شلون انظف لابتوبي بناااااات؟؟

[نطوووعه]

شلونكم بنات لابتوبي حالته مزرررررررررريه عالالالالالالالالالالالالالالاخر


من برا ملطط من عقب ايدي ولدي دبق ميبس تخيلتو؟؟ و هم من داخل الكيبورد شلون انظف الكيبورد لهم شي اخاف الماي يدخل بين زراير الاحرف و يخترب الابتوب نصحوووونب ضوووري:cxxxp:

 

[Naa7Laa]

انا شاريه من مركز سلطان

جل خاص حق الجهاز الاب توب

معاه قطعه قماش صغيره

بس من داخل الجهاز صوب الزراير ما اجيسه لانه ما اعرف شلون انظفه

 

[د.شريفة]

اخذيلج عود اذون وبلليه بشوية ماي شويه بس مو وايد ونظفي بين الدقم

 

[عالي مستواها]

شووفي
اللاب توب من برا نظفيه بخامه مبلوله او اكلينكس كله الشاشة والكفر من برا

بالنسبة للكيبورد حاولي تنظفينه والجهاز مطفيته بنفس الطريقة بس لايكون الماي واجد يعني يدوبك سطح الــ buttons بس

انا جهازي الثابت أفتح كيبورده زر زر وأنظفه عاادي بعدين أرجع الأزرار مكانها .. هذا ايام الفضاااوة الحين من بديت أداوم ما ألقى وقت أحك رااااسي

مادري عن الللاب توب يصير تفكين أزارره أخاف تعفسين الدنيا بعدين تدعين علي ههههههههههههههه

عاد لاب توبي ماجربت فيه لاني محاافظه عليه حيل الأزرار تلق من النظااافة

 

[الغلاااااا]

حبيبتي انا شاريه مناديل خاصه لشاشات التلفزيون واللابتوب من مناديل wow

لهم كشك بكويت ماجيك وفي بعد المناديل اللي تنظفين فيها النظارات اللي يكون منديل مبلل وكل واحد بكيس..انا انظف فيه شاشة اللابتوب وانظفه من برا ومن داخل حلووو وسهل ونظيف

 

[الكرملين]

انا بعد نفس المشكله

 

[طوق البنفسج]

اكو بجرير يبيعون ادوات تنظيف .. انا شريته مثل علبه الكلينكس ..

تنظفين فيه الشاشه و الكي بوردز والكفر من بره .. شحلوه و كان رخيص بعد مايسوى نفعته..

و اكو واايد اشكال شي فيه عود اذون و شي فيه فرشه .. بس انا خذيت الي مثل الكلينكس اريح و نافيه دندره..

تلقين ركن كامل .. كله ادوات تنظيف

 

[MISS^^CHANEL]

حبوبه شغلي الاستشوار ع البارد وحطيه اقوا شي وميلي شوي وابدي من اليمين لي اليسار بتشوفين اشياء غريبه اطير منه
ومن بره مثل ماقالو البنات
كلينكس او قطعه قماش مبلوووله شوييييييييييييييه بس لايكون شغال ولا موصل

والشاشه بالكلينكس الخاص
وسلامتج

 

[لوكريسيا]

شريت من الغانم مال الالكترونيات بخاخ أزرق مع قطعة قماش ناعمة ترشرشين على اللاب توب من برا و صوب الكي بورد و كل مكان و مسحي بالفوطة مالته

 

[قمه النعومه و الأنوثه]

انا لي ودوه الأهل محل ايضبطولي الابتوب اينظفونه بالمحل لهم طريقتهم آخليت مسؤليتي بس بالبيت مساح مع نتفه ماي اذا صار شي دبق وفي بخاخ مخصص للشاشه

 

[زنوبة الحلوة]

حبيبتي في بخاخ يبيعونة اي مكان مال الكمبيوتر

مثل بخاخ يطلع هوا خصوصي حل الاوساخ اللي تصير من داخل الكيبورد

وانا استخدمة وايد حلو

 

[نطوووعه]

تسلمووون حباااايبي مااااقصرتوووو صج صج فدتووووووووووني بجرب جرير دام فيه ركن كااامل احسن عشااان اختااار اللي يناسبني و فكره بخااااخ الهوا و عووود اذان مع نتفه مااااي عجييييييييييييبه

 

[أم علاوي حبيبي]

حبيبتي انا مره صارلي موقف ما انساه ودايما اقوله حق الناس عشان اضحكهم
تعرفين احنا الكويتيين لزقه باللابتوب وناكل يمه وكنت يوم طالبه عشا من كنتاكي الله لا يوفقهم وحاطه الوجبه يمي ومندمجه حدي على الشاشه وطلت لقمه وييت ابلع بيبسي

والله لا يوريكم :0bee2e8d89: مسكت العلبه وهي من البروده الثلج رخوه ولينه وما لحقت على قولة اخواننا المصريين (( عينك ما تشوف الا النوررررررر)) لقيت البيبسي كله بثانيه انكب على الكيبورد كله ويتشرب وانا مبحلقه مو مستعوبه وقمت اصارخ وعيالي ييوا علي يضحكون ويصارخون وقام الجهاز يطلع الوان وفصلت الكهرباء وقلبته جني بأحطه على منشر واحنا نصارخ ونضحك:cxxxp:

والله في ثواني وخليته مقلوب ووديناه محل واحد باكستاني في حولي والحمدلله صلحه ب 35 دينار ومو مصدقه انه رجع وبدون ما يروح اللي فيه الكهربلء بس اختربت والله ستر على شغل الدوام المهم والا جان انتحرت وانا انصح اي تنظيف عميق يكون عند متخصص اما التنظيف العادي فأنا متعوده احط على طول ماي ورد ببخاخ ابخه على طول وانظف الكيبورد والشاشه
وسلامتكم :ggdw:

 

[شندوخه]

وديه الوكاله ينظفونه ويردونه لج صاغ سليم

 

[حبيبة دودي]

روحي جرير ركن خاص بالتنظيف
واخذي الكلينكس الرطب+بخاخ الهواء

 

[LaRa CrOfT]

لا مناديل خاصه ولا شي 00 امسحي بمناديل جونسون حقت الاطفال وسلامتك يطلعلك يلق لق

 

[Ftooosha]

اي والله الاب توب يلوووووووووع الجبد