترضى تشرب بس عوديها غصب خليها تيوع وعطيها وبالبدايه بس سويلها رقم واحد لاتسوين أكثر وما تشربه ليما تتعود عليه سويلها اكثر

 

[غيـ الناس ـر]

عوووديها دام انها صغيره ..

انا ولدي الحين ٩ شهور وما يبي الحليب الصناعي .. يرضع كل شي بالمميه الا الحليب ..

لما سألت الطبيب قط علي اكبر صدمه .. قالي الياهل اللي يتعود على طعم حليب امه ما يرضع الصناعي بسهوووله

فحاولي قد ما تقدرين دام انها صغيره .. انا ماكله تبن مع ولدي مادري شلون بفطمه صار ريال وبعده يرضع من صدري

 

[الرها]

خليها تجووع وسويلها حليب وبتشربه بس لاتكثرين لها
ونصيحه لوجه الله خلج على نوع واحد من الحليب
انا بنتي الكبيره من كثر ماكنت اغير لها الحليب جاها ربو
واسهال تكرمين فضيع والله كل ماتخلص علبه الحليب اشتري نوع ثاني
وفالاخير انا تندمت وتعبت مها واستقريت على حليب نان

بس بنتي توحه الحين استخدم لها سيملاك وان شاء الله بستمر عليه