شلون اعطيه حنان؟

[Mary]

سلام عليكم
شخبار؟
سؤال كويتيات يحتاج إلى تفصيل منكم،و اهتمام.
إن شاء اااه تفيدوني.
زوجي يقول لي: احس ناقصني شيء.ابي حنان.
السؤال: شلون اعطيه حنان؟
احس دار راسي من السؤال :eh_s(10):

 

[بتبوتااا]

الحنان يا قلبي يعني انج تحنين عليه اذا مريض اتمين يمه وتهتمين فيه وتسألينه اذا يوعان واذا يبي ينام يعني شلون ام لولدها ؟ جذي كوني له ياقلبي ,,

 

[_ظل الياسمين _]

المشكله انج مو عارفه الحنان شنو ...!!
ماعندج عيال....ترى الريال بيبى كبير
وسلامتج.

 

[G!RLooNa]

باختصار عامليه مثل الياهل

 

[زينب العقيلة]

خليه اول اهتماماتج

واخذيه بالاحضان دايما

 

[bal8es]

شفيك عمري,, محتاج شي حياتي ,, حط بالك ع الطريج انا ابيك ,, كثري من هالسوالف و راح يشبع حنان
موفقه

 

[حلوه ولمآحه]

نفس البيبي عامليه >> لين يكره عمره والحناان ،،هههههه

 

[iLLuMinaTion]

الرجل عباره عن طفل كبير

اخذيه بالاحضان

 

[حكم الصمت]

حطي ايدكـ ع خده إذا تكلمتي معاه .. امسحي ع رآسه لما يجلس بجانبكـ .. خليه ينسدح بحضنكـ ومسحي عليه ..
كل وحده بتعطيكـ شكل ع حسب مزاجها ومزاج زوجها يا حبوبة

 

[OM-TURKY]

ماشالله البنات قالو الي ابي اقوله واكثر . اسأل الله انه يحفظكم ويخليكم حق بعض اللهم آميــــــن

 

[غنج الكون]

اكليه بيدينك ولاتخلينه ينام لوحده نوميه واحضينيه بقوووه
اذا جالسين تتابعون فيلم او مسلسل نوميه ع حظنك والعبي بشعره
اممممممممممم بس انتي تفنني

 

[Mary]

لا لحظة..:eh_s(1):
اني اسوي له جم حركة ف نظري تعتبر حنان.
مثلا أصحى له الصبح قبل لا يروح الشغل.و اتصل فيه وقت الشغل و ادز مسجات رومانسية،و اسأله إذا تغذى.و اتصل فيه رجعته من الشغل،وما اخليه يودي ثيابه الكواي،أني أكويهم له.و بين فترة و ال2 اسوي له حلاوة ع اساس يحب الحلاوة.واحضنه،و اعطيه بوسة لما يدخل البيت.و اسوي له عصير برتقال فرش كل يوم لأن يحبه.
بس هو لما اقول له: انتبه لروحك حبيبي-يقول انا ما ينخاف علي.
ولما يتاخر و اقوله خليتني احاتيك.-يرد: بس انا مو جاهل.

عشان جذي، عطوني افكاااااااااااار.
لا تعطوني كلام بشكل عام.

 

[zaina alotibi]

تبين تعرفين شلووون تعطينه حنان , تذكري الأم شلون تعامل ولدها او بنتها وانتي بتعرفييين شناقصه ساعاتها بتعوضين النقص الي حاس فيه ... بس طبعًا بطابع ولمسات انثوية خاصة :sfg:

 

[مناير ...!]

حبيبتي الحنان مو درس تحفظينه واتطبقينه
عاطفه تطلع منج بروحج
وتختلف التصرفات من وحده لوحده

 

[بنت الفوزان]

هذي اشياء فطريه من غير تعليم

 

[اسراب الطيور]

قولي له له باختصار في بالك شي حبيبي تحب اسويه لك لان احيانا هو يكون يبي شي محدد وانتي ما فهمتيه يالغلا

 

[وايت اند بلاك]

البنااات مااقصرور000