شلون اتصرف ؟؟؟؟؟

[بنت الوفا]

بناااااااااات شلووون اتصرف شنواسوي شنوتقترحون علي

عندي ممرات وغرف اولادي ماحطيت ليت ع الطواف الي يكون خافت الي

بعد مايي الليل ويبون يناموا ينحط لاتقولون ابجورات اخاف عليهم من الكهرباء

مااااادري شرحي مفهوم ؟؟:confused:

 

[دانــــه]

اسمحي لي .. ما قدرت أفهم طلبك

لو ممكن تشرحيه أكثر .. خبرك فول الصبح مسوي مفعول:eh_s(9):

 

[طماشه]

ممكن تشرحين بشويه تفصيل لاني مافهمت

 

[بنت الوفا]

اتكلم عن اليتت الي بالطوافه موبالسقف يعني تشغلينهم بالليل يكون اضاءه خافته خفيفه انا ماحطيت بس عالسقف انشالله فهمتواعلي

 

[مسك 3]

اللي فهمته انج تخافين عليهم من الكهربا في أباجورات صغار على البطاربه بس ما يطولون وايد
وفي حل ثاني الأباجورات اللي تتركب بالكهربا لكن تيبين كهربائي يلغي البلاك ويوصل الواير للأباجوره وتعلقينها بالطوفه ومفتاح التشغيل يكون فوق بحيث ما يطولونه اليهال وتغطينه بالبايب البلاستيم وتركبين عليه شرايط او تصبغينه بلون غرفتهم بحيث انه ما يبين ويخرب المنظر
وفي حل ثالث هم كهربائي يركب لج ديمر حق الليتات بحث انج تتحكمين باضاءتهم وقوتها

 

[دانــــه]

الإناره اللي أشوفها مناسبه لطلبك هي الإناره الغير مباشره

بمعنى أنك ما تشوفي لمبات الإنارة مباشره .. بل ترين انعكاسها على الحائط أو السقف مثلا .. وهذا أريح للعين

هناك أنواع كثيره لهذه النوعيه من الإناره .. وبالإضافة لذلك لو كانت لمبات هذه الإناره من النوع الهالوجيني أو التنجستن .. فيمكنك أيضا أن تركبي مفتاح تحكم بشدة الإناره مثل ما قالت الأخت مسك 3 .. وهو Deemer switsh بحيث تخففي الإناره أو تزيديها حسب رغبتك


بعض أشكال الإناره اللي أقصدها

هنا الإناره موجهه نحو السقف وما يتم رؤيته هو ما ينفذ من الغطاء فقط اضافة لما ينعكس من السقف

هنا الإناره مغطاه بغطاء معدني يعكس على الحائط إنارته

إناره حلوه يتم تسليطها على لوحة فنيه أو سجادة معلقه بالحائط .. ويتم التحكم بشدة الإضاءه من مفتاح الديمر

نفس اللي فوق .. ولكن بحجم صغير






الصورتين 3 & 4 أفضلهم شخصيا للممرات

أما الصورتين 1 & 2 فهم أنسب لغرف النوم






أتمنى اني فهمت طلبك واني قدمت ما يفيدك اختي بنت الوفا