شلون انظف خطوط السيرامك

[اخت الغالي الغائب]

بنات الله يعافيكم ابي شي يلمع الخطوط اللي تجي بين السراميك سوده ابي لونها يصير ابيض

 

[s0sa]

اي والله نفس المشكله الي اعاني منها
انشالله البنات يفيدونا ومايقصروون
احنا ناطرين مو تتأخرون علينا

 

[نواره الاموره]

السلام عليكم بنات شلونكم
انا بحمامي عزكم الله كان نفس المشكله خلطت كلوركس وماي وصابون وديتول
وخليتهم على الارضيه شوي وبعدين فركت بالمخمه كل شي راح
والفلاش بعد وايدحلو..

 

[اخت فروحه]

بالنسبه للفلاش يقولون يذوب المادة اللي البيضاء اللي بين السيراميك ( التشريب)

 

[اخت فروحه]

بالنسبه للفلاش يقولون يذوب المادة اللي البيضاء اللي بين السيراميك ( التشريب)

 

[farawla_q80ia]

انا كانت عندي نفس المشكله بس دقيت علي شركة كمدراي للتنظيف وسووه لي رجع ابيض

 

[اخت الغالي الغائب]

مشكورين بنات ماقصرتو ,,انا اشتري جل اخضر اسمه دلفين احطه مع ماي وافركه فيه بسفنجه بيدي لان المخمه ماتنفع ويصير يلمع بس عباله تطيح يدي وانا افرك

 

[toyo]

جربي ايزي اوف بام عجيب

 

[حرير*]

شوفو بنات بصراحة الوالده الله يطول بعمرها حلت لنا المشكله
في شغلة تنباع مثل الجل او الشامبو تقريبا لون العلبه أخضر باجر انشالله أسالها من وين وارد لكم خبر وشوفو الخطوط اشلو يتغير لونها يرجع السيراميك يدييييييد ويصير شي عجييييييب.​

 

[جروح من غير الم]

:nbvppw:مرحبا

انا على طول اخلط ملح الليمون مع خل وشوية ماى

واكت شوى منه على المكان اللى ابى انظفه واخليه عشر دقايق

وبعدين افركه عدل بربى يطلعلج ابيض يلق جربوها وادعولى :tek:​

​

:nbvppw::nbvppw::nbvppw::nbvppw:

 

[hakona-matata]

انا الصراحه استخدم الفلاش ...

 

[حرير*]

بنات سألت الواده وطلع الدوا منتج ايراني اسمه زاده ينباع بسوق رامز اللي بشويخ
وانشالله اكون كفيت ووفيت بس بصراحه لااطوفونه لانه عجييييييييييييب​

 

[ميسوره]

عندج الفلاش اول بأول الوالدهجربته بصالتها تقولون توها مركبه السراميك

وعندج صابون لولو مال الصحون امشي عليهم بالليفه

يلق ابيض انا مجربه

 

[أغلى الناس]

انا اول ماسكنت شقتي الخطوط سودا تلوع الجبد
خذيت الكلوركس بدون ما اخففه اصبه صب على السيراميك وافركه بالمخمه وخدامتي بالبروش اللي له مسكه عرفتوه وفركته فرك وراح بنفس الوقت بس كنت كاته على الارض صابون وماي بس مو وايد عشان يصير الكلوركس مركز وخليت الارضيه تنقع ربع ساعه او نص ساعه تقريبا

شي تقولين سحر طول اليوم اطالع الارض مو مصدقه
هههههههه

 

[adool70]

في وحده من الخوات اذكرت في موضوعها انها استخدمت فرشة و معجون اسنان مبيض(whitenning)

جربي يمكن تنفع خاصة انها تقول انها طلعت بنتيجة روعة

بس انا ما جربتها

 

[bint_looda]

والله فكره حلوه ماشاء الله !