شلون الوحدة تتخلص من ذكريات الحبيب سواء حلوة او مرة

[حنان رعد]

السلام عليكم بنات
بغيت كل وحدة تكول لنا شلون تتخلصين من تلك الذكريات او تتناساها او اي طريقة تساعد الوحدة في اكمال يومها بدون الم
انا بالنسبة لي صار لي ثلاث شهور ما كدرت انساه او ما افكر بيه يوم طيب مو يكولون ان الايام كفيلة زين ليش انا مانستني
واحس انو زاد جرحي وتعبي لمن شفت صورتة بالفيس بوك صدفة طلع لي ماادري شو يصير فيني احس جسمي كلة بيرتعش ليش مااعرف ابغاكم اساعدوني بنصايحكم محتاجتكم والله اقرا قران واصلي واصوم وملتزمة بواجباتي بس ليش ماانسى والله انا كاعدة اكتب هالموضوع وارجف وابكي

 

[مولاي الفرج]

حاولي تتخلصين من كل شي ملموس فيه

صورته .. مسجاته. ايميله وغيره

وكثري من الدعاء

ان الله يرزقج باللي احسن منه

حياتي محد يقدر يمسح الماضي

بس تقدرين تبدين من يديد

بالاراده

والله يساعد الجميع قولي آمين​

 

[عاشقة هواك]

تبين تنسين استغفري وخلاص انتهت المشكلة

 

[classicyah]

اتقربي من ربجْ ،

و خلي حب الإيمآن يملأ قلبجْ حبيبتيْ ،

و ترى لآ انتي أول و لآ آخر وحده اتفآرق ،

و كلهم عآيشيـن و مستآنسيـن آلحمدلله ،

لآ اتخليـن ذكرآه محور حيآتج ،

اطلعيْ و اشغلي نفسجْ . .

 

[فيونكه..~!]

اتقربي من ربجْ ،

و خلي حب الإيمآن يملأ قلبجْ حبيبتيْ ،

و ترى لآ انتي أول و لآ آخر وحده اتفآرق ،

و كلهم عآيشيـن و مستآنسيـن آلحمدلله ،

لآ اتخليـن ذكرآه محور حيآتج ،

اطلعيْ و اشغلي نفسجْ . .

:rerrerek::rerrerek::rerrerek::rerrerek::rerrerek::rerrerek::rerrerek:

 

[honey lust]

3 شهور شوويه حبيبتي

شغلي نفسج و اول ما تبدين تفكرين فيه طلعي او سوي اي شي

لهي نفسج

اللي اسمعه دايما ان الزمن و الوقت ينسي

 

[سكوتي بذوقي]

تقربي من الله بالطاعات

وراح تنسين

 

[الغاليه نونو]

بدلي حبج القديم بحب جديد حب يسعدج دنيا وآخره حب مابعده حب يمه حبي الله سبحاانه وحبي الرسول صلي الله عليه وسلم هذا هو الحب الحقيقي اللي ينجيج من عذاب النار وعذاب القبر تركي عنج سوالف قيس وليلي وخرابيط مالها اول وتاليها جهنم وبئس المصير

الله سبحانه وتعالي ذكر بالقرآن وقال ...الا بذكر الله تطمئن القلوب

يابنتي لاتخلين نفسج مسيره بطريج ابليس يقودج يمين ويسار ويزين لج اعمال الحرام اغتمني الفرصه الحين احنا بشهر العباده تقربي لله سبحانه واستعيني فيه والله بيكون بعونج ياقلبي تعوذي من الشيطان وعاهدي نفسج انج تكونين قريبه من الله ورسوله وخلي القرآن بيدج وابتدي بالختمه والطاعه والعباده بتحسين ان هالحب مااابعده حب وبتشوفين الخير كله بإذن الله تعالي

 

[أغلى أمنياته]

تقربي لربج//
لا تحطينه محور حياتج اللي خلقه خلق غيره،،
وكوني واثقه ان الله ما شاله من طريجج الا لانه فيه خير لج وله ::​

 

[بنت_أخت_خالتي]

الحب شعور حلو وصعب ينسي بسرعه

في اكثر من طريقه تخليج تنسين

بس تعتمد عليج
انتي وشخصيتج وطبعج شلون

حاوللي دايما تطلعين

تشغلين نفسج بأشياء ثانيه

سوي اشياء ماسويتها من قبل

هلشي راح يشغلج عنه بس ويمكن الوقت كفيل ينسيج
بس في بنات ماينسون الا بحب ثاني
بس موحب انتي تدورينه لا حب اهوه اييلج وان شاءالله بلحلال

 

[~✿ ارتـِوآآآء روح !]

>>>>>

 

[~✿ ارتـِوآآآء روح !]

بداية ، الإنسان من فطرته إنه يحب ، يرتاح ، ينجذب ، .. ، .. ، وهذا شيء طبيعي جدا ، فحاولي ما تضخمين الأمور ...أنتي غلطتي والطرف الآخر أيضا غلط ، وكلنا نغلط ، ما في إنسان ما يغلط إلا من اصطفى رب العالمين ثلاث أشهر مو كثيرة ، في ناس احتاجت إلى سنوات ، وفي ناس احتاجت فقط لأيام أو حتى لساعات ، وطبعا كل مدة أكيد لها أسبابها .
الفراغ ياقليبي مشكلةة اهو اللي يذكرنا بالماااضي ااذا انتي علاقتج مع اهلج علاقه عاديه مو قووويه وماعندج رفيجات معاهم حييل ولا عندج طموحات ولا اهداف وحياتج كلها فراغ طبيعي بتحنين وبتتذكرينه لان ماعندج شي يشغلج غير هالووولد
وفي المقابل ، لو بنت مرت بنفس التجربة ، لكن كان عندها هوايات ودراسة ، وصداقات عميقة ، وعلاقتها بأهلها قوية ، و .. و .. ، هذي ممكن تشيله من بالها بأسبوع ، أو خلنا نقول ترجع لحياتها الطبيعية بأسبوع أو شهر ، حتى لو ما راح من بالها بشكل نهائي ، يعني بفترة أقل حيل ، لأن في بدائل ، في من يملي وقتها ، في من يشغل بالها وحطي خطين تحت ( يشغل بالها ) ...​

 

[~✿ ارتـِوآآآء روح !]

حذفي كل شيء يوصلجّ له ، ويذكرج فيه ، أرقامه ، محادثاته ، مسجاته ، إيميلاته ، هداياه ، أي شيء له علاقة فيه ، سواء من قريب أو بعيد ، لا تصيرين مثل التلفون اللي يطفي ، ويرجع صاحبه يشحنه مرة ثانية ، لا تشحنين نفسج أبد بأي شيء ، قد ما تقدرين لا تفكرين
فيه،كل ما مر ببالج،سوي شيءيشغلج عنه،حتى لوبشكل بسيط،يعني مثلا مر ببالج الحين،روحي سولفي مع اي احد من اخوانج،قوليله،قصة،سالفة،استهبلي عليه،أي شيء،ق دماتقدرين تكونين حوالين الناس،أهلج، رفيجاتج ،أي أحد،قد ماتقدرين لاتصيرين بروحج​

 

[~✿ ارتـِوآآآء روح !]

بالنهاية ، اللي عليج تسوينه هو توفير ظروف المثال الثاني اللي ضربت لج ، البنت اللي علاقتها قوية مع أهلها وشاغلة نفسها و ... و ... و ... ، وبقد ما تقدرين تشغلين تفكيرج عنه ، لأن كل ما شحنتي تفكيرج فيه ، كل ما زادت المهمة صعوبة ، وحطي ببالج إنج ما راح تنسينه بشكل نهائي لأنه شكل نقطة محورية بحياتج ، لكن تقدرين تشيلينه من بالج و تشيلين حبه من قلبج بإذن الله ...
هذا اللي عندي ، وربي يوفقج لكل خير ويسهل عليج ويبعد عنج كل هم ​

 

[shelatah]

رد الاخت اللي فوقي كفى ووفى

 

[تولة العود]

الله يعينك ويصبرك ويثبتك على نسيانه
​

 

[رحمتك ياالله]

الدعاااااء صدقيني شي عجيب

 

[وش عـاد بـاقـي]

حياتي 3 شهور حيل شويـة ...والانسان ماينسى اللي يحبه بشهر ولا بشهرين بالسنين هم ماينسىى ...الآ اذا لقاله حب ثاني يعووضه ....واستغفري كثيررر ولهي نفسج العبي مع اخوانج سولفي من امج ابوج ...اي شي والاخت سدن صقر كفت ووفت ...

 

[أم سليمان دشتي]

بدلي حبج القديم بحب جديد حب يسعدج دنيا وآخره حب مابعده حب يمه حبي الله سبحاانه وحبي الرسول صلي الله عليه وسلم هذا هو الحب الحقيقي اللي ينجيج من عذاب النار وعذاب القبر تركي عنج سوالف قيس وليلي وخرابيط مالها اول وتاليها جهنم وبئس المصير

الله سبحانه وتعالي ذكر بالقرآن وقال ...الا بذكر الله تطمئن القلوب

يابنتي لاتخلين نفسج مسيره بطريج ابليس يقودج يمين ويسار ويزين لج اعمال الحرام اغتمني الفرصه الحين احنا بشهر العباده تقربي لله سبحانه واستعيني فيه والله بيكون بعونج ياقلبي تعوذي من الشيطان وعاهدي نفسج انج تكونين قريبه من الله ورسوله وخلي القرآن بيدج وابتدي بالختمه والطاعه والعباده بتحسين ان هالحب مااابعده حب وبتشوفين الخير كله بإذن الله تعالي

جزااااج الله خير وانا معاها :* الله يساعدج حبيبتي

وهالله هالله بالاستغفاااار والدعاااااااء

 

[درة أهل الطولات]

عمرج ما راح تنسين اكيد راح يظل شي بالذاكرة ولووو شويــة ،،
مايحتاج تبدين حب من يديد
الايام كفيلة انهااا تنسيج
كل ما تذكرينه حاولي تقنعين نفسج ان ما في امل ولازم تداوين جرحج
بالاستغفار كل ما ذكرتيــه ،، صلاتج ادعي فيهااا