شلون التدريس في الروضه ؟ ياابلات الروضه دشوا لاهنتوا

[شقاوتي غير]

مرحبا ياابلات شخباركم :eh_s(7):

انا تخصص رياض اطفال وحبيت اسألكم شلون التدريس في الروضه ؟

وجم ابله في الفصل الواحد ؟

وشنو درسونهم ؟؟

وتييبون هدايا معاكم ولا مو لازم ؟؟

الاطفال شياطين ولا لأ :rgewrg::rgewrg: << لان لو شياطين ومايسمعون الحجي بكثر الخيزرانات :eh_s(16):

<<< لووووووووول اتغشمر

وكل وحده تسولفلي عن روضتها شنو المميزات وشنو العيوب في التدريس

وشنو تعلمينهم والخ والخ ......... وبس يعطيكم الف عافيه :eh_s(7):​

 

[رتبه دبلوماسيه]

اب اب

 

[شقاوتي غير]

تسلمين ياقلبي
اب اب​

 

[الفرحه التائهه]

انا مصريه وان شاء الله اكون فى الكويت قريب ممكن اعرف من حضرتك شروط القبول فى الحضانات عشان عايزه اقدم لما جى ان شاء الله والراتب ومواعيد العمل كده يعنى ارجو الافاده وشكرا
ام لوجين عاشقة الكويت

 

[شقاوتي غير]

اهلا وسهلا يام لوجين

بصراحه الحضانات غير والروضه غير ، والراتب بختلف من كويتي وغير كويتي والدوام على ماضن من 7 الي 12 اذا ماكنت غلطانه ياقلبي ، وهذا الي انا اعرفه واتمنى باقي البنات يعلمونج اكثر


اشدعوه بنات وينكم محد تكلم عن الروضه ؟؟؟!​

 

[فرووتي]

شقاوتي غير

انتي طالبه للحين؟

انا الكورس اللي طاف كنت ميداني والصف كان فيه أبلتين وانا الثالثه

شقول وشخلي عن الروضه تداومين الصبح بالروضه وبالليل دوام بالاسواق والمكتبات والجمعيات وبالنوم كوابيس عن الدرس اللي بتقدمينه
يعني التفكير ٢٤/٢٤ ساعة


الله يعين بس

وأي سؤال انا حاضر وبحاول قدر الأمكان ماحبطج وموفقه يااااارب

 

[شقاوتي غير]

شقاوتي غير

انتي طالبه للحين؟

انا الكورس اللي طاف كنت ميداني والصف كان فيه أبلتين وانا الثالثه

شقول وشخلي عن الروضه تداومين الصبح بالروضه وبالليل دوام بالاسواق والمكتبات والجمعيات وبالنوم كوابيس عن الدرس اللي بتقدمينه
يعني التفكير ٢٤/٢٤ ساعة


الله يعين بس

وأي سؤال انا حاضر وبحاول قدر الأمكان ماحبطج وموفقه يااااارب

ياهلا فروتي نورتي المووضوع

اي والله طالبه ، وانتي توضفتي ؟ بس غريبه الفصل الواحد فيه ثلاث طالبات اشدعوه ؟؟

ويي عاد اكره المكتبات وهالسوالف الله يعينج ياقلبي ، سولفيلي شوي شنو نوع الدروس الي تقدمينها يعني ياليت تسولفيلي اكثر لاهنتي ياقلبي​

 

[فرووتي]

لا ماتوظفت لاني اذا قدمت بيقطوني بالروضه وانا صراحة مابي الروضة
اي شي ابلة وطنية حياتيه او سكرتاريه مو مهم المهم مو روضة فالحين انا بطاليه

انا كنت ميداني الكورس الثاني الخبرات اللي درستها
بلدي الكويت والاتصالات والمواصلات والنفط والبحر بس كلهم يبون فيهم ابداع تعالي عاد عصري مخج

تعب تعب تعب هذا وانا مو شايله مسؤولية الصف لاني طالبة ميداني ولا أقدم نشاط صباحي ولا انصراف فما بالج لا صرت ابله بتزيد مسؤولياتي

انتي اي سنه الحين ؟ ومتى تاخذين ميداني ؟

 

[شقاوتي غير]

ويي ياقلبي الله يعينج ، اي صح على فكره انا سألت عن الي تخصص رياض اطفال شلون يحولون الي مدرسة حياتيه ، قالوا اذا شافوا اكتفاء في الروضه على مستوا محافظتج فراح يحولونلج مدرسة حياتيه او بالواسطه القويييه تقدرين تحولين مدرسة حياتيه << هذا الي سمعته ياقلبي بس مو متأكده ،، وانا ودي اكون مدرسة حياتيه والله كريم ، الميداني السنه اليايه ان شاء الله ، اونتي بتضلين قاعده بطاليه جذي حرام عليك لايروح السنين عليج دوريلج واسطه قويه او انج تكملين بالروضه لاتاخذين السلبيات اكثر من الايجابية تعوذي من ابليس الله يهداج اذا مالقيتي واسطه توكلي على الله ودشي الروضه ماعليه راح تتعودين عليها وبتشوفين نفسج فيها ولا تاخذين من كلام الناس او يخرعونج !​

 

[فرووتي]

الله كريم والله يسمع منج واصير مدرسة حياتيه بس ان شاءالله يوافقون
ومشكوره انج سألتي والله يوفقج ويسهل عليج الميداني

واي شي تبينه يخص الروضة انا حاضر

تراني شطوره

 

[Om_Ksha]

شقاوتي غير

انتي طالبه للحين؟

انا الكورس اللي طاف كنت ميداني والصف كان فيه أبلتين وانا الثالثه

شقول وشخلي عن الروضه تداومين الصبح بالروضه وبالليل دوام بالاسواق والمكتبات والجمعيات وبالنوم كوابيس عن الدرس اللي بتقدمينه
يعني التفكير ٢٤/٢٤ ساعة


الله يعين بس








وأي سؤال انا حاضر وبحاول قدر الأمكان ماحبطج وموفقه يااااارب

:eh_s(15)::eh_s(15):

بالضبط هذاا الوضع ,, واحلى مافي الموضوع اني استقلت:eh_s(8):

 

[fofowa_q8]

الله يعينج ويصبر قلبج وياجرج

راح تشوفين الوضع بعينج لان مهما نوصف لج

ماراح تتخيلين دوامنا شلون صاير

حدي محبطه

 

[أبلـه بيبيات]

أمبيه حرام عليكم حبطتو البنت !
مو لهدرجه الوضع مأساوي
والله اذا حبيتي الاطفال راح تستانسين بالروضه
بالعكس دوامنا خفيف واحلى شي نطلع 12 وثلث
كل مكان له ايجابياته وسلبياته محد مرتاح 100% بدوامه
شوفي اهو يختلف بين فصل والثاني في فصل فيه ابلتين وفي فصل فيه ثلاث
اذا كان ثلاث فيا بختج راح ترتاحين يكون الجدول حلو ومناسب
وترا احنا مو كل الوقت بالصف يعني في مجال ترتاحين يعني مو من 7ونص لين 12وثلث مجابله اليهال
المشكله كلها بالحريم القيل والقال والحفار والتشيش هذا الي مو حلو بالمدارس عموما
اما بالنسبه حق مهنه رياض الاطفال من ناحيتي اشجعج عليها بشده اذا كنتي تحبين الاطفال
اما اذا لا فـ انا اقولج من البدايه لا تدشين وتظلمين نفسج واليهال
والي يقول انا اقط نص معاشي على الروضة انا اقول مستحيل !
لان صار لي ثلاث سنين بالرياض وماقطيت هالمبلغ
بكيفج تحطين او ماتحطين
يعني انتي تبين وسيله تسوينها بيدج ولا تبين دسمان هذا انتي تقررينه
والهدايا الله يعافي سوق بو اميه مايقول لا
وبعدين مو كل حزه اعطي اليهال هدايا راح يصير مالها قيمة بالنسبة له
وشياطين ولا مو شياطين يعتمد على الصف وانتي وشخصيتج
ترخين معاهم من البدايه بيصير الصف حوسه وكله بتقديرج
تفرضين شخصيتج عليهم وتمشينهم بنظام بس مو بعصبيه بالحب وتنزلين مستواهم راح تكسبينهم وبيصيرون تحت امرج
وبس هذا كل الي عندي وعسى ربي يوفقج
واستخيري واكيد بتلقين الاجابة
تحياتي

 

[شقاوتي غير]

الله كريم والله يسمع منج واصير مدرسة حياتيه بس ان شاءالله يوافقون
ومشكوره انج سألتي والله يوفقج ويسهل عليج الميداني

واي شي تبينه يخص الروضة انا حاضر

تراني شطوره

يابعد روحي ماقصرتي ياقلبي والله يوفقنا ان شاء الله

 

[شقاوتي غير]

Om_Ksha اند fofowa_q8
تسلمون فديتكم على المرور بس الله يهداكم خرعتونا يعني كل مكان فيه الزين
والشين نورتوا فديتكم

ابلة بيبات
تسلمين ياقلبي والله يجبر خاطرج ويريحج مثل ماريحتينا وتسلمين على النصائح الحلوه ​

 

[كول تكره سكول]

انا طالبه بالرووضه واحب ابلاتي
لوووووووووووووووووووووووووووووووووووووووووووووووول

 

[شهد ~]

انا طالبه بالرووضه واحب ابلاتي
لوووووووووووووووووووووووووووووووووووووووووووووووول

ههههههههه ,.
حتى أنا طآلبه بالروضه بس ما أحب أبلاتي :d

 

[اسيرة زوجها]

من روضه لروضه يختلف الوضع في رياض من تدخلينها تعوفين الدنيا والسبب الناظره والمشرفه والابلات
وفي العكس وعموما اليهال شدي معاهم وعلميهم النظام من البدايه وعقب رخي وشدي وبيحبونج اذا حبيتيهم واحتويتيهم ويونسوووووووووووووووووووووون
وهدايا ماتيبين الا كل شهر مره لعدد معين اللي ميغيب المرتب ويسمع الكلام اللي اجاباته حلوه جذي واختياري مو اجباري بس التشجيع مطلوب واسهل شي اغاني شوجي وغيره مع صفقه وخلصنا يستانسون

 

[شيوخ ــه]

يما الله يعين

 

[khawla&tito]

اب

اب

اب