شلون احافظ على دبلتي

[english muffin]

هلااا بنات

بغيت اعرف شلون احافظ على دبلتي ؟
دبلتي الماس ومسكين ريلي شراها لي بمبلغ غالي واخاف لا اخربه والا اطيحه منه الماس

عادي البسه على طول واتسبح وانا لابسته ؟ والا اشيله وقت الشور ؟؟
لوول حدي افشل ادري بس صج ماعرف اخاف احط عليه شي ويخترب

 

[ام الدرر]

حبوبة عادي اذا غالية ومن محل معروف ما يطيح فصوصه ان شاءالله
بس انتي لا تلبسينها على طول يعني اشتري دبلة ذهب عاديه او الماس تقليد للطلعات العادية وبشكل يومي
ودبلتج خليها للمناسبات عشان ما تروح زهوتها وغلاتها
والف مبروك حبوبة​

 

[ولهااااانه]

لاتلبسينهـا ع طووووووول

 

[خياله]

هههههههههههه الله يهداج في وحده تتسبح بدبلتها الألماس يحليلج عجزانه تفسخينها
انا أقووول خليها حق المناسبات والازوارات والله يوفقج

 

[haya20]

رد : شلون احافظ على دبلتي

اذا نوعيتها زينه الالماس مايخترب ولا يطيح انا دبلتي كله على ايدي ماصارلها شي لاتحاتين بس اذا نوعج مومتعوده عليها لاتلبسينها يمكن تفصخينها وتنسينها وتضيع
مبروك حبيبتي

 

[english muffin]

رد : شلون احافظ على دبلتي

خيالة
لاا مب مينونة اتسبح فيها لووول
عطيتكم مثال فقط لا غير لووول


شكرا بنات

 

[DA3LOoOLA]

رد : شلون احافظ على دبلتي

نصيحتي لج حبيبتي اخذيها دبله غيرها خليها حق الطلعات اليومية وحق الدوام ولزوارات ومني ومناك ودبلتج هذي خليها حق المناسبات والعزايم بس

 

[noody a&a]

رد : شلون احافظ على دبلتي

لا أي شي

حبيبتي الالماس ماتنلبس على طول بس حق الكشخه يعني رايحه مستوصف جميعية مني مني لا

شتبين الناس يقولون مو شايفه خير

لا ياقلبي الالماس تنلبس بس حق البيوت ولما تطلعين مع ريلج

وأكييييييييييييييييييييييييييييييييييييييييييييييييييييد

ماأدري مايبيلها سؤال

يعني حده ماله داعي السؤال تسبحين ودبلة الماس بيدج

لا اكيد تفصخينها وبالبيت لا تلبسينها

واكيد دام عندج الماس عندج عادية ذهب هذي عادي لبسيها على طول

وربي يوفقج

 

[ام منصور1]

رد : شلون احافظ على دبلتي

:0bee2e8d89:والله بنات مادري انا البس الدبله بالمناسبات بس بدت تخدش يعني الذهب الابيض اللي فيها تخدش شسوي فيها

 

[6am6oma]

والله انا البسها ابكل طلعاتي عيل ريلي شاريها عشان اطالعها بس ولا انطر مناسبه؟؟ جذي راح البسها مره بالشهر.. حسافه بالعمر مو بالذهب.. انا دبلتي ماخذتها من تفيني اللي موجود بالفنار و البسها كل يوم و ريلي نفس الشي بعد.. حبيبتي انتي لبسيها و ملبوس العافيه لا تحاتين يطيح شي دام ان الماس و شاريته من مكان زين انشالله ما يصير شي

 

[فجر_الكويت]

رد : شلون احافظ على دبلتي

يارب اتم معاج طول العمر وما تخترب ولا الضيع يارب

 

[MiSS B.K]

رد : شلون احافظ على دبلتي

خليها للمناسبات واشتريلج وحده عادية