شلون اوقفها عند حدها بطريقه ذربه ؟؟

[أم هنونه]

هل صدف انج تعرضي للتدخل في شؤونج الخاصه من اشخاص لا تربطج معاهم غير الزماله السطحيه :eh_s(4): مجرد جلوسج معاهم يبدي التحقيق في جميع امورج الحياتيه والخاصه وتناقشج بعد وترادد كانه هالشغله تخصها ما تخصج :eh_s(2): وياليت اللي تبي مصلحتي لا كل همها بلاغة الشف وتدور لها حجوها تنوقلها بين الموظفات :eh_s(10): مع العلم اني مو مطيحه الميانه مع هالشخصيه بس ماني عارفه شلون اوقفها عند حدها بطريقة ذربه.. تعتقدون تستاهل اني اكون محترمه وذربه معاها

 

[є 3 τ и α q]

- اناَ مَ يقهرني الا اللي تدخل عمرها بَ كل صغيره وكبيره ..
يعنيَ م عندها اي احترامَ ل خصوصياتتَ غيرها .. وتأخذ وتعطي كآنها من اهلي


اذا تبين نصيحتي حطي حدودَ
ولا تلزمينَ نفسكك ب الرد عليها حتى لو الحتتَ ..


يعني لو سألتك عن حياتي قولي طيبةةَ وحمد لله مرتاحه
واذا كررتَ السوال ردي عليها بنفس الجوابَ ...


صدقيني راحَ تحس انها / تعدتتَ الحدود ..


_


لكنَ مآهي مسأله انها تستاهل ولآ لآ ..
انتِ افرضي هالشي عليها .. وحسسيها انكَ ترفضين هالنوععَ من التدخل في الخصوصيهه ..

 

[Perfume]

حبيبتي ردي على اسئلتها بجواب مختصر يعني كلمة وحدة بس يمكن تحس
واذا ما حست ومصختها قوليلها سوري هذي خصوصيات ماقدر اتكلم فيها
في ناس ماتنفع معاهم الذرابة

 

[Perfume]

حبيبتي ردي على اسئلتها بجواب مختصر يعني كلمة وحدة بس يمكن تحس
واذا ما حست ومصختها قوليلها سوري هذي خصوصيات ماقدر اتكلم فيها
في ناس ماتنفع معاهم الذرابة

 

[بنت الاجواااد]

شكووو تسأل وتتدخل بعد !!!!!!!!!! عادي عطيها بوجهها ماتنفع الذرابه مع هالاشكاااال اذا سألتج عن شي يخص حياتج وقامت تكرر السؤال
قولي لها هاذي خصوووصيات ماعليج منها
يااااكررررهي لهنوووعيه

 

[ملوكـه]

الذرابه مع الناس الذربه
اما
اللي لسانها طويل وقفيها عند حدها
شكو تسألج عن حياتج وانتي بعد مو مقصره معاها تردين على كل شي
اللحين صارت الطيبه
واللي على نياتها ياكلونها الهيلق باأسئلتهم وتحقيقاتهم

 

[أبلة فاتن]

هذا السبب خسرني كثير من الزميلات اهيا تشوف نفسها انها قاعده تتعرف عليج بهالاسلوب او تتقرب منج هذا صار معاي

بالضبط مع البنت ذكرت مره برد عنها تمصخها واكثر هالتصرفات الدفشه تجي من الحريم المتزوجات سوري مع احترامي

للكل بس وايد ياخذون راحتهم جنها قاعده فبيتهم عكس احنا البنات يشغلنا اسلوب الاتيكيت او نحط حدود لنا بينا وبين الناس

اللي معاي طالبات بالجامعه دفاشه وحتى اللي متغطيات وايد ياخذون راحتهم همن على عيني وراسي كلهم بذات منقبات

الي تعاملت معاهم مادري شلون على بونه محد يشوفها تاخذ راحتها بالحركات والتصرفات تقعد تخز ومدري شتسوي

اتكلم عن تجاربي الشخصية بالنهاية شلون اوقفها عند حدها اقولها بوجهها لو سمحتي اسأله شخصية ما احب

وكذلك في سؤال تحرجينهم فيه ذرب وحلو : اذا قالت لج مثلا شنو عايلتكم ؟

يهمك تعرف ؟؟ ههههههه

 

[brettey]

والله نفس الي بدوامي قطع
بس انا اجعمهم
اخر شي قلت لمسؤولتي قولي لهم لا يتدخلون بخصوصياتي وقالت لهم محد له شغل في بريتي لا تسالونها عن خصوصياتها
نصيحتي اشكرؤه قولي لها رجاءا ماحب احد يتدخل بخصوصياتي
تزعل ولا بالطقاق

 

[a7la-elbanat]

ردي على قد السؤال لا اكثر واذا اسألتج وايد وحبت تتليقف ردي عليها بسؤال مثل انج تقولين لها
يهمج هالموضوع وايد ؟؟

وشوفي رد فعلها وبالنهايه انتي بدورج قللي كلام عشان ماتفتحين مجال معاها انها تسولف يعني السكوت من ذهب

 

[شوشو الشقيه]

يعتمد على اسلوبج انتي ما في شخص يتجرا يسالج
الا اذا انتي مطيحة الميانه معاها
يمكن اسلوبج واايد تاخذين وتعطين معاها
خلي كلامج معاها كل ما قل الكلام احسن
هي بروحها بتوقف اسئلة

 

[JANAA]

تدرين بعد عشرة عشر سنوات بالدوام عندي وصداقات اخدت قرار باني اكون لوحدي وفعلا ريحت راسي من الكلام والمناقشات الي تفتهم غلط باغلب الاحيان او تلاقي القسم التاني يعرف الاخبار او اذا اتسالتي وما جاوبتي بتخاف من الحسد والهين علي شنو شنو شايفه نفسها فلاحسن صباح الخير يا جاري انت بحالك وانا بحالي والله افضل 100 مره .

 

[Dr.Nouf]

لما تسإلج سؤال شخصي ماتبين تجاوبينه .. ردّي بذرابه : ماحب اسأل احد اسإله شخصية .. لاني انا بعد ماحب اتكلم او انسإل عنها!

وانشالله تفهم :d

 

[fofo90]

الله يعينج
اذا تدخلت بشي شخصي قوليلها مالاداعي تعرفين
او هذا شي يخصني مااحب احد يعرف واكيييد بتحس على نفسها

 

[جوك احلى جو]

الداوامات اذا ماحطيتي لج سياسه من اول ماتتوظفين راح تبتلشين بجميع النماين نصيحه لاتقعدين باليمعات الا بمناسبه فقط لا غير

كثرة الجمعات والقعدات ماوراها غير المشاكل وعوار الراس قعدي بمكتبج تقل مشاكلج

في ناس تردين عليهم رد صريح بس علي غشمره اهنيه الذكاء

في ناس توقفين لقافتك بسوال

وفي ناس تردين عليهم برد مختصر مقتظب

وفي ناس ممكن تردين عليهم بابتسامه يعني انطمي

 

[دلوعة أبوهآ]

عطيهآ بوجههآ ووقفهآ عند حدهاآ ,,

 

[ماركة انثى‘]

عن نفسي وقفها عند حدها

 

[سالم الروح]

رايي مثل راي د.نوف

 

[قموووره]

حبيبتي يعتمد ردج على نوع الاسئله ؟؟؟ واذا ما تبين يصير سوء فهم او خلاف بينكم لا تعطينهاالجواب الشافي خلي ردج بكلمه ولا بكلمتين يعني تتفتحيلها مجال تتعمق وايد وهم من ضمن السوالف بطريقه غير مباشره فهميها انج ماتحبين اللقافه والبنات الي يدخلون نفسهم بامور ما تعنيهم وانج من النوع الي يطول باله مع هالنماين بس اذا مصخوها بتدقرينهم
يكني يكون الكلام مو مباشر بس افهم يا فهيم​

 

[‏ڝڋٸ ٵڸڪٿہـآڻ]

ي ترجعين تسألينها نفس السؤال اللي سألته أو تقولين لها ليش تسألين ؟! يعني اقلبيها عليها أحسن أو طالعي فيها ماكأنها تتكلم وكملي شغلكـ وبتفهما وتروح ..

 

[* ليــــدي *]

قوليلها شغلات خآصه ماقدر اتكلم فيها ..

انا بالدوام تصادفني هالنوعيات واقولهم اشكره امور خااااصه واقعد اضحك من باب الضحك واهما يفهمونها ..

عادي سهالات