شلون اتقن اللغه الانجليزية ؟؟؟؟؟

[رو&الشقاوة&وح]

السلام عليكم

بسراحه بنات نفسي اتحجى انجليزي بطلاقه بس المشكله ماااقدر اروح لمعاهد او اخذ دورة ظروفي ماتسمح لي:cxxxp:

ابي اتعلم عن طريق النت او كتاب سهل ويعلمني بشرط اكون متحدثه ....:tek:

ممكن تعلموني شلون؟؟؟؟

وموفقين

 

[om deaj]

دشي مواقع انجليزية واضيفي ناس اجليز عشان تكلمينهم
وفي مواقع شات انجليزي عشان الدرسة تفيدج بس دوري بجوجل لانه حاليا ماعندي ولا واحد منهم

 

[!الجادل الصعب!]

رد : شلون اتقن اللغه الانجليزية ؟؟؟؟؟

وآلله آنا شفت نفسي آتعلمها دآيركت من متآبعة الافلآم الاجنبيه بدون لآ آطآلع الترجمه وشوي شوي بتتعلمين .. خصوصآ اللهجه تضبطينها من الافلآم .. وشوفي طريقة الاخت آم دعيج هم حلوه بس مآجربتها..
موفقه .. آحب البنت الي تطور نفسهآ

 

[رو&الشقاوة&وح]

رد : رد: شلون اتقن اللغه الانجليزية ؟؟؟؟؟

دشي مواقع انجليزية واضيفي ناس اجليز عشان تكلمينهم
وفي مواقع شات انجليزي عشان الدرسة تفيدج بس دوري بجوجل لانه حاليا ماعندي ولا واحد منهم

فكره والله عيل بحوووووووووس بقوقل ليما القى ضاااااااالتي:n2006107:

تسلمين لي يالغلا

 

[رو&الشقاوة&وح]

رد : شلون اتقن اللغه الانجليزية ؟؟؟؟؟

وآلله آنا شفت نفسي آتعلمها دآيركت من متآبعة الافلآم الاجنبيه بدون لآ آطآلع الترجمه وشوي شوي بتتعلمين .. خصوصآ اللهجه تضبطينها من الافلآم .. وشوفي طريقة الاخت آم دعيج هم حلوه بس مآجربتها..
موفقه .. آحب البنت الي تطور نفسهآ

منورة يالغاليه

وانا تقريبا اتبع طريقتج بس احيان اتعيجز واقعد اقرى وعلى فكره احيان تكون الترجمه غير نوعا ما عن الحوار هذا اللي لاحظتة :eh_s(20):<<<فطينه خخخخخخخخخخ

ومن ناحية تطوير النفس فهو ضروووووووووووره اي والله ترى الحياة مو بس دوام وزوارات وتسوق لااااا.....لازم نتطور ونبدع......:s142:

وتسلمين يالغاليه:bye22:

 

[غيدآء]

حبوبه روحي مكتبة جرير منتي خسرانه شي

هناك تلاقين حاطين قسم خاص للمبتدئين بتعلم اللغات وحاطين كتب على حسب المستويات ومن جميع المجالات

شوفي الليفل والمستوى الي يناسبج وبلشي من هالناحيه


وموفقه ~

 

[aṕriliå]

رد : شلون اتقن اللغه الانجليزية ؟؟؟؟؟

آنا تعلمت من الافلام

ومثل طريقة ام دعيج

..~

 

[Nanoosa]

انا قمت أرطن (حلوة أرطن ) من الافلام اللي أشوفها بس بدون ترجمة
و كان عندي صديقة سويدية أكلمها بالمسنجر و صرنا ربع كنت أكلمها بالانجليزي لما كان عمري 14 عاد شوفي البدليات مسيكينة تحملتني

الحين عمري 18 كلله أسولف مع أجانب عادي اذا قطيتي بدلية مني ولا مني تتعلمين منها

الحين انا تقريبا تقدرين تقولين أغرد بالانجليزي لووول
الحين شوي شوي قاعدة أقرا كتب بالانجليزي

ان شاء الله أفدتج

 

[هوية غريب]

رد : شلون اتقن اللغه الانجليزية ؟؟؟؟؟

الأفلام مفعولها عجيييييييب

انا جربت .. وقمت أنزل أفلام من الإنترنت (طبعاً بعد التحري عن الفلم عشان ما انصدم بمقاطع فاضحة .. لأنه ينزللج بخير ابوه ) .. ومو بس أعتمد على السماع .. لأ .. اقوم أنزل الترجمة الإنجليزية عشان اذا ما فهمت شي سماعاً أقراه وأترجمه .. بجذي تعلمت أتكلم أحسن من أول (بس ما وصلت لمرحلة التغريد) .. بس شوي شوي ربج ييسر

والله يوفقج

 

[أنثى اليمامة]

رد : شلون اتقن اللغه الانجليزية ؟؟؟؟؟



انا بالنسبة لي تعلمت من العمل لانه الي اشتغل معاهم ما يتكلمون عربي الا قليل منهم وكل الي معاي اجانب وهنود وفلبن . . فاللغه عندي تقوت بشكل كبير وحتى اللهجة لدرجه انه واااايد ناس لما تشوفني اتكلم انجليزي يسألوني وين متعلمه انجليزي . . واذا بالتليفون ما يعرفون اني عربيه . . بس الى الآن مو وصلت للي ابيه التوب بالانجليزي ودي ادخل توفل بس ما في وقت دوامي صبح وعصر . .


اهم شي انج تتعودين تتكلمين انجليزي . . مو بس الكتابه اهم شي النطق يعني جربي تسمعين محادثات بالانجليزي . . وجربي تتكلمين انجليزي .. اهم شي . . اتذكر ايام الابتدائية والمتوسطة بامتحان الانجليزي اضل لليل ابجي ما اعرف شي . . . !!

في موقع وااايد حلو يعلمج وفيه اختبارات وتسجلين فيه اختبار كتابه وصوتي وفي ناس يردون عليج ويقولج اذا وين غلطتي وفيه تقدرين تكونين صداقات وتحسنين لغتج . . مو بس انجليزي فيه لغات كثيره . . اتمنى يفيدج . .

http://www.livemocha.com/


موفقه يا رب

 

[هوية غريب]

رد : شلون اتقن اللغه الانجليزية ؟؟؟؟؟

انا بالنسبة لي تعلمت من العمل لانه الي اشتغل معاهم ما يتكلمون عربي الا قليل منهم وكل الي معاي اجانب وهنود وفلبن . . فاللغه عندي تقوت بشكل كبير وحتى اللهجة لدرجه انه واااايد ناس لما تشوفني اتكلم انجليزي يسألوني وين متعلمه انجليزي . . واذا بالتليفون ما يعرفون اني عربيه . . بس الى الآن مو وصلت للي ابيه التوب بالانجليزي ودي ادخل توفل بس ما في وقت دوامي صبح وعصر . .


اهم شي انج تتعودين تتكلمين انجليزي . . مو بس الكتابه اهم شي النطق يعني جربي تسمعين محادثات بالانجليزي . . وجربي تتكلمين انجليزي .. اهم شي . . اتذكر ايام الابتدائية والمتوسطة بامتحان الانجليزي اضل لليل ابجي ما اعرف شي . . . !!

في موقع وااايد حلو يعلمج وفيه اختبارات وتسجلين فيه اختبار كتابه وصوتي وفي ناس يردون عليج ويقولج اذا وين غلطتي وفيه تقدرين تكونين صداقات وتحسنين لغتج . . مو بس انجليزي فيه لغات كثيره . . اتمنى يفيدج . .

http://www.livemocha.com/


موفقه يا رب

جزاج الله خير أنثى اليمامة على الموقع .. سجلت فيه ..

تصدقين انا بعد عندي مشكلة بالتوفل .. حددته بتاريخ 5 فبراير ولا أتفاجأ بعد موعد علاجي بكم يوم وراح اكون تعبانة على أغلب الظن .. الحين أبي أؤجله ماني عارفة شلون :eh_s(10): وناوية آخذه أكثر من مرة لما أصل إلى 570 - 580 .. بإذن الله

تسلمين حبوبة والله يوفقج


غدير

 

[Gears]

رد : شلون اتقن اللغه الانجليزية ؟؟؟؟؟

Read
Read
&
Read


حتا لو ماتفهمين عادي حطي يمج مترجم ومع الوقت تتعودين .. أعتقد هذي افضل طريقة ;p

 

[سندس 90]

اب اب
بصصرااااحه خاااطري اتعللم ،، ممممم لييش لأ 

 

[عادت ذكرياتي]

1- متابعة برامج أقل شي عندج اليوتيوب وإنتي شابكة عالنت قعدي وشوفي وحاولين تنطقين الكلمات .
2- القراءة ابديلج بشي سهل لو مجلات أو مطويات أو مقالات بجرايد أجنبية مثل آفاق الجامعية ....إلخ .
3- حاولي تتحجين انجلش مع رفيجاتج بالمسن مثلا.

موفقة حبوبة