شلون اتصرف مع حماتي الي تنبش بأغراضي

[عاشقة هواك]

السلام عليكم بنات

حبيت اسألكم سؤال شلون تتصرفون مع حماتكم الي تنبش بأغراضكم واغراض عيالكم

هل تزفونها ولا تحقرونها ولا شلون تتصرفون اذا صار هالموقف جدامكم

 

[مريومة (:]

من البدايه شلون اهي وصلت لهالمرحله ؟؟؟

هل انتي متهاونه وياها،، او بينكم ميانه لهالدرجه ،، او اهي مريضه نفسياً ،،

من امن العقوبه اساء الادب

 

[الأميرة جوري]

اكيد معطيتها ويه زياده عن اللزوم والا ما تنبش

 

[عاشقة هواك]

الصراحة كنت اسكت عنها عشان لا اضايقها بس امس وصلت حدي انفجرت وعصبت عليها

 

[عاشقة هواك]

بنات اذا صار لكم هالموقف شلون تتصرفون علموني ومنكم نستفيد

 

[عذاريي]

وعليكم السلام ورحمه الله وبركاته


مايجوز تصارخين عليها حبيبتي ، اعتبريها حسبت امج .... عموما


الحل ان كل ماتشوفينها تنبش روحيلها قولي تبين اساعدج بطريقه حلوه مع ابتسامه من قلبج مو تصنع ، كذا مره واتوقع تستحي وتبطل هالحركه


لو امس صارختي وعصبتي ان ليش تنبش وعرفت انج عصبتي عشان هالسبب خلاص لاتقولين اي شي بس روحي رتبي اغراضج يمها



بس مو نظام تروحين ترتبين ونفسج براس خشمج ورافعه حاجب ونظرات وماكو كلام ... لا سولفي ورتبي

 

[نـعـومـه]

اشكره قولي لو سمحتي هذي خصوصياتي

 

[عاشقة هواك]

وعليكم السلام ورحمه الله وبركاته


مايجوز تصارخين عليها حبيبتي ، اعتبريها حسبت امج .... عموما


الحل ان كل ماتشوفينها تنبش روحيلها قولي تبين اساعدج بطريقه حلوه مع ابتسامه من قلبج مو تصنع ، كذا مره واتوقع تستحي وتبطل هالحركه


لو امس صارختي وعصبتي ان ليش تنبش وعرفت انج عصبتي عشان هالسبب خلاص لاتقولين اي شي بس روحي رتبي اغراضج يمها



بس مو نظام تروحين ترتبين ونفسج براس خشمج ورافعه حاجب ونظرات وماكو كلام ... لا سولفي ورتبي

حبوبه اخت زوجي مو ام ريلي الي قاعده تنبش فهمتيني غلط

 

[بسم الحب]

مفروض من البدايه ماتعطينها فرصه وعادي يوم عصبتي عليها عشان تعرف أن الي تسويه غلط حلوه هاي تحوس في اغرضج وتسكتين عنها طول هاي الوقت انا لو من أول مرره عطيتها كمم كلمه عشان ماتحط يده بس على أي شئ لي ​

 

[اهذريبك~]

قوليلها فلانة تراج غلطانة هاذي جنطتي
والا قوليلها مضيعة شي !! مع نظرة استغراب

 

[عاشقة هواك]

المشكلة بنات اخت ريلي ويها عريض تنبش حتى ما استأذنت مني والي قهرني ام ريلي يعني تبي ترقع لها تقول انا قلت لها على اي اساس تقول حق اخت ريلي تنبش بالاغراض مو عيب انا اغراضها ما اجيسهم ليش تجيس اغراضي واغراض بنتي اهيا شكو تنرفزت حيل امس

 

[حبي وحياتي]

​

بكل بساطه قولي ﻻم زوجج خالتي لو سمحتي هذي اغراضي وخصوصياتي ماحب احد ينبش فيهم واذا بغيتم اي شي قولولي
ﻻن هالتصرف يضايقني حيل

 

[حبيبي مالكني]

انا لو مكان بشيل الاغراض من جدامها
بنفس خايسه عشان تحس انه مو عاجبج الي قاعد يصير
يمكن تحس وتوقف هالحركات
بس اذا عادتها قولي لها شكو تفتشين باغراضي
ترى انا ماحب هالحركات
قولي لها هالشي بصوت واطي
ونبرة طبيعية مو جنج اتصارخين عليها

 

[om 7amoodi]

قفلي على اغراضج لا تعطينها مجال تفتح شي :eh_s(1):

 

[فتاة الكوخ]

وقفيها عند حدها

 

[Royof]

حبيبتي

اي غرض لج تنبش فيه تعالي لها قولي فلانه امري بغيتي شي ما اتوقع اغراضج بتوصل عند اغراضي .. اهي بتفهم

 

[عاشقة هواك]

ياريت لو تفهم والله عيب هذي خصوصية المفروض تستأذن قبل ما تفتح شي

 

[عسل حدي]

الله يعينج

 

[معصبه وايد]

ليش يمه مافيها شي قوليلها لاتنبشين وادورين بااغراضي قطيها بالويه الموضوع تافه مايحتاج تكبرينه ياامي اللي مايستحي منح لاتستحين منه وهذي ويها عريض اصلا شلون تخلينها تدش الدار نعم مو من حقها انا داري اطقه قفل وين ماروح ميتين حره عشان اقفل الدار يبوني اخلي الدار مفتوح حق الاشكال الحلوه محد يتجرأ يدش داري لدرجة انهم اتهموني اني اسوي *** وعندي اشياء وصخه وحياتج احلا سيفون وبلوك عالاشكال اللي جذي هذا اللي ناقص بعد