شلون انظف لوح تقطيع الخضار!!!

[karamella]

السلام عليكم
بنات تعرفون اللوح اللي نقطع عليه الخضرا والدياي؟
ابي اعرف الطريقه الصحيحه لغسله وتعقيمه
ومشكورين مقدما..
على فكره هذي اول مره اكتب بهالقسم همتكم عاد لاتفشلوني​

:ggdw::ggdw:

 

[سعودية قلبها كويتي]

شوفي اختي انا عندي لوحين
واحد مخصص للخضار وواحد للدجاج بس .. اللحم اشتريه مقطع وجاهز

سمعت منال العالم تقول اغسلوه اول ماتخلصون منه على طووووووووول .. بالماي والصابون ..

بس نصيحة مني اختي اذا كان استخدامج لها وايد ..غيريها كل 4 شهور ..

 

[^om 3lawee^]

حبيبتي انا احط عليه ملح خشن وافرك باليفه ولو تحطين مع الملح ليمون احسن عشان الريحه

 

[Om JooD]

حبيبتي انا احط عليه ملح خشن وافرك باليفه ولو تحطين مع الملح ليمون احسن عشان الريحه

..احسن طريقة..

 

[nice lady]

بس صبي عليها كلوروكس وخليها 5 دقايق على كل وجه بعدين غسليها عادي وادعيلي

 

[د.شريفة]

غسليه بماي وصابون
وغيري كل جم شهر وبس

 

[ام جميلات]

في نوع اييج زجاج احسن من الخشب والبلاستك يتنظف بسرعه
تلقينهم بالاسواق الشعبية

 

[أم حمود2]

صج انا مع الخوات لازم تغيير مستمر وتخصيص كل لوح حق غرض معين مالة الخضار غير مالة الدجاج وغيره

 

[أغلى الناس]

شلون اغسله بكلوركس ماتلزق الريحه فيه اخاف ياثر على الاكل

 

[جمانه 99]

اختي انا مخصصه واحد لللحم والدجاج وواحد للسمك وواحد للسلطه وفي لوح زجاج يبيعونه هذا اضمن للنظافه واريح للتنظيف

انشالله فدتج

 

[dnyay_mll]

حطيلج واحد حق اللحم وواحد حق الخضار وواحد حق الدياي
وفي بعضهم ينباعون يكونون الوان هذيل احسن
اما الغسيل
صبي عليه كلوركس وخليه 5 دقايق
وبعدين غسليه عادي بماي وصابون
وترا مايأثر عليه شي انا طول عمري اسوي هالحركه
وتقدرين تصبين عليه خل ينظفه عدل بعدين غسليه بماي وصابون

 

[أساور]

احسن شي الجزاز او الرخامة

 

[طم طم]

بس صبي عليها كلوروكس وخليها 5 دقايق على كل وجه بعدين غسليها عادي وادعيلي

ترى مو زين والله كله اشياء كيماويه ويبقى لها اثر أحسن شىء طريقة منال العالم ليموون وملج خشن تفركينه فيه وبعدها تغسلينه بماى حار وسلامتكم

 

[ونه]

انا استخدم اللي يجي نوعه زجاج حددددده حلووووووووووو
تنظيف ولا اسهل

 

[توتيه]

انا استخدم وحده للحوم وحده للخظار الخظار اغسله عادي بالماي والصابون بس مالت اللحوم اصب عليها كلوركس وخليه شوي وبعدين اغسله بصابون وديتول شوي

 

[سكر-نبات]

عندي لج فكره
انا شريت ملوين من ايكيا واحد ابيض للخضار ولاحمر للدياي والازرق للحم
المهم عقب ما اخلص منهم اغسلهم عدل بماي وكلوركس واخليهم ينشفوون بالشمس احطهم بدريشه المطبخ
الشمس والهوا احسن شي لهم ينشفهم عدل بعدها احطهم بغسالة المواعين
لاني اوسوس من هالسوالف واهم شي النظافه

 

[karamella]

مشكوووورين بنات ماقصرتو
وبشتري الزجاج