تسلمين يا قمر
الجامعه غير المدرسه
بكثير
اللهم يشتركون في معدل التراكمي
ما ادري شلون نظام جامعتكم بصراحه اكره شيء نظام تراكمي لانه لو فصل واحد نزل معدل ياثر على معدل تراكمي للسنوات السابقه
لازم تحافظين على معدل
d,cينزلون من المعدل
حاولي قدر المستطاع لا تجيبينهم جيب درجه احسن B
عندج Aشويه صعبه تحتاج
مثلا احنا قانون في الصف فقط 3 اشخاص من يحصلون على درجه امتياز.
انتوا قانون جامعتكم ما ادري كيف
انتبهي لشرح الاستاذه اهم تركزين في الصف
ما عليج من احد لو ينهدم قدامك الجدار ما عليج منه
ودائمااااااااا كتبي الملاحظات الي يقولها الاستاذ او معلمه
بتشوفين بنات ما يكتبون انتي ما عليج منهم عليج من نفسج
لان في بعض المدرسين يجيبون الاختبار من الي يقوله في الصف في اشياء لازم تنتبهين لهاااااااا
لازم تكون كتابتج سريعه عشان تلحقين شنو يقول الاستاذ
يفيدج بعد لما تكتبين الي يقوله يتركز المعلومه في بالج اكثر من انج فقط تسمعين
لا تسالفين مع احد في الصف
اذا ما فهمتي شيء سئلي ما فيها شيء
شاركي في الصف بالعكس تكوني مميزه في الصف ولا عليج من تعليقات احد سواء بنات او شباب
في اختبارت جيبي درجه عاليه
في اختبارات نهائيه
بيلج ناس في الصف يقلبونه فوق حدر
اشكال واصناف في الامتحان
الي الي يستهبل والي يعمل حركات الي ما ادري يشتتون المعلومات في مخك لا تحطين اي احد في اعتبار
الي دقيقه ما يقعد على حيله ربشه تقولين مربوشين
في الامتحان كوني هادئه وفرحانه لا توترين في امتحان كل معلومات تروح من مخج
والافضل اكلي كاكاو قبل الامتحان ودخلي الامتحان بتحسين انج مفرفشه
نصيحه الناس الي تشوفينهم متوترين لا تجلسين معاهم تراهم بيعادونج وانتي بتوترين بالتالي بتعفسين في الاختبار
الي تقول اني ما درست اني برسب تشوفينها تعفس المكان عفاس
وتجلس توجع راسج على هذه المقوله ( الي تقول لج الامتحان اكيد صعب )
وفي الامتحان لو لاحظتي احد يتحجج او يصارخ نصيحه قولي للي يراقبك خليه يسكته
لان بيضيع الوقت عليج انتي مو كاتبه شيءمن ازعاج
جزئي الكتاب درسي قبل الامتحان باسبوع احسن لج
ثانيا كل اسبوع درسي الي عطوكم كامل يوم الجمعه درسي الي عطوكم
اذا ما تحبين تدرسين كل يوم
اعتمدي على كتاب والملاحظات
درسي من الملاحظات الي الاشياء الي ناقصه في الملاحظات او دفترك رجعي له في كتاب
بس لاتعتمدين على دفتر فقط
لان بيجي لج في امتحان سؤال من كتاب بتوهقين
جامعه روعه ما يحتاج كل يوم تدرسين
لانج انتي ليس هندسه
انتي علوم اجتماعيه
في جامعه ساعات تنظلمين صدق
وساعات يعطونج حقج
بعض الاساتذه في تفكيرهم لا احد ياخذ درجه الامتياز الا عبقري
فلو شنو سويتي ما يعطونج درجه الامتياز وساعات تتعبين ويعطونج درجه جيد
على الي يعجبهم
في اساتذه حقانين على قدر تعبج يعطونج درجه
يعني لو مثلا عطوج درجه الجيد وانتي تعبتي وحطيتي كل جهدك وجبتي درجات عاليه لا تستغربين
في جامعه لو رسبتي عادي
بعض الدكاتره يحطون لج درجه نازله وانتي متعبه روحك
ليش انتي مو عاجبتني
في تحيز غير طبيعي
ونصيحه حاولي تثبتين نفسج في الصف بمجهودك
من اختج شوشو الشقيه
