شلون اخليه يجيب لي هديه

[q8tia]

بنات شلونكم شخباركم

انا ريلي حبوب ومحترم ويحبني واحبه والله لا يفرقنا بس مشكلتي اهو اكبر مني بـ 14 سنه

مشكلته من 10 سنوات ماياب لي هديه ولا فكر كلش مره شرا لي بدله وجاملته ولبستها ومدحتها

بس انا اقوله ابي ساعه شوبارد من 10 سنوات عمري ماطلبت منك بس مو راضي يقول ورانا نبني بيتنا

وانا ماستخسر عليج شي بس الفلوس تروح بساعه غاليه حرام قلتله انا من حقي اعيش مثل غيري

مجوهرات واطقم وسياره وسايق وبعد كل ولاده هديه وانا ماطلبت منك من عمري بس الحين حدي

خاطري بالساعه متولعه فيها وعلى فكره اهو معاشه راهي ويوفر بس قناعته جذي شسوي زهقت

احس فرق العمر ظلمني معاه مايعرف شنو ابي ولما اقوله شي يقول هذا لليهال اكبري خلاص بس

ودي استانس بشي منه ونطرت ولا فكر ولما قلتله مو مقتنع يقول حرام هالسعر بساعه ...... لاتقولون

تافهه ومادري شنو مافي وحده ماتتمنى زوجها يهديها شي تتباهى فيه لو قالوا من وين تقول من زوجي

حبيبي ..........!!

 

[قسى قلبه وخلاني]

رد : شلون اخليه يجيب لي هديه

ما اتوقع بخل او مستخسر فيج ساعه
بسيمكن هو عنده حس المسؤليه

 

[ام شووووق]

رد : شلون اخليه يجيب لي هديه

والله ماادري شقولج

دامه متحجج بالبنا الحين صبري لين يخلص وعقب طلبيه

 

[BiiShOoO]

ميخافف عنده البيت اهم من الساعة شبتسوين يعني

و انش اء الله اييبلج اياها

 

[كشخه اكيد]

رد : شلون اخليه يجيب لي هديه

ماادري شقولج

 

[Peony]

رد : شلون اخليه يجيب لي هديه

الله يسخره لج يارب
حلاته يهديج من نفسه وخاطره من غير ماتطلبين
بس اهوا يقولج عسان البنا خلاص
انا اقول طلبي شي ارخص وشوفي شيقول ؟؟؟
ولاتقولين فرق السن ظلمني
اكيد اكيييييييد تفكيرجزغير عن تفكيره انتو تقريباً من جيلين مختلفين
وانتي المفروض مراعية هالشي وعارفته لما وافقتي عليه وتزوجتيه
وترى فعلا شوبارد غالية يامعوده قميه سيارة !!!!!
طلبي شي ارخص ولاتحسسينه انج سطحية وتهتمين بالاشياء
طلبي سفرة جم يوم تغيرون جو
او ساعة اقل سعر او جنطة او عطر
وبصراحة اشوف لو انج تصارحينه وتقوليله شدعوه بوفلان من زمان ماذكرتني بشي واشتريله انتي هديه بدون مناسبة
وعطيه اياه مع هالكلام وشوفي شيقول يمكن يقول خلاص تستاهلين الشوبارد هههههههههه
وتييين تحرينا عاد هههههههههه
الله يوفقج حبيبتي

 

[AmoOona_29]

آلله يسخره لج ، بس يمكن هو شآيف شي إنتي مآتشوفينه وتفكير الرجال عموماً غير عن المَره يعني مو قصة فرق العمر

وُبعدين إنتي آلله يهديج لآ يصير تفكيرج سطحي وبَس تبين مآركآت وتقلدين هَـ الحريم ، مو لآزم شوبآرد اطلبي شي أقل وإذا

كلش كلش ، اشتري هَـ السآعه بس تقليد درجه أولى :d وآلله صج ، يعني منو بيدري إنها تقليد ، وآلله عإآدي

وتقبلي رآيي وُمروري

 

[حروف الأمل]

رد : شلون اخليه يجيب لي هديه

بصراحة مااحب أطلب منه هدآيا

لأنه لو طلبت منه انا نوع الهدية , حتى لو جابها لي بتكون مالها طعــم ..

احلى شي لما يهديني فجأة ومن دون طلب​

 

[حبيبة دودي]

انا مع زوجج حرام مبلغ كبير بساعه الا اذا كنتي موظفه فهذي فلوسج وانتي حره
وحبيت اقولج شغله لاتقارنين حياتج بحياة الناس لان مافي احد كامل واللي تلقينها مجوهرات واطقم وسياره
مو شرط تكون سعيده بحياتها ومو شرط زوجها يحبها وانتي يكفيج حبه لج الله يخليكم حق بعض
والقناعه كننننز
وصج ع طاري الساعات اغلب الناس هابين بالتقليد ماتشوفين السوق مليان والمنتدي قسم الموول مليااااان تقليد جناط وساعات

 

[PuPa^^SWeeT]

سوووري يعني


صجج شوبارد تغري باللبس


بس حبيبتي مايصير اتقوليله اشترلي شوبارد

احس فشلة


خلييه من نفسه يشتري الهدية


وعادي في رياييل مايهادون

في رياييل يهادون هدايا صغيرة كل فترة

في رياييل يهادون كل 15 مرة


عادي يعني


الحمدلله احنا عندنا خير حاليا

وانا معاه بيت العمر اهم من الساعة

 

[Patcholli]

احس تفكير زوجج صحيح ..

 

[قطوووة]

والله يابنت الحلال ماتنلامين

بس ااذا هو زين معاج اظن ماكو احلى من هذي هدية ..

ميخالف .. ماكو انسان كامل .. وحاولي تبادرين له بهدية لو بسيطة خل يحس بطعم وناسة الهدية ..

يمكن تكون له ردت فعل مختلفة


ولاتحنين عالساعه او شي معين لا ياخذها عناد عاد بعض الازواج مخهم مادري شلون قفل




تحياتي

 

[ạ7ạśêś ~]

سمعي ي قلبي اذا هذي مشكلتج معه هينه حمدي ربج ان يحبج عسى الله يخليكم ل بعض
ووصبري لييييييييييييييييييين ما يخلص لي عنده وبعدها شوفيه
عسى الله يهديكم لـ بعض

 

[رقـة الاحسـآس]

صح كلامه البيت اهم من الساعه اللي تبينها عشان تخبرين الناس انه هو يابها لج
و فوق ها بتكونين انتي طالبتنها مب من نفسه يايبنها
خلي الهديه من قلبه
استانسي خذي الاشيا اللي فخاطرج
بس بعد وازني الامور و غيري تفكيرج شوي

 

[صادقة بكلمتي]

بنات ان الله يحب ان يرا اثر نعمته على عبده يعني شنو لا تشتري ساعة يمكن صج غاليه لكن دام بقدر خله ايبلها وحبيبتي هذي غلطتج لازم عودتيه من زمان على ان لج مصرف على الاقل بروحج من معاشه دام ما تشتغلين وان في المناسبات ايبلج لو مو بطريقة مباشرة ترا اقوووووووووووووووووولها دوم ريلج على ما تعوديه و ولدج على ما تربينه يعني ان تعود الريال ان مرته ما تطلبه شي بيتعود خلاص وان العكس بعد بيحسب حساب لكل المناسبات وترا حقج الشرعي يصرف عليج انا اقول ما فات شي خله يبني ولا تسوين مشكله معاه لكن قوليله ابني بس ابي مصرف شهري لي منك لو 200 دينار اقل شي دام معاشه زين وانتي حرة التصرف فيه تخشينة ليما تشترين ساعة تشترين ملابس مكياج عطور كل شهر شي راجعلج وترا البنا ما راح يوقف عند مصرفج والله يسخره لج ويسعدج اميييييييييييييييييييييييين

 

[بنت النور 88]

والله حتى أنا بخاطري فالساعة لوووووول بس تستحي اطلب لو شنو ما اطلب منه مع انه مايقصر معاي والحمد لله بس كل ما قال لي خارج بشي اقول له سفر لوووول اهم من الساعة وانا مؤلفه اذا بخاطري شي اجمع من راتبي وأشتري

وانتي حبيبتي لا تخرج مظاهر الناس يمكن اللى عندها مجوهرات وسيارات ومدير شنو يمكن تكون مؤ مرتاحا بحياتها اهم شي الراحة النفسين والكلمة الطيبة

ضج كل وحده تحب رحيلها يجيب لها و يهديها بس انتي شوفي النص الممتلئ من الكأس

 

[سمو]

اللهم صل علي محمد وال محمد

تدرين ان طريقه الاسلوب عند الريال ....تفرق معاه وايد ...من خلال قرائتي لكتاب (الرجل من المريخ والمراه من الزهره) .... يعني لما تقوليلي انت ولا مره يبت لي شي .... تختلف لما تقولين ... ابي هديه من ذوقك الحلو :eh_s(15):

يبين من كلامج ان ريلج مو بخيل ..... ويقولج ورانا بيت نبنيه .... تري البيت يكلف واايد ... ووايد حريم اعرفهم كانوا كله سفرات ...بس لما بلشوا بنيان بيت ماراحوا حتي البحرين


حبيبتي ....ما عليج من الحريم اللي رياييلهم ييبون لهم بكل ولاده .... انا اعرف حريم تشتري لنفسها وتقول جدام الحريم هذا من ريلي حبيبي :bbbiu: .... المهم معامله الريال مو الهديه .


لا تطلبين ولا تلحين عل الهديه .... وانسي الهديه ولا تزعلين عليها ...وجابليه بويه منشرح مبتسم ....ومع الايام بييب لج هدايا من نفسه بدون حنه ورنه :eh_s(15):

 

[كربون امها]

ما احس ان ريلج بخيل وضحلج ان يبي يبني واجبج توقفين معاه
مو تكثرين طلبات ولاتنسين بعد البناء الاثاث وكله يكلف

 

[no0o0o0r]

انا اشوف البيت احسن حبيبتي
وبعد ما تستقرين فبيتج الجديد حاولي معاه بس ما تطلبينها طلب
ترا ما بتحسين بقيمتها اذا طلبتيها منه
وحلات الهديه لي جات من عنده حتى لو كانت وردة والله تحسينها غير

 

[سكتلز]

زوجك عندة حس المسؤلية وصحيح شنو مبلغ وقدرة على سااعة يمكن تضيع ولا تنسرق ...>>>>خخخخ هذا الي هامها
وبعدين مو مهم االهدية بكثر مو مهم انة يحبج ويحترمج ... وفرق العمر مالة شغل في انة مايهدي هداياا يمكن لانج ماتبين الا الهدايا الغالية والفخمة وهو المهم عندة هالفترة انة يجمع مبلغ يكفي حق بني بيت العمر .وانا معه بهالنقطة ومعج انة عالاقل يهدي لج هدية تفرحج ....... الله يسخركم حق بعض ان شاء الله .