شلون اسوي العيش موملزق؟؟

[ميس:)]

شلوونكم بناات انا عندي سؤالين الاول شلون اعرف كمية الماي الي تنحط حق العيش بحيث مايتلزق ويصير لين انا احط قلاص عيش حق شخصين يقولون لازم الماي يرتفع 2سم ومرة يقولون1سم
السؤال الثاني ليش الحدر قاعته تحترق تصير سووودا
يعطيكم العافيه

 

[جارة القمر]

حبيبتي دامكم شخصين ليش ما تشترين جدر طبخ العيش الكهربائي سريع وكل حبة اشحلاته

http://www.q8yat.com/t986259.html


http://www.q8yat.com/t989095.html



http://www.q8yat.com/t1005870.html


http://www.q8yat.com/t1004404.html


http://www.q8yat.com/t89877.html

 

[ميس:)]

يعطيج العافية بس انا اضبط بهارات الاكله بس مشكلتي ان الماي ماعرف كميته والجدر يحترق من تحت>>شنو بقى؛)

 

[أحلى همبه كويتية]

شوفي حبيبتي عشان ينجح العيش معاك :

- تغسلين العيش وتنقعين اقل شي ثلث ساعة

- لما تسوين المشخول وتسلقين العيش بماي وملح بس لا تخلينه يستوي على الأخر ( فيه ناس تحط نقطة خل مع الماي عشان لونه يصير ناصع ابيض )

ثلاثة ارباع استواء بس يعني يمكن اقل من عشر دقايق على النار لازم تكونين يمه وكل شوي تطلعين حبه تشوفينه

في لي اكثر من موضوع عشان المشخول تلاقينه بملفي



* المجبوس
- نفس الملاحظة للنقع
- لما تحطين ماي اللحم او الدياي حق العيش لازم تحطين عليه شوي زيت عشان ما يصير ناشف
يعني اقل من ربع الكوب

اذا عندك ماي اللحم عقب ما سلقتيه فيه شحم راح يصير فيه دهن مو لازم تحطين وايد زيت حق العيش

الماي يرتفع عنه ب 1 سم بس ( لأن اكيد بتنقعين ماي ورد ووزعفران وبترشينه عليه يعني كافي كمية الماي 1 سم
واول خمس دقايق على نار عالية

وعقبها تقصرين على الجدر وتحته (الحديدة) وتخلينه ينشف على راحته يبيله اقل شي ثلث الي نصف ساعة
لا تحوسينه بالملاس عشان ما تتكسر الحبات




وبالعافية واي سؤال حاضرين​

 

[قطوووة]

ماقصرت همبه

اذا ملزق يعني ملبوج يعني مايه واجد خففي الماي

 

[ميس:)]

يعطيييكم العاافية ماقصرتوا حبيباتي وان شاءالله يضببط احسه صعب شوي بطبق نصايحكم

 

[هجووورة]

1- نقعي العيش ربع ساعة اقل شي
2- باي شكل كان طريقة العيش لا يزيد الماي عن 2سم عن العيش
3-فيه ناس نوقف الملاس داخل العيش اذا وقف يكون الماي مساوي له يعني اوك واذا طاح يعني الماي زيادة لازم ينقص
4-اذا حسيتي ان العيش بعده مااستوى قصري علي النار حيييل وجيبي سفرة السفري وغسليها بالماي وغطي فيها الجدر وفوقه غطا الجدر ونطري
انشاء الله تكون الطرق اللي ذكرتها واضحة
بالتوفيق

 

[ميس:)]

ابشرركم سويت غداي اليوم والعيش ضبط حطيت ماي ١سم بس والحمدلله طلع موملزق اشكركم حبيباتي

 

[shak!shoka]

يا ريت قريت موضوعج قبل لا اسوي عشاي

طلع العيش مهروووووس جنه مال يهال هههه

البنات ما قصروا
لا خلا و لا عدم

 

[كويتية و لكن]

بالعافية بنات