شلون العيال

[انا انت]

بنات خلاص زهقت ودي اصرخ اليوم جتنا حرمة يعني من جماعتنا يعني تعرفني عدل اول ماشفتني قالت شلون العيال انا جذي:eh_s(12): لو بروحي مايخالف بس كانو حريم حمواني قاعدات حسيت اني مسكينة مدري ليه الاحساس هذا انتو اذا وحدة قالت لج جذي شراح تقولين انا رديت عليها قلت انا فلانة ماعندي عيال وهذي ثاني مرة اطيح بنفس الموقف :ioljnmlk:

 

[الفيروزيه]

حبيبتي وربي حاسه فيج
وشي يعور القلب بعد
بس انتي مو بيدج هذا مكتووب
والله يرزقج ياارب ومايتم الول الا والكل يسال عن ضناج اللي جبتيه
حبيبتي هذي الناس ماتدري هي ماتقصد واو يمكن تقصد
ماعليج مهنها المهم لابينين ضعفج
لهم
والله ماراح تاخذين منهم شي
ووكلي امرج لله

 

[بنت الواوان]

رد : شلون العيال

كبري عقلج وخليهم يولون اشكثر صارلج متزوجة

 

[عــود كمــبودي]

لو منك كان قلت الحمدلله ماعليهم يزقحووون وابتسمت لها بعد

خليتها تحس ياربي هالناس هذي ماتخاف الله !!

استغفر الله

 

[نـور الكويت]

عسى الله يرزقج ياربي عاجلا غير اجلا ...

 

[tbola]

رد : شلون العيال

يمكن صج ماتدري

وانشالله الله يعوض صبرج خيير

 

[كويتيه مذهله 87]

ميخالف حبيبتي يمكن ماتدري او موقصدها
,,,

 

[chanel N22]

الله كريم شنسوي

 

[مناوووي]

عادي تصير وااااااااجد

واضحك

 

[مربى و قيمر]

رد : شلون العيال

ياكثر ماسمعت وتعودت على كلامهم
قبل ازعل وصعد شقتى ودمووع اربع اربع
الحين طناش
وكل ماسالنى احد اقول ( يجيب الله خير )

 

[رووحي لغاليها]

رد : شلون العيال

امشي الوضع واقول العيال تمام
الله يرزقج

 

[ام زاكي]

لا تحاتين حبيبتي ترا ناس واجد ينسون واهم يسلمون تعودو على نمط معين بالسلام
انا وحده كله انسى حتى الشايبه اقولها شلون العيال ولا وحده مو متزوجه

 

[طيبة الطيبات]

ياما صارت معاى واقول ماعليهم طيبيين وابتسم صار الامر عادى ماتقدرين تسكتين الناس هذى طبيعه بشريه فى الانسان وراح تعودين حبيبتى ماعليك كنا نتضايق اول شى الحين الامور عاديه ولله الحمد عسى ربى يرزقك ويرزق بنات المنتدى

 

[foz q8]

عاااااااااادي جدا دايم تصير

ارد بضحكة و أقولها زينين يسلمون عليج

لأن المرة يا تكون ماتعرف أو ناسية و حتى لو مستقصدتها

هي بتحتر لأنها ماوصلت للي تبيه

ربج كريم

 

[ايام وردية]

رد : شلون العيال

ان شاءاللة ربي يرزقنا قريب عاجلا غير اجل

انا لي شهرين واحد وعشرون يوم تقريبا متزوجة

لكن زوجي واهلة حسسوني ان لي سنتين ما انجبت

مدري واللة انا متاخرة بالحمال او طبيعي

 

[حلمي الأمومة]

عادي حبيبتي تلاقينها متعودة تسلم جذي وزل لسانها عااااااااادي حبيبتي لا تسيرين حساسة

واذا قاصدة ماعليج منهااااا ردي عليها وقولي ماعليهم يسلمون عليج

عادي

 

[alees]

رد : شلون العيال

عادي جدا دايم تصير
ارد و أقولها زينين يسلمون عليج

 

[درة أهل الطولات]

رد : شلون العيال

عسى الله يرزقج ويرزقنا

حاسه فيج

 

[قايد الزين]

رد : شلون العيال

الله يعين حاسه فيج خصوصا امس صارلي موقف بعزيمه وحده تسالني عن الدوام قتلها مقدمه بس ليما الحين ما نقبلت جان تقولي الدوام يصلح حق اللي نفسج ماعندهم عيال انا تضايقت جدام الناس كانو وااااااايد جان تقعد شوي بعدين قالت بنبرة شفقه الله يرزقج ما احب هلاحساس يارب ارزقني وارزق كل محروم

 

[@ بنت النـور @]

رد : شلون العيال

اتوقع مو قصدها

انا مرة وحدة تسلم علي وقالتلي شخبارج شمسوية شلون الياهال ,,

وانا ارد عليها والله كلنا بخير عساج بخير لووووووووووووووووول

لمن قلت السالفة حق امي وخواتي غشو من الضحك ,, صج أسهل من اني اقولها

انا فلانه وماعندي عيال وبعدين بتسألني جم صارلج متزوجة و و و و سين وجيم ,,

عسى الله يرزقنا يارب




ايام وردية توووووووووج يالغالية يعني للحين لا تحاتين ان شاءالله طبيعي

اهم يقولون لا تأخرتي اكثر من سنه اهني روحي حللي يمكن لا سمح الله فيكم شي

بس يحليلج توج عروس استانسي بعمرج لاحقة عالشقا ,, الله يرزقج ويرزقنا يارب