شلون اطلع لي فيزا او باي بال ؟؟

[ابتهال الفجر]

.



.







السلام عليكم ورحمه الله وبركاته

بنات ابي اسوي حساب ( باي بال ) حق التسوق بالنت ..

شلون طريقتها !!

انا سمعت ان لازم يكون عندي فيزا مو ؟؟

وانا مو موظفه عادي البنك يطلع لي فيزا كارد بدون راتب شهري !!

علما بأن حسابي في بنك بيت التمويل الكويتي

لو سمحتوا عطوني التفاصيل اكثر و جزاكم الله خير

 

[ابتهال الفجر]

رفع

 

[f600sh]

مادري حبيبتي ان شالله التاجرات يفيدونج

 

[ابتهال الفجر]

مشكورة حبيبتي .. اللي تعرف اتفيدني اشدعوه عليكم

 

[ام سالم وايه]

لا اله الا الله

 

[ام بندر777]

سلام عليكم

شوفي اختي انا سجلت عشانج والله بعلمج اسهل طريقه وافضل طريقه للتسوق بالنت

اول شي تروحين البنك الدولي

وافضل شي فرع شرق الي صوب برج الرايه مقابل المطافي لانهم الاسرع

اطلبي منهم حساب التوفير يبطلونه لج بدينار

بنفس الوقت قولي لهم ابي فيزا مسبقه الدفع

راح تاخذينها الفيزا مع حساب التوفير خلال 3 ايام

طبعا طريقه التسوق

بعد ما تاخذين البطاقتين منهم

اي مبلغ تبين تشترين فيه افضل طريقه لج

تروحين اقرب فرع للدولي وتسوين ايداع من الماكينه بحساب التوفير مثلا 100 دينار

بعدين براحتج عن طريق موقع البنك بالنت

تحولين اي مبلغ تبينه من حساب التوفير للفيزا

وكل ما يخلص المبلغ الي بالفيزا تشحنينها عن طريق النت من حساب التوفير تسوين تحويل لها

وتقدرين بالفيزا هذي تشترين من ا مكان معتمده

واذا تبين تربطينها مع الباي بال مافي مشكله

تروحين موقع باي بال

تسجلن عندهم وراح يطلبون عليج بيانات الفيزا سجلي البيانات تبع الفيزا

راح يخصمون مبلغ صغير بحدود دولار او 2

بس يتاكدون انها لج راح يرجعون المبلغ

وجذي تكون الفيزا تسجلت بالباي بال وتقدرين تتسوقين بالفيزا وايضا بالباي بال

اختي ترى الكلام الي كتبته لج وايد

بس التطبيق سريع جدا

فتح حساب توفير في البنك الدولي وبنفس الوقت اطلبي منهم فيزا مسبقه الدفع
تشحنين الفيزا رصيد عن طري النت من حساب التوفير نحول لها
تسجيل الفيزا في الباي بال

انتهى الموضوع والله يوفقج

وانا بمر على الموضوع كل يوم اشوف شنو سويتي


حساب التوفير يفتحونه لاي شخص حتى لو مو موظف عادي

وافضل شي اذا فتحتي حساب عندهم

ادفعي 100 دينارمقدم وقولي له ابي 50 بالتوفير و50 بالفيزا

احست لج يوفر عليج وقت

بالتوفيق اختي

 

[ابتهال الفجر]

ام سالم مشكورة ع رفع الموضوع الله يرفع مقدارج



ام بندر الله يعز شانج ما تقصرين ي بعد قلبي والله احرجتيني بذوقج
الشرح عشره على عشره ما عليه كلام ما شالله عليج وكل شي واضح
بس بغيت اسأل البنك الدولي جنا مو اسلامي صح ؟
اذا مو اسلامي الصراحه مابي اساهم فيه و اذا اسلامي خير على خير واقرب فرصه بروح لهم
و ليش الفرع اللي عند الرايه بالذات ؟ الافرع الثانيه ماعندهم فتح حساب يديد ؟
امممم وهمن وين افرعهم اذا تعرفين ؟ ادري كثرت عليج بالاسئله و السموحه حبيبتي

عسى ربي ما يردلج دعوة

 

[n00_00ry]

اختي طلعي فيزا الخير من بيت التمويل تعبينها مسبقا وتشترين فيها عالنت انامجربتها حيل حلوه وتقدرين تستخدمينها بالكويت وكذلك للسحب