هلا ابوورة
اول شي لازم تطلعين فيزا حق الانترنت انا عندي وحده من الوطني تكون مو مرتبطة بحساب البنك كل شوي تعبينها عشان اذا الله لا يقوله طلع الموقع حرامي ما يقدر يسحب قيمة حسابج كله بس المبلغ الموجود بالبطاقة
انا عندي بطاقة الوطني اونلاين شوبنق
ثاني شي لازم تفتحينلج صندوق ارامكس
تروحين مجمع البستان رسوم الاشتراك 10 دنانير تقريبا
تعطينهم عنوان بيتكم ورقم تلفونج وايميلج
واهما راح يعطونج عنوان صندوقين واحد بأمريكا وبلندن
المهم الحين عندج بطاقة وعندج صندوق
اسهل واضمن موقع تقدرين تبدين فيه اهو amazon.com
اشتركي فيه وحطي عنوان صندوق ارامكس اللي بأمريكا وايميلج وورقم البطاقة
واهو راح يخزن كل المعلومات
فبعدين تقعدين تتسوقين فيه
اي شي يعجبج حطيه ب add to cart
تختارين القياس واللون اللي تبينه
بعدين ليما تختارين كل اللي بخاطرج فيه تسوين checktout
وسيده راح يطرشلج ايميل ان استلم طلبج
وتقدرين كل يوم تجيكين طلبيتج وين وصلت
ليما توصل صندوقج ارامكس راح يطرش الطلبية حق البيت خلال اسبوع او اسبوعين عالكثير
وهذا بالنسبة حق امازون
راح تلاقين فيه وااااايد اشياء جواتي وساعات وكسسوارات وجناط ماركة فيه
اشياء فناتق حق البيبي
بالنسبة حق الجوتي هذا اصعب شي
انا نصيحتي دوري بالانترنت عن تحويلة قياس الجوتي -وانتو بكرامة-
مثلا انا قياسي 38 بالامريكي 7.5
اشتري ارخص جوتي عشان تتأكدين ان القياس مضبوط عليج
بعدين اذا ضبط اشتري الجوتي اللي بخاطرج
وبالنسبة حق المكياج والعطور ارامكس ما يوصلهم للأسف :/
عقب ما تتعلمين على امازون تقدرين تجربين مواقع ثانية
في الاخت kuwaitbutterfly عندها موقع فيه شرح اكثر ومواقع مختلفة
سيي يوووو
