شلون البنات يلفون الشيله القطن بدون امطه؟؟؟؟؟

[vogue grl]

قووووه ومبارك عليكم الشهر:eh_s(7):
بنات انا احترت بهل البنات الي يلفون شيلة القطن بدون امطه ياربي شلون يسووونها
حلوه عليهم :eh_s(10):مادري شلون يسونها ومرتبه تطلع.. تعرفون علموووووني:eh_s(22):​

 

[مشاغبة كووول]

ماعرف << مو محجبه
ان شاء الله البنات يفيدونج

 

[ســحر الانـوثـه]

مافهمت عليك بدون ايش امطه؟
الصراحه مااقدر اعلمك كيف بس دوري باليوتيوب يمكن تلاقين

 

[VET-Nour]

يعني شنو امطه ؟ :/

 

[عزوتي خالديه]

ترى أهـي قطن حلوهـ ما تحتاج امطهـ

اصلآ الامطهـ تطيح الشعر انا ما احبهـآ

وبعدين لفيها لفت الملفع العاديه
بتضبط معاج لان اتحسين من قدام

صايرهـ امبوزهـ وشكلها حلو ومرتب

 

[krkooora]

ماله داعي امبطه
لانه اهي ماتنزل من الراس مثل الملافع الثانيه
لفيها عادي مثل الشيله العاديه بس خلي طرف اطول من طرف
و الزايد من اللف قطيه على جتفج و رتبي الشيله من فوق اليبهه و خلاص

 

[مها77]

حبيبتي الطريقه سهله

اول شي جفسي جزء منها اللي يكون اول لفه وتكون على الراس مكان الامطه واهي تثبت على طول بعدها لفيها مره ثانيه

طبعا خلي الزايد كله صوب واحد لانها قصيره

اتمنى تكون وصله الفكره

 

[PuPa^^SWeeT]

انا ماحب القطن

انا الفع شيلات عادية

اب لعيونج

 

[vogue grl]

مشكوووووورين

 

[jooosy]

انا البس الشيلات العاديه مع أمطه
بس حتى انا ماعرف البسها
لبستها مره بالشاليه وشعري كلللله طالع وكل ساعه امعدلتها
ياربي ماتثبت معاي مادري ليش

 

[LuLiTa]

اهي تنلبس عاددي بدون امطة لانها ما تزلق ...استغرب من اللي يلبسونها مع امطة شلون يستحملون بهـ الحر ؟

انا طريقتي احطها على طوول بدون ما اجفسها و ما اهتم اذا طرف اطول من الثاني .. و الفها عادي و اعدلها صوب اليبهة و الطرف الزايد ادخله داخل القميص و الفه عدل عشان استبرد شوي

 

[زهرة أهلي]

أنا اعرف ألبسها بس ما تثبت عدل
أكثر شي ألبس ملافع عاديه ^^

 

[جامعيه طموحه]

انا البسه بدون امطه لانها تصدع راسي وغير جذي تخلي الشعر يحت واليبهه تصير شكبرها

خلي صوب قصير ولفي الصوب الطويل على راسج والباجي خلي على كتفج ومن صوب اليبهه جفسيها جفسه صغيره وبس تعدلت ومرات اخليها بدون جفسه عادي