شلون أغسلها بمكانها

[سراج الليل]

قوه بنات شخباركم


بنات شلون أغسل زولية غرفتي النوم وهي بمكانها ؟؟؟؟؟؟؟؟؟؟؟؟؟؟؟؟؟؟؟؟؟


لونها بيج وأحس اغمدت حييييييييييييييييييل ودي أردها نفس قبل جديده ونظيفه

 

[غلاي غير]

في مكانها ؟

مالج الا ادقين على الخدمه الي تغسلج الغنفات تغسل بعد الزوالي

 

[سراج الليل]

غلاي انا مشكلتي ماأحب أحد يدخل غرفتي النوم وخاطري انا اللي أنظفها من غير خدامه او شركه

 

[سراج الليل]

للرفع

 

[LuLiTa]

حبوووبة اذا زوليتج قطعة وحدة كبيرة تقددرين اطلعينها بره في الحوووش و تغسلينها و اتفركيييينها على كيف كيفج ,,,,بس اذا اهي مغطية ارضية الداار كلها احسن لج اطلعين كل الأثاث بالداااار و ادقييين على شركات التنظيف انظف و احسن شغلهم ,,,, لأنه لو بنظفينها برووحج بتاخذ وقت و بينهد حيلج من التفرك ,,, و طلعي اثاثج عشااان العمااال ما يشوفووونهم عشااان اتحافظين على خصوصيتج ,,,,

 

[ثلاثينية]

الزوليه وصخه وايد ولا تحسين انها باهته؟
اذا وصخه وايد لازم شركه واذا تحسين انها مو فرش فعندي الحل الاكيد
قبل بيتنا كله سجاد وطريقتي هذي على كل البيت بس الحين خشب باركيه ووايد اريح
شوفي حبوبه ... كل اسبوع حطي طشت فيه اشويه صابون اريال بمقدار ملعقه اكل لكل 4 لترات ماي ونفس المقدار كلوركس وامسحي زوليتج ببروش الخشن كأنج تكنسينها بالبروش يعني لا اتعبين نفسج بالفراك
وبعد ما تخلصين ردي حطي طشت وفيه ماي ديتول او اي عطر تحبينه وعيدي بنفس الطريقه وراح تحسين بالفرق بعد جم غسله وبنفس الوقت ريحه غرفتج حلوه وان شاء الله زوليتج ترد فرش وبهالطريقه تحافظين على سجاد بيتج فررررررررش
نسيت اقولج انه زوليه غرفه نومي كان البيج الفاتح والحمدلله تميت محافظه على لونها لما غيرت

 

[دلالي@]

اختي شرت لامي المكينة مالت تنظيف الزل يمكن 70او 80 دينار
وانا كل ما بغيتها اخذها من امي شنو تطلع وسخ