شلون أكشخ .. حق مزرعه ؟؟ " و وين الاقي تريننقات مقاسات "

[Little_Queen]

.. سلام عليكم بناااااااااااااااااااااااااات :eh_s(17):


كيف حالكم ؟
ماذا تفعلون هذه الايام ؟؟


مادري شفيني قلبت مسلسل مكسيكي !

بنااااااااااااااات .. نخيتكممممممممممممممممممممم يا جماعه الخير !

بننعزم انا و اهلي على مزرعه رفيجه أمي ..

و بيكونون اهلها عندها و عفسه يعني

و اول مره يشوفوني

فمادري شنو ألبس بالظبط !
و عمري ما رحت مزرعه من قبل .. ولا بر .. و لا شاليهات .. :O_SHH_: .. اهلي مو مالوت طلعات خلوية كلش .. ادري صعبه تصدقون بس والله ما عمري رحت اماكن جذي بحياتي عايلتنا صغيره و ما يحبون هالسوالف فما نروح ..

و جد جد مادري شنو ألبس يعني ابي اكون كاشخه و على سنقه 10 مثل ما يقولون لأن اول مره بيشوفوني و انا شاكه بالموضوع أكو " ان " ! و حاسه في تدبيره او خطه شريره :O_SHH_::O_SHH_:


فأبي اروح اكون كاشخه و متسنعه

شنو يلبسون ؟؟؟

و اذا عندكم صور حق الستايلات او الاشياء الي بتقولولي لبسيها قولولي

و على فكرة عشان لا تاخذون راحتكم وايد

انا بطه !

يعني مو تحطولي ليقينز و بوديات لان ما يدور على جسمي هالسوالف و يرفضها رفضا باتا باطا !

و متحجبه

بطه و متحجبه و قصيرة ... يعني انتو و خيالكم عاد


انا فكرت ألبس تريننق :eh_s(13): .. احس اني بنطق مادري ليش و احس التريننق مو كشخه !

بس في حال ان التريننق شي كشخه حق مزرعه ..

قولولي وين أحصل تريننقات حلوة و كشخه و ذربه بمقاسات جميله للأجسام السمينه !

عاد مو سمينه وايد عبالكم فيل ... مقاسي 20

 

[miss_Ba6oOo6a]

شوفي ايفانز عنده الوان حلوه اذا مو خاص وشريت من بي ات اس لون خطير فوشي او مارك سبنسر فيه سوالف حلوه او لبسي بلوفرات الي هابين فيهم اخذيهم نت الرياضي بوما اديداس ريبوك هذول حلوين ويغطون

 

[al-musk]

ممكن تلبسين جينز ومعاه جاكيت مثل ملوت تريننغ يكون ستايل .!

 

[بنفســج]

انا ماأدري ليش ماأحب الترينينج معاه حجاب احس مولايق ....... حلاة التريننج بدون حجاب

بس احسن شي تلبسينه جاااااااااكيت كشخه يعني اكشخ جاكيت عندج لبسيه ومعاه اي بنطلون يناسبه

موفقه يالغالية

 

[مناكير فووشي]

يارب تطلعين كشخه

رفع ’’

 

[Little_Queen]

بنفسج .. شلون يعني جاكيت ؟؟ مافهمت .. و أكشخ جاكيت بعد ؟؟؟؟؟؟؟؟؟؟؟؟؟؟

حق مزرعه ؟؟؟@؟@؟

حطيلي صور اذا سمحتي عشان بالي لا يروح بعيد لأن راح بالي على الجاكيتات الي البسهم حق الطلعه و الجامعه و الزوارات .. !
و هذول ما اعتقد ينفعون حق مزرعه ..

و اصلا مادري شلون صايرة مزرعتهم يعني ما اضمن تطلع تراب و طين و عفسه ولا مزرعه بحوش و سيراميك يعني والله مادري !

و ما جربت من قبل البس تريننقات اصلا فمادري شلون شكلهم علي بحجاب .. .


مس بطوطه : والله صح ذكرتيني بايفانز و بي ات اس خل اروح اخذلي جوله هناك ...
خاطري بتريننق جوسي كوتور ... ..... ما يسوون مقاسي ؟؟؟ ...

المسك : حياتي هذا الي مفكره فيه مبدئيا .. جينز و قميص و جاكيت تريننق او جاكيت عملي .. مادري والله

 

[carrot^cake]

ايفانز الفنار - الكوت

دبنهامز سوق شرق - الافنيوز

ديربي جينز ليلى غاليري - البيرق - زهرة - سوق شرق

 

[الدلوعه2008]

حبيبتي انتي رايحه المزرعه صح

اقول لبسي دراعه ولبسي فروو وبس جذي كشختي

شتبين بالبنطلونات وتريينننقات

والله انا رايحه المزرعه وهم رحت المخيمات قسم بالله ميت بررد مووت مو طبيعي

من بعد المخيمات تبت لبست دراعه وفوقي فروو وجذي مخذه راحتي

وانتي كيفج اذا رحتي وجرعتي لا تذبحين البنات وتقولين موتتوني بررد مو زنبهم فنصحج لبسي درعه وفروو

الجو براا مو طبيعي برد ورياح قويه

 

[نــوي]

ممكن تلبسين جينز ومعاه جاكيت مثل ملوت تريننغ يكون ستايل .!

معاها :eh_s(22):

 

[بنفســج]

حبيبتي اقصد الجاكيتات الرسميه الطويله اللي تصير لحد الركبه او اطول

ويتكون فيها حركية فنــكية

لوعندي صور جان دزيتلج

شفتي شلون جاكيتات ديسيجوال .... نفسهم تقريبا

 

[بدوره 22]

حبيبتي شفتي الجاكيتات الي قالوا عنها البنات ؟؟ همه والتريننقات بجميع المقاسات تلقين منهم طحيحه بالعدساني

والله عندهم مقاسات خياليه ذاك اليوم انا رحت ابي اخذ علشان البر وايد حلوين وخاماتهم تهبل وترى مقاساتهم راهيه

انا البس ميديوم ولمن شريت منهم اخذت مقاس سمول ...والله عندهم مقاسات اكس اكس اكس اكس اكس لارج يعني لا تحاتين والله موديلادتهم تهبل ...

 

[صب القفشه]

up

up
up

 

[Marka Store]

لا تروحين ولاا تيين
روحي ديربي اللي بسوق شرق فوق، وموجود بليلي جاليري تحت وجنه عنده فرع بزهرة

عنده تريننغات حلوة وطويلة

واذا ماتبين تريننغ اخذي التوب مال التريننغ لأنهم يبيعون التوب بروح والبنطلون بروح،، وركبي عليه جنز واخذيلج سكارف حليو رزه

ويزينج زيييييينناااااه

 

[PHOTO♥BOOTH]

روحي ديربي مثل ماقالو البنات

 

[zizio0o]

انا مع مس بطوووطه بالحرف الواحد

 

[AnGel GirL]

روحي مجمع العدساني ترنغات الوان واشكال وجنزات وستايلات البر كله عندهم
اخذيلج جنز وجاكيت الترننغ سوت والا بلوزه طويله
واذا تبين تكشخين لبسي جنز سكيني وبالطو طويل مناسب
بعطيج ستايلات

 

[مها77]

ما انصحج بالعدساني اذا تبين تكشخين

روحي ديربي جينز اللي بشرق وروحي ايفانز اللي بجمعيه القادسيه واللي بجمعيه الشاميه دايم الكولكشن اللي عنده راقيه

ثاني شي انتبهي لا تلبسين شي خبه وايد يعني علشان يغطي متنج ترا بيزيد المتن ولا تلبسين شي وايد ضيق يطلع المستخبي فهمتيني

احسن شي تاخذين جينز يرتب شكلج وخلي قصته ضيقه من تحت يعني لا يصير واسع ترا يمتنج

ولا تاخذين بووت حلاته جوتي رياضي راقي تلاقينه باتليث فوت اللي بشرق او بالركن الرياضي اللي بالسالميه يم مجمع الثريا

لا تلبسين البلوفرات الخبه اللي تسويج متينه وايد اخذي تون او بلوزه بسيطه وطويله ومقاسها مضبوط عليج مو تربطين عمرج علشان تتحركين براحتج

مممممممممممم

وممكن يكون معاج بشت او فروه ترا وايد هابين فيها للبر على الجينز ما يضر خليها معاج بالسياره لو احتجتيها وهذي تلاقينها بالمباركيه صوب الصرافين

ابعدي عن المكياج الخبه خلي شي ناعم

اتمنى اكون افدتج

واهم شي نبي تقرير بعد طلعتكم

 

[FOZQ8]

واي بنات العدساني تريننقاته جنها مالوت المحاميد موحلوين لاخامه ولا قصه يخربون الجسم
حبوبه دان وزنج أوفر روحي ديربي امبيه يهبل اشتري توب تريننق rطويل يغطي الخلفيه من عندهم واذا تبين مثل ما اقالوا من تحت جينز سكني يعني تغيير عن بنطلون التريننق ولبسي بوت uggs راح يطلع وايد حلوووو

 

[bambena]

مزرعه يعني تريننغ او جينز غير جذي لا تلبسين


شوفي ديربي

ايفانز

ماركس سبنسر

نكست

 

[بدوره 22]

والله انا مثلكم كنت اقول تريننقات العدساني كلش مو شي


بس والله توني الاسبوع الي طاف رحت طقيت على راسي

نفس تريننقات ديربي لا وخاماتهم احلى

كد ومد