شلون انظف ملابس ولدي ؟!؟!؟!

[q8 nono]

هاي

بنات ابيكم تساعدوني
انا ولدي عمره 3 اشهر و اهو واااايد يرجع ملابسه البيضه انقلبت صفره و ذابت كثرالغسيل

و انا استخدم صابون لينور مال الاطفال بس ما احس ان ينظف !!!

ابيك رايكم شنو استخدم صابون ينظف و ريحته حلوه و يلين الملابس ؟!؟!

ويعطيكم العافيه

 

[اخت الغالي الغائب]

فيه صابون مادري شسمه عليه صورة بيبي وايد ينظف ومايجيب حساسيه واستخدمي صدريات فوق ملابسه على طول

 

[نطوووعه]

حبيبتي نصيحه البيبي بهالعمر بشرته وصدره حساس لاتحطينله ملينات لينور و داوني و كومفورت غلط ترى بس غسلي هدومه بصابون اليهال البودر في كذا نوع انا اخذ واحد وردي عليه رسمه بيبي و فيه وردي اغمج منه هم عليه رسمة ويه بيبي

 

[ام حمني]

يا الغاليه ... الصابون العادي مو زين على البيبي يسبب له حساسيه و حكه ... في صابون لونه وردي و عليه صوره ياهل لابس كبوس وايد وايد زين ... اهو انتاج الماني على ما اعتقد و تلقينه بالجمعيات في منه بودر و في سائل انا حق ولدي حمني ما استخدم الا هالصابون و عجيب لا يغير لون الملابس و ريحته طبيعيه و حلوه ... و الله يحرس لج عيالج من كل شر

 

[الفرس الاصيل]

يا الغاليه ... الصابون العادي مو زين على البيبي يسبب له حساسيه و حكه ... في صابون لونه وردي و عليه صوره ياهل لابس كبوس وايد وايد زين ... اهو انتاج الماني على ما اعتقد و تلقينه بالجمعيات في منه بودر و في سائل انا حق ولدي حمني ما استخدم الا هالصابون و عجيب لا يغير لون الملابس و ريحته طبيعيه و حلوه ... و الله يحرس لج عيالج من كل شر

ام حمني ما ينفع جذي..

لازم انعرف شسم الصابون.. مو كفاية انه وردي و فيه ياهل لابس كبوس

 

[q8 nono]

يعطيكم العافيه و مشكورين على ردودكم و انا عرفت الي قلتو الي قلتو عنه جنه اسمه فيليت او شي جذي ...

تسلمون على الردود