شلون اتعامل مع الناس شلون اخليهم يحبوني مشكله تاعبتني كثير

[Ďαитεl]

مرحبا بنات شلونكم؟

انا بنت من السعوديه .. عمري 21 سنه
مو عارفه شلون ابدء كلامي وكيف اكتب هي مشكله معقده حتى انا مو فاهمتها
احس اني ملخبطه كثيييييير من دآخل عندي اهتزاز بالثقه تجيني اوقات كثيره مااثق بنفسي
انفر الناس مني حتى صديقتي صديقه عمري وحبيبتي ونور عيني كرهتني
جدا تضايقت صرت اكره كل شي حتى صديقات ماعندي الناس ماتسال علي ولا تهتم
ولا تقولون مشاغل الدنيا ومدري شنو لان لو انشغلوا مايسالوا عن صديقاتهم ويسحبون علي :eh_s(2):
والله مو عارفه بالمقدمه وش ابي كثير تعبانه :eh_s(2)::eh_s(2):

ابي صديقات ابي احد يحس فيني يهتم فيني يحبني يقدرني ..
ابي ارجع اكسب صديقتي ابيها تحبني مثل قبل تشتاق لي وتفقدني وتهتم فيني
ودي اكسب قلوب هالناس ودي اشوف حبهم اهتمامهم ودي اكون بالفعل شخصيه محبوبه
ابي اكون قنوعه ابي يكون لي هيبه وكبرياء ..

ماحس ابد هالفتره لي شخصيه ثابته كذا ملخبطه حتى اللي معي بالبي بي يقولون لي دايم حزينه دايم مودك كئيب
ودي اتغير ابي اكون انسانه افضل احسن
انسانه لي علاقات اجتماعيه محبوبه فرفوشه
ابي اشيل الحساسيه اللي فيني انا كثيييير حساسه وغيوووره جددددددددا يعني اذا حبيت احد اغار عليه من نفسه
لين يمل منننننني مو بيدي هالطبع اكره هالشي فيني ابي اشيله
حتى صديقتي متضايقه من هالشي مجرد اشوفها التهت عني ازعل واقلب الدنيا عليها واغار واجننها
وماثق فيها لين كرهتني وربي مو بيدي احسها بتضيع مني واحس ان في غيري شاغلها :eh_s(2):
هالمشكله تاعبتني حيييييييييييييييييل بجد حيل حيييييل تاعبتني

ياليت تساعدوني وابي صديقات بعمري اضيفهم ع البي بي معي يكونوا فروفشآآت ويهتمووا ويحبوني
انا ماقصدت الا منتداكم لان اعرف بنات الكويت بنات فزعه وماراح يقصروا

واعرف اني بلاقي بنات فله وبعمري يغيروني وبنسجم معهم ونصير صديقات :eh_s(22):
انتظركم :eh_s(17):

 

[Tom ♥ Jerry]

.


مرحبتين حبيبتي :eh_s(22):

مو من حقج تغارين على رفيجاتج !!
شي غريب هاذي رفيجتج مو زوجج مو ملك لج ..
بطبعج هاذا ماراح تستمرين مع و لا وحده

شالمانع لو رافجتي وحدة و اكثر من وحده و بالمقابل اهيه بعد
ترافجج و ترافج غيرج .. :eh_s(17):
وايد استغرب من البنات الي يبون رفيجتهم حقهم اهمه بس !!
يحسسوني انهم متزوجين مو رفيجات

طبعج لازم تغيرينه لانه خطأ !
و انتي قلتيها بروحج يننتي رفيجاتج وياج و بعدو عنج

و سالفه الثقه بالنفس .. لازم تتعلمين و تعلمين نفسج عليها شوي شوي
اول شي حطي في بالج انه الحياه بدون رفيجات او مع رفيجات مستمره
بدون الناس او مع الناس مستمره ..
يعني مو تقولين مستحيل انا شلون اعيش بروحي
السعادة انتي الي اتييبينها حق نفسج مو الناس !
لا تخلين سعادتج متوقعه بايد الناس ! لا خليها عندج على طول
خلج سعيده بحياتج ،
دخلي دورات و طوري نفسج و ثقتج بذاتج
شغلي وقت فراغج باشياء مفيدة :eh_s(22):

 

[جنون العاطفه]

الموضوع بسيط حبي نفسج يحبونج الناس
ابدي اولا فيج

وبنسبه للي ذكرتي ممكن تغلبين عليها وتكونين علاقات كثيره ​

 

[رشــــة مطــــر]

ارجعـي لرفيقتك تأسفي منها واطلبي منها السمـآح حاولي تتقربين من النـآس بالاسلوب الحلو والرآقـي ابتعدي عن الغيره هذي عاده مو زينـه إنك تغـارين على رفيقتك ترى تتغير نظرتهم اتجآآهك .. ارمي هموم ومشـآكل الدنيا والكآبة وراء ظهرك ..ابتسمي للحيـآه تبتسم لك .. كوني خلوٌقة مع اي شخص تلتقين فيـة .. تعلمـي أسلوب الحوآر وادابة عشان ماتخسرين نفسك وتخسرين اللي حولك .. غيري من حيــآتك .. جددي روتينــك من جميع النوآحــي .. قبل كل شــيء تقربي من ربك ..
وعسى السعـــــــــــــــآده ماتفــآرق محيآآش ...

 

[لمى الهاجري]

انا بعد ابيج تكونين صديقتي بس لاسف ماعندي بيبي

 

[dalo0oa121]

انا مثلج بعد معندي ربع ادري الغلط مو مني لانه اسلوبي حلو
مع الكل

 

[الجوهرا]

ااااب

 

[روح مرحه]

هلاا حبيبتي..
مشكلتج مثل وايد بنات بس الشي الحلو فموضوعج
انج حاليا عندج صديقه ...بس علاقتكم مهزوزه
يعني المطلوب ترميم هالعلاقه...واذا تحسنت علاقتج مع رفيجتج راح تتحسن علاقتج تلقائيا مع كل الناس..
اولا الحساسيه والحزن<<اكيد سببهم ماضي حزين وطعنات وتجريح من ناس غالين..وهذا اللي كون لج هالشخصيه..
نبتدي بالحاضر..
الناس بطبعهم مايحبون الحزن ولايحبون يحتكون بشخص نكدي<<واسمحيلي على هالكلمه بس للشرح يعني..
علشان جذيه
حاولي تنسين واقعج المؤلم...اضحكي فرفشي حتى لو تتصنعين الفرحه
شاركي الناس سوالفهم بتعليقات طريفه <<جربي مره ومرتين وثلاث لحد ماتصير عاده عندج
ثانيا
لاتقعدين تحاسبين رفيجتج على الرايحه والجايه لانها اكيد بتمل
يعني اذا ماردت عليج اعطيها عذر قولي مشغوله..ولاتقلبين مودها بالزعل على اتفه الاسباب
خلي سوالفج معاها عباره عن مزيج بين الاهتمام وبين الود وبين الفرفشه والضحك<<حاولي تخلقين جو يحبب رفيجتج والناس فيج
حتى لو قلتي صعب اقولج حولي مره ومرتين وثلاث..طولت وايد بالحجي بس حبيت اساعدج باللي اقدر عليه..
وربي يسعدج ويوفقج واتمنى تستفيدين من نصايح البنات هنيه...<<واي شي ثاني او مساعده ترا نحن خواتج..

 

[كراميلا مرة]

انتي حاولي تغيرين اسلوبك
لانه الصديقات مايحبون وحده غيوره وتبين تحتكرينها ماتكلم غيرك
ادري الطبع صعب تغيرينه
بس على الاقل حاولي ماتبينين لهم انك غايره او زعلانه
وحاولي تندمجين معاهم ومع صديقاتهم الجدد
لانه مهما كان هذولا صديقات مو زوج ماتبينه يكلم غيرك

وبالنسبه انهم يسحبون عليك
ترى الحال من بعضه
الدنيا تلهي وكلن ظروفه تحكمه
انتي لا تقصرين نفسك على ناس معينه
تعرفي على بنات كثير وصيري اجتماعيه
عشان اذا انشغلوا فتره تقدرين تصبرين بدونهم
وان شاء الله تلقين صديقات وتستانسين معاهم

 

[Fatn]

ابدي اول بعمرك
حبي نفسك وقولي لنفسك انا افضل وحده بها الدنيا
وانا بعتمد على نفسي مارح اعتمد على احد
البدايه منك انتي الثقه الثقه احسن شي با الدنيا
وقولي لنفسك لو اللي حولي يحبوني بيتحملوني لاتترجين احد او تفكرينها نهاية العالم اذا صديقاتك بعدو
وخير الدنيا مليااانه بنات وبدال الوحده مليوون
ولاتغارين على اححد غيره زايده وحاولي تغيرين ها الشيء وبيتغير ان شاء الله

 

[داعيه إلى الله]

الحديث القدسي يقول :
عن النبي صلى الله عليه وسلم ، قال : (( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض )) متفق عليه .

وفي رواية لمسلم : قال رسول الله صلى الله عليه وسلم : (( إن الله تعالى إذا أحب عبداً دعا جبريل، فقال : إني أحب فلانا فأحببه، فيحبه جبريل، ثم ينادي في السماء فيقول : إن الله يحب فلاناً فأحبوه فيحبه أهل السماء، ثم يوضع له القبول في الأرض، وإذا أبغض عبداً دعا جبريل، فيقول : إني أبغض فلانا، فأبغضه، فيبغضه جبريل، ثم ينادي في أهل السماء إن الله يبغض فلاناً، فأبغضوه ، فيبغضه أهل السماء ثم توضع له البغضاء في السماء ))

المقصد من كلامي هو ارجعي إلى الله سبحانه واتركي الغيره التي ليس بمكانها واجعلي همك الاخره وحبك لله وغيرتك على دينك
تجدين الدنيا ترتمي تحت قدميك وتجدين لكٍ قبول فالدنيا وحب الاخرين لك في الله .
استودعكم الرحمن

 

[برنسيسة2007]

حبيبتي انتي تبحثين عن الحب عندج فراااغ
انتبهي لدروسج وفي نفس الوقت الجئي للع وادعيه بالصحبه الصالحه
وحسني اخلاقج اقري سيرة الرسول صلى الله عليه وسلم خليه قدوتج وراح تعشقج الناس
نصيييييحه انتي تغارين علا اللي تحبينه لانج اتخلينه محور حياتج وهذا اكبر خطأ لاتخاوين وخده لأ خلي عندج اكثر من صديقه
ولاتخاولين اتغيرين من نفسك يعني اتحطين نفسج فرفوشه لانج بطيحين باخطاء خليج علا شخصيتك ومن قال ان الفرفوشه افضل الشخصيات غالبا الشخص الهادي الصامت الرزين يكون محط اعجاب واهتمام الناس

وماوصيك اشغلي نفسج بالصلاة وادعي الله حبه وحب الناس لك والزوج الصالح اللي تعيشين معاه حياة سعيده

 

[روانتي 12]

الحل موجود و معروف و مشهود و مجرب و مضمون . . ( ( عامل ناس كما تحب ان يعاملوك ) )

 

[صمتها ونه]

وربي نفس مشكلتي يااابناات بس المشكلللللللله هي اللي تحدني اني اتضاايق معهاا يعني شووفوو

هي تقوولي لاتتغيرين علي وهي تتغير تقوولي لاتكلمين فلان واجد وهي تسووي جذيي

والله مدري شنو الحل


واذا تبين تضيفيني بالبيبي طرشيلي بنس خاااص

 

[دلوعة أبوهآ]

مآقصروآ آلبنآت


موفقهةة

 

[برستيجي مآركة]

يؤيؤ الله يهديج شنو تغارين على صديقتج اذا كلمت وحدة غيرج عادي مافيها شي ليه انتي لو بتروحين وتكلمين وحدة ثانية غيرها بتقولين سالفة عادية وتجيج تقولج انا زعلانه ليش كلمتي غيري تحسينها منطقية لازم تكون عندج وعندها علاقات اجتماعية مافي انسان يقدر يحتكر انسان ثاني اذا الزوجة مع زوجها صحيح انهم لبعض وتغار عليه بس ماتقدر تمنعه من علاقاته الاجتماعية انه يكلم اخوياه امه ابوه خواله عمامه خواته الخ من محيطه الاجتماعي
فكيف بصديقتك تبينها تكون بس لك مسسسسسسستحيل طيب هااللي تعرفت عليها خليها تعرفك عليها وتكونين صداقه معاها مافيها شي بالعكس يكثر محيطك الاجتماعي اللحين ياكثر البنات اللي مسوين قروبات اصدقاء مع بعض سواء بالدراسة او خارج محيط الدراسة ..
وسوري ع الاطاله ..
وربي يسعدك وين ماتكونين..

 

[Ďαитεl]

الله يعطيكم العآفيه يارب طيب يبقى سؤالي شلون اكون علاقات
يعني تقولوا لي كوني علاقات خليك فرفوشه وغيره شلون طيب ؟

 

[ĭςе ćŗęam]

الله يعطيكم العآفيه يارب طيب يبقى سؤالي شلون اكون علاقات
يعني تقولوا لي كوني علاقات خليك فرفوشه وغيره شلون طيب ؟

:080402ask_prv::eh_s:

1_ كوني كما أنتي . لا تحاولي أن تغيري من طبيعة نفسك أو شخصيتك

2_كوني متفائله دائما . تذكري أن في هذه الحياة
دوما ما يستحق الفرح والاهتمام
وأن هناك دائما قادما جديدا يحمل كل خير وبركة.
[[ الشخص الذي تفوح منه رائحة التفاؤل يقبل الناس
عليه ويلتفون من حوله ]] :eh_s(17)::eh_s(17):

3_ابتسمي قدر ما تستطيعين .
[[ الابتسامة ، على قدر بساطتها ،
تفعل السحر فيمن تقابله وتتحدث إليه وتجعلك قريبا منه محبوبا إلى قلبه .]]

4_استمعي أكثر مما تتكلمي .
( الآخرون يحبون من يستمع إليهم وينصت لحديثهم ويظهر الاهتمام بما يقولونه .
حتى لو رأيت أن ما يقوله الآخرون سخيفا
أو مكررا أو غير مهم لك ، فاحرصي على أن تظهري الاهتمام بهآ و الإنصات لهآ .)

5_في كل مرة أظهري الاهتمام بواحده ممن تلتقينهم في عملك أو دراستك
بالسلام والجلوس إليهآ و الحديث معهآ . :eh_s(22):

6_ الحرص على الحديث مع الكبار . ( الأكبر سنا عادة
ما يكونون هم الأكثر تحملا للأخطاء والهفوات،
وسوف تتعلمي منهم كيف تعبري عن نفسك
وتديري الحديث بطريقة ذكية و ناجحة .) :eh_s(15):

7_كوني وآثقه من نفسسسك مقتنعه بقدراتك ومهـآرتك

8_فكري بما ستقولينه قبل أن تتلفظي به
. العناية بالكلمات و طريقة التعبير عن الأفكار ستحفظ عليك علاقاتك دافئة
وسيقدرك الآخرون لك ذلك . ولا يعني هذا أن
تكوني متردده أو خائفه مما ستقوليه وخاصة مع الأشخاص االجدد


إممم أتمنى أكووون آفدتك حبيبتي :eh_s(17):​