شلون انظف جنطتي الجلد؟

[بحر الرمال]

السلام عليكم

انا عندي مشكله توني شاريه جنطه Guess و هي جلد ابيض و مرات البسها على العبايه فمن ورا توسخت شوي و صار لونها على رمادي مع اني توني شاريتها..ابي اعرف شلون اقدر انظفها بدون ما تنتلف؟و مشكورين مقدما

 

[بحر الرمال]

شدعوه!!!!

 

[سنا الفضه]

جربي تودينها لمحل دقائق الي بجمعيه الروضه يمكن يقدر ينظفها لج

او سألي المحل عن طريقه تنظيفها ..يقولون لج شلوون او على الاقل يفيدونج بمكان ينظفها لج

 

[قمه النعومه و الأنوثه]

جربي كلنكسات الخاصه لتنظيف الجلد من جاكيتات وجناط وقنفات جلد ينباعون بمركز سلطان ايصيرون جفتي كلنكسات بيبي جونسون بس مخصصين للجلد ..وبالمره شوفي القسم اللي بمركز سلطان يمكن نزلوا منتجات تنظيف يديد ايفيدونج...

وعندج محل فنتك اعتقد عندهم سوالف ..

 

[بحر الرمال]

سنا الفضه و قمه النعومه

مشكورين للمساعده و راح ادور المناديل هذي

 

[login]

حتى انا نفس مشكلتج عندي جنظه جلد بني مع بيج ووحده ثانيه لونها ابيض ماخذتهم من الدو مادري شلون انظفهم وديتهم حق مال الجواتي وانتوا بكرامه اللي بجمعية الخالديه قالي ماانظف وشريت منظف من ميلانو ماسوا شي يتعب عالفاضي