شلون الدكتوره تبط جيس الماي؟؟

[الشيرازية19]

السلام عليكم بنات انا حامل توني اليوم دشيت الشهر الثامن وهذا اول حمل لي (( دعوااتكم:eh_s(9):

توني قريت موضوع وحده كاتبه ان الدكتوه تبط جيس الماي شلووون؟؟؟ انا ما اعرف ولااشي وماعندي خوات عشان اسألهم وبيني وبينكم الوالده ناسيه من 20 سنه مو يايبه ياهل :krkrkr:

وكلما اسألها ماتقولي شي تخاف اني اخترع ههههه المهم شلون ينبط جيس الماي ؟؟؟ سواء كان بروحه او الدكتوره تبطه لي وشنو تحسون لما ينبط ؟؟ هل تحسون بانفجار داخل بطنكم ولا شنووو بالضبط ؟؟

و بليز كتبولي معلومات اضافيه وسريعه عن الولاده وشنو يصير غير بطة الماي :eh_s(2)::eh_s(2):


و ادعوولي الله يسهل علي ويكون الي بطني معافى مافي اي شي وكامل النمو يااارب:eh_s(8):

 

[سوسن1980]

عادي ترى ماتحسين فيه اذا بطته الدكتوره انا دايما تبطه لي الدكتورة ينزل الماء وبعدها تصير طلوق سريعه ومنتظمه اذا انتي بكر صدقيني ماتحسين بشئ يصير لك معامله خاصه

 

[الداعية لله]

عادي حبيبتي انا انبط جيس الجاهل بروحه ما حسيت بشي انا الماي الي نزل علي مثل الحنفيه بعدها ولدت عادي بس بطلق صناعي لان ما كان معاي طلوق وكنت بالثامن الله يتمم عليج حملج ولا تفكرين واجد السهالات من الله

 

[زينانه]

عادي ماتحسين
وقتها انتي اكيد لاهيه بالكمام
وطلوقج شغاله

 

[shak!shoka]

انا ببجري انبط الماي وانا نايمه بس سمعت صوووت داخلي و فزيت مثل توووك فهمتتي وفجأه لمن تزلت من السرير ولا ماااي ينزل مثل الحنفيه
ما يصاحبه ألم لا تخافين. العوار عقب ما ينبط الماي بنص ساعه او ساعه و يكون محتمل

بعدين يزييييييد بس كله محتمل مع الكمام لا تحاتين
بس حطي ببالج لازم في الم يعني روح تطلع من روح

والله يسلمج يمكن مع الكمام يكون في ترجيع حاولي ما تكونين ماكله واايد
اهم شي سوائل عصير و ماي

بس يطلع راس البيبي راح ترتاحين و بس يطلعون المشيمه خلااااااااااااص جنه ما صار شي شعووور روعه

المشيمه يطلعونها عقب البيبي بجم دقيقه وراح تقولج الدكتوره سوي بوش بس طبعا خفيف وماكو عوار
<<<<<<< يحليلي صرت دكتوره



الله يسهل عليج و يقومج بالسلامه و تفرحين بالبيبي يااارب*

 

[مألوفة]

خخخخخخخخخخخخخخخخ ضحكتيني من قلتي ينبط بالبطن شنو ينبط داخل البطن

لا عمري اكو حريم ينبط بروحه واكو حريم تبطه الدكتورة انا بولدي بطته لي الدكتورة مع انى كنت مفتوحه 9 سنم

وحسيت جنه جيس طالع منى قبل الياهل اهوا جيس الماي من بطته حسيت بماي حاااااااااار نازل بعدها ما وعيت الا والدكتورة شايلة عنى الكمام وتقولي دفعي ترى بشفط البيبي بعدها طلقت جم طلقة وولدت والسهالات من الله سبحانه والله يسهل ولادتج وتولدين بالصحة والعافية وادعيلي اولد هم بصحة وعافية

 

[*الغاليه*]

ههههههههههههههه شكوو ينبط بالبطن

لااحبوبه ماراح تحسين بشي سواء انبط بروحه ولا الدكتوره بطته الا بالماي ينزل منج

ولاتحااتين سهلاات ان شااء الله وربي يسهل ولادتج ويقومج بالسلاامه انتي والبيبي




​

 

[نور الدنيا 88]

واااي لما قريت هالموضوع اخترعت
الله يسهل علينا

 

[QYtiya.com]

انا كان نازل على ماي بس ماانبط كله لاا
واثناء الولاده بطته الدكتووره مايعور اصلا الكمام مايخليج تحسين بشي لاتحاتين ان شاء الله سهالات

 

[مألوفة]

انا كان نازل على ماي بس ماانبط كله لاا
واثناء الولاده بطته الدكتووره مايعور اصلا الكمام مايخليج تحسين بشي لاتحاتين ان شاء الله سهالات

انا هم نفسج مع الكمام ما تحسين بس الطلق شغال وانا ولدت بدون كمام حزت الولادة الصجية الدكتورة قالت حق السسترات شيلو عنها الكمام

شالوه وولدت بروحي لين حسيت ان ضروسي دشت ببعص وصوتي انقطع ريلي برا على باله مت لانو طلع صوت مثل صوت الشخير من الدفع اهنى عاد ولدت بس الكام اول شي يهون عليج الطلق شوي

 

[الأميرة جوري]

انا بجري نبط وماحسيت فيه الا الماي نازل......والثاني لا الدكتوره بطته لي بس ماحسيت بشي بس الطلوق...بس اخذي كمام ماتحسين بشء

 

[يا عيون سمي]

الله يسهل عليج انا بجر نفسج ما اعرف

 

[Q.8.h.2]

حتى بدون كمام اذا بطته الدكتوره ماتحسين بشي مايعور لما تبطه كلش ومجرد ماينبط بتحسين بماي داااافي اندفع منج مره وحده وبس بعدها الطلق يزيد اكثر ولما يعطونج الكمام شفطي عدل جنج بتخلصين الهوا ههههههههههههه وبتنامين وتخدرين وبقعدونج وقت طلعة البيبي
والله يهون علينا كلنا يارب

 

[ساشا]

اصلا لو ينفتح بروحه بالبيت احسن ماتوصلين باذن الله المستشفى الا يايج الطلق ويبتدي يزيد
الماي يسهل الولادة ويفتح الرحم

اتمنى اولد هالمرة طبيعي مثل اول ولادة
عسى الله يسهل علينا كلنا يارب

 

[شقرا كويتيه]

الله يسهل عليج ماقصروا البنات

 

[wafa82]

لا حبييبتي مافي الم اذا انبط هو الالم يصير عقب لما يبدا الطلق

 

[طيــــــــــــف]

http://arabia.babycenter.com/video/pregnancy/labor-and-birth/ <<<< ان شاء الله يفيدك هذا الفديو
ولاتخافين ان شاء الله تكون سهله بس توكلي على الله واذا جتك الطلوق اقري دعاء الكرب

 

[engnera]

الله يسهل علينا

 

[الشيرازية19]

مشكوووورين اشوه طمنتووني اهم شي لما ينبط ما احس بعواره

 

[المسكـ]

لووووووووووول لا يبا لا انفجار ولا شي
انا بطته لي الدكتوره
قالت يالله فتحي فحص انا قلت ولين >> طبعا سكرانه من الكمام لووول
المهم دخلت ايدها وبطته وانا حسبالي تكرمين سويتها على نفسي مادري شساللفه جان اقول حق امي يماااااااا شنو سويت انا
جان اتقول ولااا شي نامي نامي وماحسيت بعدها بشي الا لما قعدووني وقالوللي بوووووووش بوووووووووش وانا ابوووووووش من كل قلبي لين طلع البيبي بس ماصرخت كللللللش ولاحد حس فيني اني بولد لوول