شلون أواسي رفيجتي بوفاة شخص غالي

[NO_oNA]

:eh_s(11):

علموني شسوي ؟ شقولها ؟ هي الحين تعبانه وماترد علي ومااقدر أروحلها لأن العايله كلها متجمعه فبيكون شكلي غلط بينهم
أقدر أرسلها مسج أو واتس اب ابي ادعيه أو مقاطع تهدي نفسها وتصبرها

:eh_s(2):

 

[Tom ♥ Jerry]

.


انا لله و انا اليه راجعون ..

برايي خليها الحين بس عزيها و خليها جم يوم تهدى
و على ما العايله بعد تاخذ وقتها مع بعض .!

بعد شهر شهرين .. روحي و سلمي عليها و شوفيها
و حاولي تطلعين وياها تغير جو شوي ..
و تطلع من الجو الكئيب الي عاشت فيه
الحزن على شخص متوفي هاذا شي لااازم ..
بس المرحله الي بعدين الي اهيه الخروج من هالحزن اهيه الاساسيه
عزميها عندج .. و سوي اي شي بس المهم تطلع من الجو الي اهيه فيه ..

و شوي شوي راح تنسا و تعيش حياتها ..
الله يرحمه يارب

 

[NO_oNA]

.


انا لله و انا اليه راجعون ..

برايي خليها الحين بس عزيها و خليها جم يوم تهدى
و على ما العايله بعد تاخذ وقتها مع بعض .!

بعد شهر شهرين .. روحي و سلمي عليها و شوفيها
و حاولي تطلعين وياها تغير جو شوي ..
و تطلع من الجو الكئيب الي عاشت فيه
الحزن على شخص متوفي هاذا شي لااازم ..
بس المرحله الي بعدين الي اهيه الخروج من هالحزن اهيه الاساسيه
عزميها عندج .. و سوي اي شي بس المهم تطلع من الجو الي اهيه فيه ..

و شوي شوي راح تنسا و تعيش حياتها ..
الله يرحمه يارب

شهر شهرين كثييييييييييير ,يومين مو متحمله :eh_s(2):

ناويه ازورها بعد اسبوع ان شاء الله وبعدها ببكون معها لحد ماتطلع من الجزن
بس هالفتره ابي اكون معها ومو عارفه شسوي

يعطيج العافيه

 

[لـــيل]

انا لله وانا اليه راجعون الله يصبرها لا عادي روحي اوقفي معها ولا تخلينها اذا رفيجتك مرره خليك معها على طول.
الواحد من يسمع خبر على ناس تعزه وتغليه ياقف معهم ولا ينتظر ايام روحي حتى لو العايله فيه

 

[رواااااح]

الله يصبرها ...

لا كلميها واوقفي معاها قولي لها هاذا حال الدنيا محد بيبقى .. وذكريها بالله

وموزين الحزن ترى الحزن يجر معاه الحزن

جذي يعني تواسينها

 

[zgrtya]

شلون تواسينها ؟؟؟

هذي مشااعر مو احنا نلقنج اياها

إنتي اوردي بتعرفين تتصرفين و شنو بتقولين لها بحاله انج شفتيها تعبانه!!

عموما الله يصبرها و يرحم المتوفي عندهم

 

[نبض خفوقي]

الي تتعب اذا شخص توفئ. ومات جدي ابوها وصارت بحال حزن وتفكير ومهكعانا جسد وبس تبجي وتنووح
كنت اقعد معاها بعد صلاة الفجر واسولف لها قصص في قصص للعبره والمواعظه انا احب احفظهم يعني اقرا وجذي وصادف قبل الوفاه قريت واجد واصلي واجيها احاوول اقولها بس ساكته ماتكلم. تميت اقولها الدنيا زايله وكل واحد بيموت واحنا بجذي نعترض ع حكم ربنا وان روحنا امانه عندنا مانملكها يعني مثل اذا وحده عطتج بوك وسافرت وبعد ماجت تبي بوكها ماتتععطينها اكيدد بتعطينها لانها امنتج عليها وروحنا امانه ربنا امنا عليها وجا الوقت الي بياخذ الله امانته مننا لازم نرضئ بحكمه ومانعترض وهي ساكته هزت راسها عرفت انها تسمعني واصلت اتكلم والميت من الحزن عليه ماراح يستفاد شي والبجي يعذب الميت والدموع تصير مثل الماي الحار تنصب ع جسم الميت وجذي وقلت لها قصة واجد اكتبي قصص للععبره والموعظه بقوقل ويطلع لج دوري قصة ليته كان جديدا < واحد عطا ثوب قديم ويوم بيوت شلون نفعه الثوب هذا الي عطاه وشلون من عطاياه بنت له بيت بالجنه واجد قصص حلوه تنفعج الافضل انج تروحين لها الوتساب ممكن مالها خلق تقرا انتي روحي عادي حتئ لو مع اهلها كلميهابجمبها وهم طرشيلها من قصص غيرها ع الواتساب ونصايح وادعيه للميت قولي دموعج ماتنفعه تضره بتنفعينه اقري هذا << انا امي ماتقرا قلت لها دموعج ماتنفع هذا كتاب دعا الميت ننفعه فيه بدال ماتبجين وتنوحين اقري له وقمت اقرا سطر وهي تقول وراي لين خلصنا الكتاب والله امي حبتني اكثرر وصارت تعتمد علي اكثرر وحتئ بعد المده تقولي وقفتج معاي ما انساها << هذا وهي امي فمبالج رفيجتج بتكسبين اجر وبنفس الوقت العلاقه بتقوي والله يوفقج

 

[نبض خفوقي]

لا لاتاخرين خلج معاها من البدايه بالعزا ولما يخلص كل يومين ثلاث روحي لها بعدين كل اسبوع جذي المهم هالفتره لاتخلينها شهر شهرين تكون مو بحاجتج خلج من البدايه معاها

 

[دلوعة أبوهآ]

الله يصبرهآ ..
كلميهآ بعد يومين وزوريهآ
عشان تصبريهآ وتهديهآ
لاتخلينهآ هالفتره يمكن بتكون محتآجه أحد يحس فيهآ ويوقف معآهآ ..


آلله يرحم ميتهم ويغفر له

 

[قمر بيت أبوها]

ماشاء الله عليك ذهبه انتي مو بنت عاديه
انااقول روحي لبيتهم واقعدي معاها لو تدخل غرفتها ادخلي معاها اهتمي فيها هالفتره لان هنا حاجتها لك
اطبخي لها اكله تحبها وأ خذيها معاك قولي والله مااكلت قلت لازم اكل معاك
وتكلمي معاها بالامور اللي تفيدها قولي وش ناويه تسوين للي مات ودك نجمع مبلغ نحطه سهم بمسجد وافتحي هالموضيع لابكت قولي هو الان مو محتاج لدموع محتاج دعاء صدقه وناقشيه بالقدر
وان شاء الله ازمه وتعدي

 

[NO_oNA]

الله يجزاكم خير بنات , أبشركم كلمتها وماشاء الله متصبره وبرسلها أدعيه تدعيها لميتهم عشان ترتاح وتريحه

 

[$ بنت علمي $]

ذكرتيني برفيجتي الغاليه توفت امها من شهرين عسى الله يرحمها ويغفرلها ويجعلها من اهل الجنه

رحت لها العزا وكانوا اهلها عندها فماقدرت اقعد عندها

بس كنت ادق على وحده من اهلها واسال عليها

وبعدها باسبوع تحسن وضعها وقمت ادق عليها واسولف معاها
وطلعت معاها
والحين الحمدالله كلنا معاها

 

[NO_oNA]

ذكرتيني برفيجتي الغاليه توفت امها من شهرين عسى الله يرحمها ويغفرلها ويجعلها من اهل الجنه

رحت لها العزا وكانوا اهلها عندها فماقدرت اقعد عندها

بس كنت ادق على وحده من اهلها واسال عليها

وبعدها باسبوع تحسن وضعها وقمت ادق عليها واسولف معاها
وطلعت معاها
والحين الحمدالله كلنا معاها

الله يرحمها ويغفر لها

ودي أشوفها وأكون معها :eh_s(2): قاعده ادعيلها دايم

 

[NOoOf 305]

حبيبتي قوليلها هذا امتحان من الله تعالى و لازم تصبر و تتحمل
لا تخلينها بروحها تطمني عليها و واسيها كوني اقرب وحده لها

 

[granted]

لا عادي روحي وياها وقعدي معاها هذا وقتج من صجج ماكوشي يفشل عادي بتكبرين بنظرها

 

[شموخ داري]

ااناا برايي رووحيلها واووقفي معااهاا هي الحييين محتاجتج اكثر من كل مرره وااسيهاااااااا
وخففي عليهاا

 

[اوتار الحياه]

عزيها واقعدي معاها وصبريها ترى الواحد ما يبان معدنه الا بوقت الشدايد والازمات وراح تشوف وقفتك معاها شيء كبير خاصه اذا كانت قريبه منك حيل والله يصبر قلبها

 

[Patcholli]

خلج معاها وحاولي تسلينها وتشغلينها

 

[NO_oNA]

الله يجزاكم خير بنات الحمد الله الحين انا متواصله معاها

 

[رشــــة مطــــر]

الله يرحم موتانا وموتى المسلمـــين
أولا عزيهـا وجبري بخاطرهــآ .. بعد اسبوع كذا روحي لهــا زوريها جيبي معاك هديــة واعزميها في بيتــكم ...