شلون تبخرين بيتج وتتم الريحه ؟

[حرم الصياد]

قووه يااحلوييين
بليز طلبي سهل < للي دايم تبخر وخبره بالعطورات < عشان الكل يرد لوول

لا صج ولله الله يعافيكم
شلوون ابخر الغررفه واخلي الرييحه تثبت .. ابغي اسم بخوور ثااابت والريحه ماتروح بسرعه

للمعلوميه انا غرفتي فررش وفيها ستاره<< لوول يمكن اسهل عليكم عشان تخبروني شلون اعطرها وابخرها :eh_s(22):
انزين يلى الله يعافيكم علموني شلون .. انا لبخرت احس الريحه ساعات وترووح ماتظل وقت طويل

راس مالي غرفة بليز لاتطنشوون ابغي الي يدخل يدوووخ :eh_s(22):

 

[زيتونه مرت باباي]

والله مااعرف بالبخور .. امي اللي تشتري .. ولو ييت ابخر .. اخذ مرش حلوو وارش وانا ابخر ..
احس ان الريحه اتم موجووده ..


وفي طريقه ثانيه ..
اذا عندج سراميك بالبيت .. حطي جم قطره من دهن العود بالماي ومسحوا الارضيه الريحه رااح تكوون حلووه ..
وتم بعد ..

حبيت افيدج ..باللي اعرفه ..

 

[aseman]

اب اب

 

[حرم الصياد]

يعطييكم العافيه حبااايبي على ردكم وعسى الله يررفع من قدررركم

اف شدعوه وباجي البنات مايبخرون بيووتهم !

 

[عنووشه]

حبيبتي

رشي اول شي عطور البخاخ مثل ليله خميس او كلونيا اشرقت

وبعدها بخور


وحطي لج شموع معطره وفواحات



وربي لا تدوخييييييييين


انصحج بشموع زهور الريف قويييييييييييه الريحه عن تجربه

 

[كتكوته غنوجه]

حبيبتي على حسب ريحه البخور ونوعه بس بناااااااااااااااات
جربوا بخور اسمه
درهم
خياااااااااااااااااااااااااااااااااااال

 

[كلنا عشاق لكن]

كتبت لج رد وطار
شوفي الله يسلمج يعتمد على كمية البخور إذا معدود أو وافر
ولو تبينة يترس المكان حطي المبخرة ع الأرض دقيقة أو دقيقتين بالكثير هذا يملي المساحة ويثبتة أكثر
عكـ س لما يكون على طاولة أو تسريحة بيرتفع للنص الفوقاني أكثر شي
فما يكون بحدود الشم ومن جذي إتحسينة مايثبت :bbbiu:
وعندج بودرة السجاد المعطر رشيها ربع ساعة -أو 10 دقايق وبعدها مرري المكنسة الكهربائية عليها فضيعة وتغني عن البخور
وفية بعد أنواع كلونيات ومرشات إترشين منها قبل البخور بثواني إثبتة
وشفتي طريقة محلات العود والعطور اللي كل إشوي يتشتشوون هههه هذا اللي إمخلي محلاتهم
حديقة إمعطرة طبقيها وشوفي النتيجة بنفسج
​

 

[الشوق والغلا]

يعطيج العافية

 

[الأميرة جوري]

مشكورين

 

[om-s3oodi]

جربي .. عود الحرمين .. من عطورات الحرمين و بتدعين لي ..

خطيييييييييييير ..

ويوم أتحطين البخور .. حطي معاه كلونيا .. أو مثبت بخور ..

آنا يوم أبخر الشقة كلها .. أحط المبخر آخر شي بالنص .. يعني في الممر .. وأخليها تتشرب بخور عالراحة ..

وشبي فواحات همن ..

وبتتم الريحة إن شاء الله

 

[قدســـاوية]

جربي معمول حنان من العبدالمحسن

وقبل لا تبخرين مسحي الارضيه والطاولات تثبت ريحة البخور

ولا تنسين ترشرشين من الخلطات قبل وبعد وثناء التبخير انا اسوي جذي

وسلامتج


اللي قالت معمول درهم مادري دراهم نم وين هذا احصله وبجم؟؟؟


انا تدرون ابخر بشنو بس مو حق كل وقت بس حق وقت الحمسات والسوالف

يعني انا مو ساكنه بروحي فالبيت وانا بالطابق اللي تحت والمطبخ الرئيسي تحت

ولما يسوون اي شي اتييني ريحته وييييييييييييييع والله اقعد من نومي بسبة ريحة

البصل والثوم والحمسات الخايسه الله يديم النعمه اووووووووووووووف

فالفحم راااااااااايجح راااااااااااااد راااااااااايح رااااااد اوف تعب واستهلاك والله

المهم حق هالشغله اشتري معمول المسني من الحواي بدينااااار واحبه حلو

وعلى هالروايح اللي تييني من المطبخ كل شوي ببخر بالغالي بفلس من اول اسبوع

لا تشمينه من قريب حطيه بعيد وشمي ريحته والله حلوة بس انا حق التبخر المعتاد

وقبل لا ايي ريلي من الدوام او النادي او شي ابخر بمعمول حنان حلووووووووووو

 

[أنفاسي دخون]

دام دارش سجاد مو سيراميك الريحه بتثبت عدل بس انتي رشرشي المشعل على الكفر والسجاد والستاير وشغلي الفواحه واحلى شي الي من زهور الريف وحطي بخور >> انصحش بالمعاريس من امل الكويت ومبخر من اجمل

 

[انوثتي اهم شي]

لرفع

 

[زبدة ككاو]

شووفي حبي
هالطرريقة بتخلي البخوور لي ثااني يووم
رشرشي كلونيا اشررقت من اجمل هذي روعاااا بس اخذي القديمة
ترى صج زووغاا علبه كبيرره تبقى عندج فتره يمكن فوووق الـ ٦ اشهرر ومعااها مررش سعرها ١٢ ديناار
بسس احسن رشيها مع البخور يعني المبخر بإيد والكلونياا بإيد
والبخوور انصحج برااقية من الحررمين بس اذا تبين الريحة قوويه كثريه منه
بجذي بتبقى الرريحع لي باجرر
اذا تبين الرريحه تظل مع المكيف ، بطلي المكيف واخذي اللي داخلهاا ما ادري شسمهم
وغسليهم وعقب رشرشي عليهم كلونيا اشرررقت
واخرر خطوووة عشاان الرريحه تصير على نظاافة اخذي كومفورت مع ديتوول ومسحي فيهم الطووفه والطااولات والسرير ع الجنب ومن فوووق
اي واذا تبين معطر فراش عندج اكوا البنفسجي ررررهيب صج صج خياالي
طبعاا انا موسوعة تعطيرر اذا تبين بعد قووليلي ومايصيرر خاطررج الا طيب

 

[بواسم]

انصحج بخور امل الكويت المعاريس لا يعاى عليه وايد حلو

وتذكري لما تبخرين لازم علشان البخور يثبت ترشين من المرشات

اي نوع من الرشوش لان الرطوبه تثبت البخور انا اخذ اما اكوا البنفسجي

اورشا من الشايع ولما تبخرين سكري باب الغرفه وفتحي الكبتات

ورشي على السرير من الرشوش وخلي البخر بالارض بالنص

وتركي البخور شوي وبعدين طلعي البخور وسكري باب الغرفه علشان لا تروح الريحه.

 

[gmar al-kuwait]

دشي هذا الموضوع وادعيلي
http://www.q8yat.com/t861242.html

 

[Hadawii]

يعطيكم العافيه

 

[ام كوثر2007]

ما قصروا البنات يزاهم الله خير .

 

[بنت الاحلام]

اول شي انا امسح كل شقتي وعرفتي وانظفهم والطاولات والارضيه والسرميك امسحهم بداك وديتول

واخر شي اشب فحم واحط بخور مبثوث الشيوخ من العربيه قوي وشتوي

واجيب مرش اي مرش ترتاحين له اشرقت او كيفج انا اسوي مرشاتي بنفسي وارش الارض والزوليه والفرش كله واخلي الفحم واسكر الغرفه
وابطل الكبتات واحد واحد واحط داخلهم المبخر من فوق المبخر مالي مسكر من فوق حمايه وارش مرش

والادرجات وكل شي

واخر شي الغرفه كامله وكل ما ابطل كبت تطلع لي ريحه بخور تهف

حتي زوجي استانس كل ما بطل كبت تفوح عليه ريحه عطورات وبخورات

وبعد الدشاديش بعد الكوي ارش عليهم عطر ومرش وابخرهم تثبت فيهم الريحه عدل مدل

 

[manoooram]

بعد ما أنظف شقتي بالكامل من مساح وغيره
أحلى شي بخور أمل الكويت - الدر المنثور - الفودري
واذا من بعد أكل أبخر البيت بمعول عود معطر من الحرمين أو أجمل للأسف تصنيعه بس للسعودية أتعب وأقول اينن
وفي واحد أتعامل معاه كان يشتغل بالقرشي قبل وااااايد حلو بخوره
وأنا أبخر أرش مثبت البخور من أجمل