شلون اخلي جسمي ينشد ؟؟

[النجوم]

الله يخليكم ساعدوني انا قاعد اضعف من كثر ماشربت حبة الحلوه يعني الشمر بس الحين جسمي ترهل كرشتي طايحه تفشل زنودي مترهله حتى فخوذي شكلهم يلوع الجبد 0
قولو لي شاسوي انا اخاف من العمليات وماعندي فلوس علشا اسوي شد 0 شالدبره شلون اخلي جسمي ينشد 0 اللي تعرف ومتاكده من طريقة تشد الجسم قولو لي الله يخليكم ويفرج همكم 0 ترى كلش مو حلو جسمي جدام زوجي مفتشله 0 ابي مواضيع اكيده ومجربه 0:0bee2e8d89:



تم تعديل العنوان بواسطة مشرفة القسم سمسميه

 

[ANoOoNA]

رد: بنات ابيكم ضروري

حبيبتي .. مالج الا تلعبين رياضة
دوريلج نادي مثل شامبيز .. او غيرة ..
وموفقة انشالله ..

 

[روى سكر]

رد: بنات ابيكم ضروري

لازم تلعبي رياضة بس في نادي محترف لانه عندهم خبرة في تنمية العضل ليملأ الفراغ بدل الدهن(طبعاً بما يتناسب مع جسم الأنثى، لاتخافي مو كمال أجسام) ولازم تشربي ماء كثير لأنه أفضل حل لترهل الجلد، وأخيراً دوري كريمات خاصة في الصيدليات ومراكز التجميل للبشرة المترهله وانتقي الأفضل.

ممنوع وضع رابط موقع او منتدى اخر ,,

 

[كوارين]

رد: بنات ابيكم ضروري

احلى وارخص رياضة
المشي ماتكلفج شي
لو تمشين باليوم ساعة حتى لو في حوش بيتكم او سطحكم وانشالله بتلاحظين بيفرق عليج جسمج

 

[زهرااا]

رد: بنات ابيكم ضروري

سوي رياضه

 

[بدويه عيميه]

رد: بنات ابيكم ضروري

اختى الله يعافيج اشلون طريقه حبه البركه لوسمحتى

 

[بدويه عيميه]

رد: بنات ابيكم ضروري

اسفه غلطت حبه الحلوه

 

[حرم الحوت]

رد: بنات ابيكم ضروري

يالله يالغاليه شنو طريقتج بتنزيل الوزن علشان البنات يستفيدون وعسى الله يتمم عليج

 

[النجوم]

حبيباتي انا كل يوم اخذ ملعقة حبة الحلوه احطها في كوب واحط عليه ماي مغلي اشربه ثلاث مرات باليوم بس بصراحه مره اشربه قبل الوجبه وساعات اشربه بعد كل وجبه وصار لي ثلاثة اشهر والله بدون مبالغة ماكنت احس انه يضعفني بس لاحظت ملابسي كلمالها وتوسع علي وهم جسمي قاعد يترهل خصوصا بطني وافخاذي مع ان قالو لي انه يشد الجسم بس ماشفت انه يشد الجسم 0 بس بغيت اتاكد هل الرياضه فعلا تشد الجسم 0 اذا في بحوث علميه تاكد هالشي ارجوكم قولو لي 0 بس والله بنات ترى فعلا حبة الحلوه صج تضعف بس على شرط لما تبين تشربينه لاتحطين في بالج ان هذا واجب لازم تسوينه 0 لانج رح تملين 0 لا خليج عاديه بدال الجاي شربي حبة الحلوه 0 انا حتى لما اروح المطاعم اخذه معاي اطلب من المطعم ماي حار واحطه عليه في الكوب واشربه ترى وايد يهضم وبعد مااخربط عقبها واهم شي في الليل اشربه قبل النوم مباشره 0 ملاحظه لاتحطين شكر لانه بروحه حالي 0

 

[النجوم]

بنات لاتستغربون بقول لكم شي اول مره اصرح بهالشي حقكم لاني ماابي اغشكم انا عمري فوق الاربعين بس والله من بديت اخذه وجهي صار شحلوه صافي مشدود عكس جسمي اللي يشوفني مايصدق اني كبيره كلهم عبالهم انا بالثلاثين 0
وايد ناس قالو لي شربيه مع الشاي الاخضر او المريميه بس المريميه ينزل افرازات وايد علي مثل الماي وبطلته وهم الشاي الاخضر كثرته موزين كانت تخربط الدوره الشهريه 0 بس حبة الحلوه والله نظمت لي الدوره والله جربوا والله احلف لكم انه مافيه اثار جانبيه ابدا 0 ماكو وحده كثري جربت وايد اشياء بس مثل حبة الحلوه ماشفت 0 وشكرا موفقيين 0

 

[om keshaa]

اختي وزنها 120 وضعفة وزنها 70 ومشدووووووووود اقولج السر اول اسبوع مشي حطي بريلج اثقال 2 كيلو او واحد كيلو وثاني اسبوع حطي بيدج طبعا راح اتحسين بشد من اول يوم بس راح اتعودين وراح يشد بلشي نص ساعه مشي لمن اتعودين عليهم ودعيلي

 

[النجوم]

مشكووووره بجرب والله يفرج همج ويقضي حاجتج انشالله 0

 

[روح مغليهآ]

سوي تدليك للشد وفي جهاز ذبذبات للشد تحصلينه بالعيادات والصالونات

 

[om al ghaleen]

الرياضه ثم الرياضه تشد وتنسق جسمج

 

[حكاية شهرزاد]

بنات جان ماعليكم امر

يعني شنو حبة الحلوة . وشنو الشمر ؟؟

 

[النجوم]

حبة الحلوه هو نفسه الشمر بس ماعندي صورته يبيعونه في الجمعيات صوب البهارات مكتوب عليه حبة حلوه هو نفسه اليانسون

 

[النجوم]

مشكورين بنات على الردوود الطيبه وياريت اي وحده عندها معلومه تفيد الجميع لاتبخلون علينا جزاكم الله كل الخير0

 

[عسوله شقره]

عليج بالمشي حبيبتي لانه اكثر شيء يشد وموفقه

 

[spanish-girl]

حبوبه الريااااااااااااااااااااضة يطير الكرش والله نصيحة مني لج مو شرط ادشين نادي سوي تمارين بالبيت اشتريلج الاثقال بو كيلو حق الصدر والبطن ولا تسوين تمارين المعدة غلط لانه اذا هديتيها ترد الكرش ما استفدنا شي عليج الرياضة وبس

 

[منال واو]

لييش انتي مسويه رجيم من غير رياضه ؟؟ مايصير ماتاكلين وذابحه روحج وماتسوين ريااااضه !!!! معروفه الجلد يترهل جذي

الله يعينج حبوووبه اتمنى يفيدونج البنات وتلقين لج حل