شلون اشتري كتاب ؟

[السنافر]

السلام عليكم بنات
طبعا وايد منا لما يروحون المكتبة يبون يشترون كتاب مايعرفون شلون يختارون الكتاب المناسب وهني راح احطلكم الخطوات اللي تتبعونها وانشالله تستفيدون

1-اختيار الموضوع
يعني اول شي نفكر فيه اهو الموضوع اللي نبي نقرى عنه او المجال سواء كان سياسة رواية ادب تاريخ الخ
وطبعا اختيار المجال يعتمد على ميول الشخص نفسة كل وحده تشوف ميولها شنو وشنو المجالات اللي تحب تقرا عنها ..


2-الاستفسار
يعني قبل ما اروح واختار كتاب بالمجال اللي ابيه لازم اسأل عن احسن الكتب بهالمجال واكثر الكتب اللي االناس يشترونها سواء انج تسئلين احد او حتى بالانترنت لان هالشي بساعدج وايد ...

3-قراءة مقدمة الكتاب
يعد ماتسئلون وتروحون المكتبة وتشوفون عنوان معين يشدكم لازم تقرون مقدمة الكتاب والفهرس عشان تشوفون فكر الكاتب وهل المواضيع اللي موجوده بالفهرس تناسبكم ولا لا لان احتمال ما تناسبكم ..

4-قراءة سطر من الكتاب
اخر مرحلة قبل لا تشترين الكتاب اهو انج تفتحين الكتاب من النص وتختارين اي سطرين تقرينهم
الهدف من هالشي اهو عشان تشوفين هل اسلوب الكاتب يناسبج وتقدرين تستوعبينه ولا ما يناسبج لان مثل ما انتوا عارفين كل كاتب اسلوبه غير ...



يمكن الخطوات طويله بس اعتقد انها احسن طريقة عشان مانشتري كتاب مو مقتنعين فيه ونقطه ومانقراه

انشالله يعجبكم الموضوع

 

[أغلى الأثمان]

مشكور على المعلومة

 

[C'est La Vie]

ميرسي حبيبتي
بس بالنسبة للخطوة الرابعة
سطر واحد ما اعتقد يكفي
الواحد ليما يروح المكتبة لازم يروح على رواقة
يقري اللي يبي من كتاب فصل فصلين عااااااادي
في مكتبات فيها كراسي تقدرين تقعدين عليها وتقرين الكتب
محد له حق يقولج لا تقرين ولا طولتي
واصلا مو من مصلحتهم
فنصيحتي ان اذا رحتو المكتبة اخذو راحتكم واقرو الكتب قد ما تبون

 

[*صَبا*]

بالفعل هذي هي الطريقة الصحيحه

اهم شي الملخص اللي يكون في خلف الكتاب
لانه يعطي فكره شامله عن الكتاب

انا دوم اتبع هالطريقه والحمدلله اي كتاب اخذه يكون حلو

وماننسى استشارة البائع امر ضروري خاصه اذا كان مطلع على كل الكتب الموجوده عنده بالمكتبة

 

[السنافر]

مشكوريييين كلكم على المرور
وبالنسبة حق قراءت الكتاب في ناس مايحبون يوقفون بالمكتبة ويقرون فانا قلت سطرين على اقل تقدير عشان يعرفون طريقة الكتاب على الاقل
نورتوا الموضووووووع فديتكم

 

[أدووويا]

شكرا

 

[lailosh]

اغلب الخطوات تقريبا اطبقها

يعطيج العافيه : )

 

[وردة الصحراء]

يعطيييييييييييييييج العافيه



: )

 

[EviL^^GirL]

حلوة فكرتج

بس انا معا *صَبا*

تقرا الملخص الي ورا الكتاب أفيد و أسرع

 

[وهج الحب]

انا يشدني الكاتب ..خاصة اذا قريت له من قبل ..واسم الكتاب ...وبعدين لازم ما اطلع يدي خالية ..

 

[Jro7 Al.nass]

مشكووورة ماقصرتي

 

[السنافر]

العفووو