شلون اقطع المصاصه؟؟؟

[Roty]

قوة امهات


بنتي عمرها سنتين ودي اقطع المصاصه

شلووون؟؟​

 

[STAR FAR]

اذا كل الوقت تمص المصاصة ليل ونهار قًطعيها بالنهار شيليها عنها حتى لو بجت وعطيها بس باليل يعني بالتدريج وبعد شهرين قًطعيها عنها بالليل بس اذا بس بالليل تمصها شيليها عنها بتتضايقين اول الايام بعدين عادي وكلميها قبل انها كبرت والمصاصة لليهال والبيبي واهي كبيرة جذي

 

[جـــواهر]

انا اقولج طريقه سويتها مع عيالي ومن ثاني يوم كرهوووها
قصي نص الحلمه بحيث لا اخذها يمصها يستغرب ويقطها
جربت معاااهم كل شي الا هالطريقه نفعت ثاني يوم لاشافوها
قالووووو اااااااااع

ياحلوهم والله

 

[نـعـومـه]

الحال من بعضه

بس انا بنتي بالاشهر احس اصعب

حطي عليها مره وبتكرها

 

[Alias]

في دوا بالصيدلية طعمه. مررررر حطيه. على. الممية

 

[حبي نانو]

اقولج طريقتي مع بنتي ان شاءالله تنفع مع بنتج لان بنتي بعمرها وبهالعمر يفهمون بالكلام حطيت لها مربى على المصاصه وقلتلها القطوه وصختها وووع امشي نقطها بالزباله وقطيناها واول الايام كله تبجي بس اذكرها كل مره انه قطيناها بالزباله عطيها اسبوعين بالضبط تنساها والله يعينج اخذي اجازه لانها بتقعد تبجي عليج بالليل عطيها مميه عشان تعوض يعني مافي نوم ليما تتعود والله يعينج

 

[Roty]

الله يعيني

مشكورين حبايبي ماقصرتوا الله يخليلكم عيالكم

 

[قلب طفـــله]

حطي عليها شي مر ولاخشيها وان سألت عنها قولي ضاعت بقول للبابا يجيب لج وحده كل يوم قوليلها جذي لين تنسى وصدقيني اسبوع بالكثير وبتنساها وبيصير عندها عادي

 

[q8 بقلب اماراتى]

انا العكس بنتى عمرها شهرين وماتبيها ؟؟

 

[ام الحلوااات]

غــمـــســـيـــهـــا بـــمـــنــــقـــــوع الـــمـــــره

 

[جنى]

هههه بقولج طريقتي .. ما كان عالبال اقطعها الحين بس الظروف صارت بروحها
بقمة عسارة بنتي الله يحفظها قلتلها هاج مصاصة (عشان تطخ) ههه
عاد اسمله عليها مع العسارة كل شي مابيييييييي لاااااااا
قلتلها ماتبينها ؟ اقطها بالزبالة؟ (تكرمون)
قالت ايي
و بس
خشيت كل المصاصات و مسكينه اسبوعين زادت عسارتها و النوم تخربط لانه متعودة اذا فزت لازم مصاصة
و الحين ما شاالله شزينها .. الدور الياي البامبرز ان شاالله

بس لما تسألني وين مصاصة اقولها قطيناها انتي قلتي ما تبين ... عاد تسكت لانها ذاكرة الموقف هههه حرام

 

[أنفاسي دخون]

انا ما نفع معاهم الا اني اجيب المقص واخليهم يقصون الحلمه بايدهم

صدق يستعسرون بعدين وتضايقين من الحنه بس كلها كم يوم وترتااااااحين

 

[om.7madiiin]

واي انا ابي اقطعها
وااااااااااااااااااي
قبل جم يوم نسيت المصاصة بيت امي
مسكين ريلي 4 الفير رايح يشتري هههههههههه