شلون أصبغ شعري وآنه حامل ؟

[برد فيمتو]

[CENTER]السلام عليكم
اشلونكم بنات
آنه قبل يومين حللت والحمدلله طلعت حامل

بس المشكلة أن شعري ملوع جبدي لأني كنت صابغته بني ونزلت الصبغة وايد
فصاير شكله مرقع :eh_s(16):

فإذا تعرفون شي أستخدمه عشان يصير شعري كله أسود
مثل حنة سوداء أو صبغ مايضر الحامل

تكفون ساعدوني :eh_s(11):[/CENTER]

 

[" ام حمود "]

هم انا نفس سؤالج ودي اصبغ شعري بس خايفه مو زين

 

[غنوة ستايل]

مو زين
الخميس اللي طاف موعدي وسألت الطبيب
لاني حدي ابي اصبغ
وانا بالشهر الخامس
قال ما انصحج بالصبغه لانها تسوي نوع من انواع الاكزيما للجنين في بطنج

 

[ساشا]

في صبغ اعشاب رفيجاتي اييبونها من امريكا يطلبونها

والحل الثاني حنة والله يعينج لمن تطلعين من الاربعين وتبين تصبغين

ديري بالج تستخدمين اصبغ هني بالصالونات والا الجمعية حتى لو كاتبين بدون امونيا ترى مو صج

 

[Diva-Q8]

رد : شلون أصبغ شعري وآنه حامل ؟

انا وخواتي نصبغ ونسوي ميش واكسجين عااااااااااادي بعد الشهر الرابع وعيالنا كلهم بصحه وعافيه الحمدالله

الصبغ مو كل يوم مره مايضر

وانا سألت دكتوري احتياط وقالي سوي اللي تبينه بس بعد الشهر الرابع وصبغت والحمدالله ماصار شي..!!

ووايد من رفيجاتي واهلي يصبغون بعد الشهر الرابع والخامس بس مره وحده طول فترة الحمل مو كل شهر

وانتي اذا خايفه لاتصبغين تحملي


حطي حنه سوده من العطار او شي اسمه (وسمه) هم عند العطار بس هم هذي ماتدرين شنو مكوناتها...!!

اتمنى اكون فدتج والبنات مايقصرون نعيما مقدما حتى لو بعد الاربعين

 

[MissChoco]

انا سمعت ورا الرابع عادي

وانا صبغت شعري وانا بالثامن

وخالتي صبغت شعرها مرتين بنفس الحمله صبغت بالرابع وبالسادس وماصار شي ابنتها سمالله عليها

 

[الـفـجـر الـبـعـيـد]

انا فبجري والحين كله اصبغ من بعد الرابع واشقر والحمدلله يارب مافينا الا العافيه

حتى سمعت فبرنامج حكمة نساء دكتورة الجلديه تقول ان الصبغ عادي للحامل

بس الكيراتين مضر مو زين تسويه الحامل

والله الحافظ