شلون اغير بعض اطباعه

[صداف]

السلام عليكم ورحمة الله



بناااات انا توني متزوجة وزوجي امه كانت مدلعته
يعني يقطط ملابسه عالارض ع طاولة التلفزيون وبكل مكان
ياخذ العطر يقطه عالتسريحة قط ، يعني كللللش مايعرف الترتيب

احنا ساكنين ببيتهم مؤقتاً واشوف امهم حتى بالحوش حاطة لهم علاقات ملابس
علاقات الملابس كثر النمل عندهم

الغرفة مايبين الجدار فيها من كثر ملابسه المعلقة

واقصد ب مدلعته على انها كبيرة الا انها تغسل ملابسه وتكويهم واول مايطلع الدوام تروح غرفته ترتبها وتسنعها وتشيل كل شي من عالارض وتحط الوسخين بسلة الغسيل والنظاف ترتبهم من جديد لانه يقطهم عشان يختار له بدله


اوكي باغسل واكوي بس عاد ابغا منه بس يحط الوسخين بسلة الغسيل ويعلق النظيف بالدولاب
ياخذ الشي يرجعه مكانه
قاهرني حتى الاكل يخليه عالارض ليمن انا اجي واشيله احياناً اكون بالدوام يتجمع النمل واخر مرة شفت صرصور انهررت :eh_s(11):


ادري هالشي يمكن تعتبرونه سخيف بس مو طبيعي الوقت اللي اقضيه بس ارتب واعدل وراه :eh_s(4):



شلووون اغير هالطبع اللي فيه ؟؟؟؟

 

[قطرية كشخة]

لوووووووول اغلبية الشباب جي متعودين على العزوبية وننطر الحلول

 

[~ بنت الهدى ~]

اغلب الشباب هذا اسلوبهم و بسبب اعتمادهم على الأم

اخوي كان معتمد على امي و تزوج و مايعرف الترتيب
عكس زوجي عاش مع اخوانه و اخته بس و امهم متوفيه و ماشاء الله مرتب ماكانت عنده ام تدلعه

 

[M!SS.LOBY]

الله يهديه يبيله وقت على ما يتعود عالنظام والترتيب

 

[نبض قلبي M]

عادي اختي كل الشباب جذي


انا زوجي والله كل ما ادخل غرفتي القاه محذف ملابسه وحايس الغرفة

وا رتبها من وراه عادي


لا تستغربين الشباب جذي كلهم

 

[نـعـومـه]

شوفي اغلب الرياييل جذي انا بعد زوجي اذا بدل ملابسه على الارض

اغلب رياييل جذي اذا مضايقج قوليله هذي سله الملابس الوصخه قط الملابس هنيه

انتي لاتطلعين واهوه بالبيت طلعي اذا طلع عشان تحاشين هالامور

 

[M!SS.LOBY]

الله يعينج