شلون تبييض الغترالبيضاء

[noooor]

بنات الله لا يهينكم شلون اغسل الغتر اخليهم بيضاء يلقون اذا صوفروا

 

[@فوز@]

في عندج بالجمعيااات شغله يسمونها نيل اهي لونها ازرق من بره ومن دااااخل
تحطين بالماي شوي جم نقطه والماي واجد ةبعدين اتحطين الغتره وتخلينها يوم او اقل
وديري بالج لاتصبين النيل على الغتر بالضبط حطيها بالماي وحوسيه بعدين حطي الغتر
واكرر واقول حطي شوي منها لانها زرقه حيل

 

[**بياض الثلج**]

انا احط فانيش او كلوركس عجييب الفانييش

 

[قبيطه]

والله حطى الفانيش وادعيلى انا فاكه عمرى حت الكحافى والدلاقات البيض يصيرون جنهم يدد واطراف المكسر والله بدون فرك ولاتعب

 

[noooor]

مشكوووووورين حبايبي على الردود وما قصرتم . جربت الفنيش وجاب نتيجة حلوة .

 

[شقرديه]

حبيبتي استعملي كلوركس

 

[غير كل الناس]

بعلمكم طريقه تخلي الغتره تلق لق كانها جديده


لازم يكون عنك جدر خاص للغتر


تحطين فيه ماي من الفلتر وتحطين تايد وشويه نيل ازرق لاتكثرين كم نقطه بس وكم نقطه كلوركس وتخلين الماي يحتر وقبل لا يغلي تحطين الغتره ويخلينها تغلي غليه وحده وعقب طفي النار وخليها 5 دقايق وعقب طلعيها واشطفيها بماي فلتر بعد واعصريها لاتدخلينها النشافه ونصيحه قبل لاتعطينها ابو العيال بخريها طبعا بعد الكوي واخيرا دعواتكم لمريوووووووووووووم

 

[smily]

اختي نقعي الغتر في فانش و بعدين غسليهم بإيدج مرتين و سبيعهم من الصابون تالي حطي النيل شويه لا تكثرين الأحسن تغلفينها بقطعة قماش أو شاش و تبللينها تالي تعصرينها بس ديري بالج لا تعصرينها مباشر على الغتر ديري بالج ترى كثرته مو حلوه ابد تالي حطي غترة غتره و سبعيها على السريع وبس

 

[وافية*]

غير كل الناس بجرب طريقتج انشاللة
وعسى اللة يشفي مريومة ويخليها لكم يااااااااااااااارب
(اللهم رب الناس ,,,اذهب البأس عن مريم,,,,اشفها انت الشافي,,,لاشفاء الا شفاؤك,,,شفاء لايغادر سقما,,,آمين)

 

[بنت رؤس القبايل]

حبيبتى شووووفى غسلى الغترة ونشفيهاااااا ,,,,


وتكونين مزهبه سطل فيه ماااااى وحطي فيه نيل شوووويه واذا خلصتى من الغترة وغسلتيهااااااااا مرريهااااااااا على النيل وغسلى الغترة بعدهاااااااا وردى نشفيهاااااااااااا وبس تنشف ضربيها اوتى وان شاااااااااء الله تلق


هذى صووورة النيل يالغلا صووورته لج عشااااااان تعرفينه لانه مو مكتوووب عليه نيل ,,,,

 

[noooor]

لا خلى ولا عدم كويتيات مشكووورين . يارب تشفي مريومة آمين.