شلون الوحده تحمل بأكثر من توأم ثنائي .......؟

[& مــشــايــخ &]

خواتي نعرف وحده من الاهل لله يبارك لها عندها 5 عيال واخر ولد عندها بو 6 سنين وتوها طالعه من النفاس جابت 3 توام ماشالله بنت وولدين سبحان الله
الله يتم عليها بس حبيت اسأل في دكاتره معيينين حق التوام بالطريقه هذى بالكويت ولا ممكن حظ ونصيب تصير مع علاج وابر تفجيريه ...؟ومنو ترشحون دكاتره زينين...؟
لاتقولون لي وين عالجت وصعبه انا اسألها لان اخاف عبالها حاطه عيني عليها او شي والله يرزق الجميع
عاد تدرون احنا المحرومات من الضنا لو نمسك بيبي او نلاعبه قالوا ياحرام مسكينه الله يعطيها تكسر الخاطر استغفرالله لووووول

 

[فتكات بنت كيداهم]

راجعى عند دكتورة فوزيه القطان او ماجدة اليتامى او عالية الفضلى انا اراجع عند فوزية القطان وانشالله احمل توائم يارب

 

[& مــشــايــخ &]

مشكوره اختي

انا موحاطه في بالي اني ابي اكثر من توأم ثنائي والله راضيه بكتبة الله لو بيبي واحد نعمه بس بعرف هل الوحده تقدر تحدد للدكتوره ابي هالعدد واهي بعد ارادة الله تفجر بويضاتها بالابر وتصير جذى وهل في جميع الحالات اللي ولا مره ماحملت واللي عندها عيال مثلا ومتأخره ماحملت من زمان تعطيها نفس علاج اللي ولا مره حملت جذي بفهم بس..؟

 

[alothoob]

اللهما ارزق كل محروم بذرية الصالحه

 

[& مــشــايــخ &]

للرفع

 

[المهذبه]

الله يرزقج

 

[Emanova]

لازم ابر تنشيط و بلاوي ...و ترى حمل التوائم صعب بنت خالي كانت حامل ب3 اهلكت في حملهم و ولدتهم بالسابع و هلكانه بتربيتهم

قولي الحمدالله على اللي ايي من الله

 

[Coffee-Girl]

الله يتمم عليها ويرزقج بلي تبين يارب

 

[غيـ الناس ـر]

في شغله تنشط المبايض .. قفشه مرميه وقفشه مرقدوش وقفشه يانسون .. وسط من كل نوع . ( اعشاب موجوده بالحواي ) بقلاس ماي مغلي وتخلينها تنقع 10 دقايق وبعدين شخليه وشربيه .. وسويه مرتين باليوم .. والله رفيجتي استخدمتهم راحت عقبها سوت سونار .. سألتها الطبيبه انتي تاخذين منشطات !!! متعجبه من حجم بويضاتها ..


والله يرزقج بالتوم يا رب

 

[كويتيه مذهله 87]

اي تقدر الدكتووره تحدد البويضه علشان تييبين توأم

وارشح د فوزيه القكان

د ماجده اليتاامي

 

[فساتين فخمه]

مشاااءلله تبارك الله الله يخليهم يدننــــــــــــــــــــــــــــــــون

بدل ما تجيب كل سنه والاسنتين واحد افضل تجيبهم مع بعض اريح

 

[lazania]

الله يبارك لها في عيالها ويرزقني ويرزقج الذرية الصالحة ... اللهم آآآآآآآآآآآآآآمين

عليج بالاستغفار والدعاء الصادق والله يتقبل بإذن الله

 

[bant_alnoor]

انا اذكر رفيجتي عندها ولد وبنت وبعدين كلت مانع حمل لفترة وبعدين سببلها ضعف تبويض وراحت تعالج ولما عطوها منشطات قالت للدكتورة قبل ماتاخذ الابرة التفجيرية انها تبي توأم وسبحان الله الله رزقها بتوأم بنت وولد يهبلون الله يخليهم لها ويرزقنا انشالله كلنا لو بولد او بنت الحمدالله راضين