شلون اعرف ان الولد طبيعي ؟! بلييييييييييز لا تبخلون علي بردوكم ...

[هيبة فتاه]

السلام عليكم ....!
الله يشااافي كل مريض ويآجر كل ام على عملهآ وصبرهآ
بنات انا صاااار لي يومين ما نمت وهذا اليوم الثالث ..........1!والله يعلم بنفسيتي .........!
انا اختي بعد طلعت الروح ولدت والحمدلله مع ان كانت على وشك الموت لكن ربنآ استعاد بعافيتهآ وهذا دليل على رحمته بالعباآد ............!
بنات اهي ولدت ولد ....!
وكنا فرحآنين فيه حيل ...! لكن فجآة قعدت ادقق بملامحـــه ......! وحسيت انه من فئة متلازمة الداون .....!...
لكن بين الشك واليقين تكفون ابي مساعدتكم .....! شلون اعرف اذا الولد طبيعي ولا لأ
مع انهآ كانت مسوية سونآر قبل لا تولد وسألت الممرضة قآلت مافيه شي .....
ابي اكسر الشكوك ولي يعافيكم ... انقذووووني ....!
يقدرون يكتشفون الاطبة حآلته بعد ولادته مباااشره ولا شنو بالضبط ؟؟؟؟؟؟؟؟!

 

[هيبة فتاه]

علمآ ان عايلتهم في من هالفئة ....!

 

[& الذاهبه &]

حبيبتي اظن الحين يكتشفوون من الحمل
بس الداون لهم صفات معينه
يقدرون امهات الداون يفيدونك بس اهي وين ولدت؟

 

[يرخصلك كل غالي]

الداون مايبين بالحممل

وعلامتهم اليد تكون خط واحد مو مثلناا بعضهم فيهم فتحات بالقلب غده
واذا ع الملامح ماتبين لحين كل مايكبر كل ماتبين
واذا طلع دااون خل تحمد ربهاا يشفع لها وجوده خير وبركه

انا اخووي داووون وربييي يشششلع القلب
دعواتكم له اهو لحين بين الحياة والموت

 

[يرخصلك كل غالي]

الاطباء يكشفون من ساعة الولاده بس مايكونون متاكدين

الا لما يرسلوون نتايج تحليل برا وبعد شههر او شهرين تطلع النتيجة

 

[هيبة فتاه]

خرعتووووني يعني ما يوضح بالسونار ؟؟؟! على اي اساس كانوا يقوووولون سليم

 

[الصابرة المحتسبة]

أما بعد الولادة فان الأعراض قد تتفاوت بشكل كبير و قد لا يعرف الطبيب أن الطفل مصاب بهذه المتلازمة إلى بعد أن يجري فحص للكروموسومات.

و لكن في العادة يشتبه طبيب الأطفال بأن الطفل مصاب بمتلازمة ادوارد إذا كانت جميع مقاسات الطفل(الوزن و الطول و محيط الرأس)اقل من الطبيعي مع و جود تراكب أصابع اليد بعضها فوق بعض بشكل مميز.

الأعراض و العيوب الخلقية

صغر في الحجم و البنية
بروز مؤخرة الرأس
صغر فتحة العينين
صغر الفم و الفك السفلي
صغر الرأس
ثنية جلدية للركن الخارجي لجفن العين(Espiscanthal folds )
انخفاض مستوى الأذنين عن مستوى العينين مع قله في طوية الأذن الخارجية
زيادة احتمال أن تحدث الشفة الارنبية و الحلق المشقوق
قصر عظم القص (العظم الذي يربط بين ضلوع الصدر )
تراكب أصابع اليدين بشكل مميز(انطباق السبابة على الإصبع الوسطى و فقها الإبهام)
غياب الثنية البعيدة في الإصبع الصغيرة(الخنصر)و قد تؤدي إلى انحناء الإصبع إلى الداخل
صغر الأظافر
قصر أو تقوس إبهام القدم إلى الخلف(Dorsiflexed)
صغر إبهام اليد و الرجل مع احتمال غيابها .
الالتصاقات بين الأصابع
غياب احد عظمات الساعد في اليدين في حوالي 10% من المصابين
تقوس باطن القدمين إلى الخارج
تيبس في المفاصل(Joint contractures)
عيوب خلقيّة في القلب (أكثرها شيوعا فتحة بين البطينين أو الأذينين أو استمرار انفتاح الأنبوب الشرياني)
عيوب خلقية في الرئتين و الحجاب الحاجز و الكلي
الفتاق و / أو انفصال عضلات جدار البطن
ثنيات جلدية زّائد في مؤخرة الرقبة
عدم نزول الخصيتين في موضعها في الصفن للذكور
ضعف السمع
الظهر المشقوق 6%
المشاكل الصحية

· صعوبات التغذية و الترجيع المعدي إلى المريء

· ضعف النمو و قصر القامة

· المشاكل المتعلقة بعيوب القلب

· المشاكل المتعلقة بالتنفس و توقف التنفس المتكرر(Central apnea )

· المشكل المتعلقة بالكلى و ارتفاع ضغط الدم

· التشنجات و حالات الصرع 30%

· التأخر العقلي و في العادة من النوع الشديد(تقريبا جميع الأطفال)

· انحناء و تقوس الظهر

طريقة التشخيص​

يتم تشخيص المرض إكلينيكيا (عن طريق الأعراض و العلامات الخارجية للطفل)و يتم التأكد من التشخيص عن طريق إجراء تحليل للكروموسومات و ذلك عن طريق زراعة خلايا الدم.و هذا التحليل متوفر في كثير من المستشفيات الكبيرة.

 

[مواضي]

الله يطمنكم ان شاء الله وان شاء الله يكون طبيعي ومافيه شي ياررررب

 

[هيبة فتاه]

مشكورين وماقصرتوا ويعطيكم العافية نوعا ما تطمنت الله يطمننكم ...
اختي الصابره المححتسبة مشكورة عالرد المقنع والصفات اللي ذكرتيهم تقريبا مافيهم من الولد بس بكرة بشوووف ومادري ليش ماعندي قوة ....؟!

 

[t69hr]

السلام عليكم ورحمة الله وبركاته
حبيبتي هيبة فتاة
أعذريني بس سوالف الخرعه وما أدري أشفيه وشنو صفات البيبي ... خليها ورا أضهرج؟؟؟
لأن البيبي إن شاء الله سليم ويمكن ماخذ صفات ووارث ملامح من أجدادكم هي اللي خلتك تشكين؟؟
الحين الواحد لما يجيه بيبي ولد وإلا بنت؟؟
سليم وإلا فيه شئ يستبشر ويحمد ربه ويتبارك فيه لأنه مهما كان ومهما يكون نعمه من الله وهديه فيه ناس واجد يتمنونها... فاهمه على أختي..
ومهما اللي بولد أختك وأين كان ... له حل عند رب العالميين والحمدلله الكويت ألحين من الدول السباقه بالعنايه بالطب ... لا تضحكين ؟؟ وتقولين أخرطي ؟؟ لا حبيبتي ... الجرايد هي اللي كلامها أخرطي!!!
مهما كان اللى بولد أأختك؟؟ الحمدلله فيه بالكويت
مركز التدخل المبكر
الجمعيه الكويتيه للداون
بيت عبدالله
مركز الخرافي
مركز المعجل ... قريب يفتحونه
وغيره وغيره الكثير
والدكاتره اللي بالمستشفى اللي ولدت فيه أختك
إذا كان حكومي بيدلونها وين تروح
وبيعطونا ... مواعيد لكل جزء بالبيبي علشان بسرعه يعالجونه إذا فيه شئ لا سمح الله ...
لا تتعجلين الأمور وتفائلي بالخير تلاقينه
حبيبتي خففي على أختك
وخليها تحتسب الأجر إن شاء الله
هذا تكفير ذنوب وكثرة حسنات ورفع درجات... والقرب من الله عز وجل... الله الله بالولد هو محتاج لكم لللمسه الدافيه والضمه الحنونه والاحساس بأنه مقبول عندكم علشان يتقوى وترتفع معنوياته ؟؟؟
لا تستغربين حتى البيبي والرضيع عنده إحساس قوي جداااااااا جداااااااااا
وترتفع معنوياته ويكبر ويتعافى من المشاعر الدافئه والأحاسيس الحنونه للي حواليه..
الله يعافيه ويبارك فيه..
وبشرينا عنه لا تنسين؟؟؟
السلام عليكم ورحمة الله وبركاته

 

[شيخة الغيد]

كلامج عدل ميه ميه
الله يجزاج خير

 

[HearT ChocolaTe]

تحليل الكروموسومات يوضح كل شي ~ طلبيه من الدكتور بدون علم امه
حتى ما تخاف الام وهي بنفاس مو وقته

ما فيه الا العافيه ان شاء الله ~ طمنينا عليه قلبي