شلون اخلي ولدي ينام اطول فترة

[عيدية]

السلام عليكم الله يسلمكم ولدي انومه الساعة 11 بس مايمدي الساعة ثنتين يقوم من النوم يحن و مايبي حليب بس يبيني اتمشي فيه عشان ينامو كل ساعة يقعد و يحوس بسريره فاضطر اخذه انومه يمي مع اني اني ما اخليه ينام بعد الساعة ثمان بليل عشان يدوخ لي الساعة 11. و جربت عطيته قاز اللي من الصيدليه مرات يفيد معاه و مرات لا يقعد بليل ايبس جسمه مادري من شنو وولدي عمره8 شهور

 

[شادن33]

عيديه شنو قااز

 

[c a t w o m a n]

اعتقد تقصدين غاز بامبي قطرات للغازات


جزبي ما ينام النهار وايد واذا نام حسيتيه طول قعديه من نومه ولعبيه خلي جسمه يتحرك عشان يتعب ولا ياكل اكبه دسمة بالليل عشان لا ينغث

خلي وجبة حليبه قبل ابنوم فيها سيريلاك عشان تشبعه ينام فترة أطول واستخدمي قطرات الغازات

وانشالله يفيدونج البنات اكثر

 

[ام كوثر2007]

لا تعطينه سوالف التنويم هذى اللى تنباااع ترا والله مو زين

معروف الياهل بالعمر هذا نومه متلخبط .. خليه يعدي السنتين وان شاءالله بترتاحين ..

 

[عيدية]

عيديه شنو قااز

اللي يبيعونه بالصيدليات الاعشاب

 

[عيدية]

اعتقد تقصدين غاز بامبي قطرات للغازات


جزبي ما ينام النهار وايد واذا نام حسيتيه طول قعديه من نومه ولعبيه خلي جسمه يتحرك عشان يتعب ولا ياكل اكبه دسمة بالليل عشان لا ينغث

خلي وجبة حليبه قبل ابنوم فيها سيريلاك عشان تشبعه ينام فترة أطول واستخدمي قطرات الغازات

وانشالله يفيدونج البنات اكثر

ما اخليه ينام بالنهار وايد حده ربع ساعة و انا كله مخليته بالارض و لا عالدراي ما اشيله وايد
مشكورة حياتي

 

[عيدية]

لا تعطينه سوالف التنويم هذى اللى تنباااع ترا والله مو زين

معروف الياهل بالعمر هذا نومه متلخبط .. خليه يعدي السنتين وان شاءالله بترتاحين ..

مشكورة يا قلبي

 

[طيبة83]

لا تعطينه سوالف التنويم هذى اللى تنباااع ترا والله مو زين

معروف الياهل بالعمر هذا نومه متلخبط .. خليه يعدي السنتين وان شاءالله بترتاحين ..

يا حسرتي لي سنتين!!!!

حبيبتي ترا الي في سن ولدج يحتاج علي الاقل قيلولتين مدتهم مع بعض 3 ساعات

حرام لا تعبينه

لاني قريت ان اللي ينام عدل بالنهار يقدر ينام باليل

اما اذا ما نم بالنهار ففي الليل يظل يبجي وكون منهك ما ينام عدل

ع فكره في كتب كثيره عن نوم الاطفال بتستفيدين منها

 

[طيبة83]

ايه ونسيت اقولج

اهوا يتفزز في اليل لان تعود على الشيل

انا بنتي عمرها ١٠ شهور وتعودت تنام على حضني

امي تقول اذا كملت السنه يعتدل نومها

عاد الله يستر

 

[نـعـومـه]

على حسب الياهل

في يهال ماشاءالله بسرعه تعلمون في يهال اهمه طبعهم جذي سهيره

ولدج طبعه جذي يبيله صبر لما يصير سنه هنيه بتعدل نومته اكثر

 

[عيدية]

اي الظاهر صج تعود عالشيل
و ان شاءالله تتعدل نومته و يريحني

 

[ام الحلوااات]

اللــــه يـــعـــيــنـــــج يــمـــكــــن مــمــغــــوص ومـــو قــــااادريــنـــام
عــطــيـــه رضـــعـــة يـــــانـــســــون قــبــــل الـــنـــــوم

 

[شادن33]

وبعد عطيه رضعه حبه الحلوه تنومه بس مو كل مره

 

[عنووشه]

نفس حالت بنتي تنام بس لااازم بحضني ما تعرف تنام بسريرها



بس السالفه مسالت وقت وصبر


والله يهديه لج

 

[om MaRyooM]

لووول انا بنتي البجر عمرها 3سنين وللحين تقعد تقريبا من 3-6 مرات بالليل خخخخخ لسه مشوارج طويييييييييل
وعندي الصغيرة 6اشهر ذابحتني بالليل ما اناااام منهم كلش

الله يعين


حاولي تعطينه شاور ماي داافي ودلكيه بزيت جونسن اللافندر البننفسجي ومع الحليب بونيسان همالايا او دوا الانفاكول

عموما هالفترة لازم نعاني ليما يكبرون انشالله

 

[beauty rose]

لعبي معاه و طلعيه طول النهار بيرجع بالليل ينام على خشمه
و هالشي مو يوم ولا يومين حاولي معاه هالطريقه 10 ايام ليمت يتعود

 

[PuPa^^SWeeT]

المفروض اتعودينها على النومة المتواصلة


اول شي صحصحييها النهار كله ولاتنومينها الظهر الا ساعة



وبعديين على بالليل الساعة 11


سبحيها و عطيها رضعتها و نوميها



وسكري الليت


وان بجت بالليل عطيها مصاصة


واتنام




ام مريووووم


مو زين 3 سنيين و تقعد كل شوي



لازم اتعلميينها عدل و فهميها انها لازم اتنام



وخليها تبجي مثل ماتسوي سوبر ناني




اهم شي النوووم

اذا ما نامت لا اهي ترتاح ولا انتي ترتاحين


بس ترا مبين انه بنتج اتدلع تغار من اختها الصغيرة

 

[ام شيخوه]

طبيعي الطفل بهالعمر نومة متقطع وبعدين اكيد لمى يقوم من النوم يكون جيعان ويبي رضعه رضيعة وبيرجع ينام والله يعينج كلها فترة ويكبرون ونرتاح

 

[manoooram]

حبي هذا حال أغلب اليهال اللي بهالعمر ان نومهم متقطع ويقعدون الفجر
لا تتكدرين ان شالله بيكبر وتتعدل نومته
لا تشيلين هم بس أهم شي لا تعطينه شغلات على شان تنومه اللي ينباعون بالصيدليات
ما عليج لا تشيلين هم