شلون تتسوقون ...........تتشرون من السوق؟؟

[**فلونه**]

قوه بنات شلونكم شخباركم


شرايكم انسولف عن طريقه تشرينا و طريقة صرفنا للفلوس ونتناقش بالموضوع ونفيد ونستفيد



بنات ياليت كل وحده تقول لنا عن طريقه تسوقها :-

يعني هل انت من النوع اللي اذا استلم المعاش اروح السوق ويصرفه مره وحده ؟

او انج تصرفين الفلوس على دفعات ؟؟


وهل انت من النوع اللي يشتري الشي لمجرد سعره وماركته ؟؟

ولا انت من النوع اللي يفكر اكثر من مره قبل لايشتري ؟؟


تشترين الشي اللي محتاجته ولا اي شي يعجبج ؟؟


تحطين قائمه بالاشياء اللي راح تشترينها أول الشهر ولا عشوائي ؟؟


تبدين نفسج على عيالج و لا العكس ؟؟


من الممكن انج تصرفين المعاش بيوم واحد على جنطه مثلا ؟؟


بنات ابي مشاركاتكم بكل صراحه ...............واتمنى الموضوع يعجبكم وتتفاعلون في معاي

 

[حبنا الله عليه]

رد : شلون تتسوقون ...........تتشرون من السوق؟؟

مممممم خوش موضوع حببيتي **فلونه**

وهالموضوع شجي بدرجة لأن المعاش فعلاً ما ...... عاش
خل افند أسئلتج <<<< دخلت جووو

عمري ما عرفت اوفر ... صح طريقة صرفـي للمعاش بدفعات بس اطيره يعني اطيره
عندي اكثر من شغله غير السوق
احب خرابيط الجميعة كل شيء جديد اجربه ولاتنسين المكتبه اسبوعياً لازم اروح لها
يبقى السوووووق
طبعاً من الله خلقني مااعرف اخلي شيء بخاطري وللحين هالطبع فيني
ورغم انه يريحني بس موشيء لو اشوف شغله ما آخذها تصير بقه بقلبي ، وعن سالفة ماركه مو كل شيء بصراحه ماركه ، والحين ياحظي سوقتنا حتى اللي بوطقه غالي .

أما سالفة افكر قبل لا اشتري ما ادري شلون بالضبط انا اروح اشتري الضروري واللي يعجبني كذلك بدربي اشتريه وقراراتي سريعة ماشاء الله بالمشترى ، وشرايج الحين شاريه للعيد وخالصة بس في كذا شغله برد وآخذهم بس يخلص اسبوع العيد مامداني اتنقى بهالزحمه ​

 

[نفيشه]

رد : شلون تتسوقون ...........تتشرون من السوق؟؟

اممممممم موضوع يثير الشجون فعلا ويغرف القلب
انا ما عندي كنترول على سالفة الصرف هذي
احس اني مسرفة بشكل مو طبيعي
بس لو شنو ما ابدي نفسي على عيالي بالعكس والله اهم راس المال
و طلباتهم اول واحب اونسهم كل يوم امر فيهم الجمعيه ولا محل العاب ولا العبهم بالسوق
وارجع عالحديده ما اقدر اقول لهم لا
وانا بعد ما ابخل على نفسي بعود كلش
و احس اني بائسة لو عجبني شي وما شريته
واحب التجديد والتغيير بين فترة والثانية
ولا قلبي يحكني اذا ما مريت السوق سواء لي او لليهال
المهم اني ارتاح لما ادلل نفسي بالمشترى

 

[**فلونه**]

رد : شلون تتسوقون ...........تتشرون من السوق؟؟

نورتوا الموضوع حبايبي ................وعلى فكره ماكوا مره بالعالم ما تحب السوق بس الفرق اللي عندها اراده وتقدر تمسك نفسها واللي العكس ...............يالله بنات كملوا عشان اناقش الموضوع اكثر

 

[xxx]

رد : شلون تتسوقون ...........تتشرون من السوق؟؟

مشكورة فلونه على الموضوع الحلوووو

بنات ياليت كل وحده تقول لنا عن طريقه تسوقها :-

يعني هل انت من النوع اللي اذا استلم المعاش اروح السوق ويصرفه مره وحده ؟
اول شي ادفع التزاماتي والي ييقى من المعاش اشوف شسوي فيه

او انج تصرفين الفلوس على دفعات ؟؟
اكيد على دفعات مو اصرف المعاش كله واطر اخر الشهر

وهل انت من النوع اللي يشتري الشي لمجرد سعره وماركته ؟؟
لا بالعكس الماركه ماتهمني ولا السعر اهم شي الذوق

ولا انت من النوع اللي يفكر اكثر من مره قبل لايشتري ؟؟
ولا هذي انا اذا رحت السوق وشفت شي عجبني على طول اشتريه


تشترين الشي اللي محتاجته ولا اي شي يعجبج ؟؟
عيبي اني اشتري اي شي يعجبني حتى لومحتاجته


تحطين قائمه بالاشياء اللي راح تشترينها أول الشهر ولا عشوائي ؟؟
دايما احط قائمة علشان ما انسى شي بس لازم ازيد على القائمه


تبدين نفسج على عيالج و لا العكس ؟؟
عيالي اول شي بعدين انا


من الممكن انج تصرفين المعاش بيوم واحد على جنطه مثلا ؟؟
سويتها جم مره

 

[**فلونه**]

رد : شلون تتسوقون ...........تتشرون من السوق؟؟

صارلي جم شهر امسويه هل طريقه ...........أشتري على دفعات يعني الاشياء اللي احس انها عاجبتني و مهمه وما تتطوف اخذها اول ما اشوفها مثلا جاكيت عجبني وانا ما عندي هل لون او الموديل من قبل وادري اني راح البسه ويمكن اذا ما شريته بيطير وخلص اخذه ..........عشان لا يصير بخاطري واتحسف.


وفي اشياء اشوفها وتعجبني بس احس انها موضروريه اني اخذها اللحين يعني لوهديتها ورجعت لها بعد سنه بتكون موجوده ماراح اطير اخليها و اخر الشهر اذا مريت السوق ولقيتها وعندي اشتريها مثل العطورات والمكياج يعني متوفرين بالسوق بكل وقت .

 

[xxx]

رد : شلون تتسوقون ...........تتشرون من السوق؟؟

هالطريقه زينه

انا اسويها اذا فكرت بشغله اقول لا مو لازم

بس اذا رحت وشفتها اشتريها حتى لو على الفيزا

متى يتغير هالطبع

 

[**فلونه**]

رد : شلون تتسوقون ...........تتشرون من السوق؟؟

والله هل فيزا ادمان ويبيلها موضوع بروحه

 

[xxx]

رد : شلون تتسوقون ...........تتشرون من السوق؟؟

والله الي عندي من بيت التمويل زينه وتنفع للزنقات

 

[**فلونه**]

رد : شلون تتسوقون ...........تتشرون من السوق؟؟

يالله بنات شاركونا بالموضوع

 

[xxx]

اي والله بنات وينكم ؟؟؟

 

[**فلونه**]

رد : شلون تتسوقون ...........تتشرون من السوق؟؟

اشدعوه ما عجبكم الموضوع

 

[xxx]

رد : شلون تتسوقون ...........تتشرون من السوق؟؟

اي والله وينكمممممم

 

[**فلونه**]

رد : شلون تتسوقون ...........تتشرون من السوق؟؟

بس زعلت منكم ...................خلاص لحد اراضيني ........قلتلكم خلاص بروح بيت اهلى

 

[أنا وين ؟؟]

رد : شلون تتسوقون ...........تتشرون من السوق؟؟

وي وي وي كلش ولا فلونه

انا توني اشوف الموضوع ... الله يسلمج قبل لا اتزوج كنت اصرف اصرف اصرف بهبل لالالالالا وكلا ماركات بس طبعا مو خلاجين لأ كنت انقي الأشياء الحلوه لازم بعد تدرين كلية التجاره يبيلها ميزانيه بروحها من شانيل لي موسكينو لي لوي فيتون وديور ... سواء ملابس او جناط او تكرمون جواتي وهالشي على طوووووووول

بس سبحان الله من تزوجت من الله ماقامت هالأشياء تهزني صج لي الحين استمتع لما ادخل بوتيكات الماركات واشتري بس مو دايم وما صرت اتلهف على الشراي نفس قبل ... يمكن لأن اهتماماتي تغيرت وتفكيري تغير

اما حق بناتي ... يالهوييييييييييييي ياما وزعت ملابس صغرت عليهم باليبل مالهم وما انلبسو ...ومازلت اذا لقيت لهم شي وعجبني آخذه يعني آخذه

 

[**فلونه**]

رد : شلون تتسوقون ...........تتشرون من السوق؟؟

مشكووووووووره أنا وين على تشريفج لنا بالموضوع ............واااااااااي السوق صج مغري بس مثل ماقلتي التفكير يتغير والاهتمامات تقل ويمكن تزيد عن اول


مثالا البنت قبل الزواج اهتماماتها غير عن بعد الزواج .........قبل الزواج اهم شي الكليه او الدوام وبعد الزواج عيال و مسؤليه وبيت ..........وستقبالات و توجب ..........وغيره وغيره وغيره ...الخ

وليس كل مايتمناه المرء يدركه ..........يعني في شي عاجبني و قادره اشتري بدون لااضغط على الميزانيه ...........ماعلي علي بالعافيه .............بس شي عاجبني وفوق استطاعتي ويمكن ادهور الميزانيه أو امحيهاااااااااااا واقعد طول الشهر امفلسه او مدينه لا وألف لا

والقناعه كنز لايفنى .

 

[roro]

رد : شلون تتسوقون ...........تتشرون من السوق؟؟

ادري الموضع طاف عليه وقت بس ودي اشارك فيه

انا عن نفسي احب الحسبه يعني احب احسب عدل ودايما تلقين الاله الحاسبه معاي او بالتليفون احسب

احب اضبط ميزانيتي عدل بحيث اقدر استانس صح
اول شي الالتزامات والاولويات وبعدين اتفرغ حق وناستي
واايد اشيا ء تكون بخاطري واثبت عليها ومن تصير لي فرصه اخذها
واذاما خذتها اقول يمكن خيره والله ماكتب هالشي من نصيبي على طول اقول جذي عشان مااعور قلبي

طبعا انا طبعي متقلب احب اصرف واحب احسب الميزانيه مو بخل ولا فقر الله يكفينا شرهم بس عن جد احب كل شي مضبوط

واحسب كل شي على ورقه وامشي عليه واذا لا قدر الله طلع طارئ ارد اعدل بالخطه

وفوق هذا هم نطلع برا الخط ونصرف

بس مااخلي شي بخاطري بس كل شي بوقته

 

[**فلونه**]

رد : شلون تتسوقون ...........تتشرون من السوق؟؟

حياج رورو بأي وقت حبيبتي الموضوع موضوعج ...........وطريقتج وايد وايد تعجبني و احسها وايد قريبه من طريقة صرفي ..........والله اوفقج ويسعدج دوم وبالعكس هذي الطريقه الطبيعيه عيل امش وصرف بدون حساب ...........وفرضا الله لايقوله صار ظرف طارء ويبيله فلوس اقعد اتسلف مادري احس السلف صج تلف ......

 

[جوريه]

رد : شلون تتسوقون ...........تتشرون من السوق؟؟

ويني عن هالموضوع توني اشوووووووووووفه فلتتتتتتتتتتتتته بصراحه ابدعتي فلونه بالتميز


بنات ياليت كل وحده تقول لنا عن طريقه تسوقها :-

يعني هل انت من النوع اللي اذا استلم المعاش اروح السوق ويصرفه مره وحده ؟
لا عمري ماحب اصرف الفلوس بيوم واحد على دفعات

او انج تصرفين الفلوس على دفعات ؟؟
احطلي ورقه وقلم واسجل شنو ابي هالشهر واحدد سعره واشوف جم باقيلي ودي يزيد للشهر الثاني بس مستحييييييييل تصير واصير مديونه بعد للفيززا خخخخخخخخ

وهل انت من النوع اللي يشتري الشي لمجرد سعره وماركته ؟؟
لا انا مو من هالنوعيه أي شي يعجبني اخذه مو مهم سعره ولا ماركته لو من المحاميد انشالله

ولا انت من النوع اللي يفكر اكثر من مره قبل لايشتري ؟؟
صج انا متردده بالشي تلقين اروحله يوم يومين بعدين اشتريه يعني يكون شاطره خخخخخخ
تشترين الشي اللي محتاجته ولا اي شي يعجبج ؟؟
والله اخذ المحتاجته واللي مو محتاجته بس عاجبني

تحطين قائمه بالاشياء اللي راح تشترينها أول الشهر ولا عشوائي ؟؟
انا احط قائمه وادري شباخذ بس هم تطلعلي مصاريف مني مناك وحده والده وحده متزوجه و عزومه او عيد ميلاد مستحيل شهر نفضى

تبدين نفسج على عيالج و لا العكس ؟؟
والله عيااااااااااالي ابديهم عني بكل شيييييييي بس هم ماقصر على عمري

من الممكن انج تصرفين المعاش بيوم واحد على جنطه مثلا ؟؟

ماصرف المعاش كله ادفعها بالفيزا واقسط عليها

 

[^SwEeTa^]

رد : شلون تتسوقون ...........تتشرون من السوق؟؟

مشكوره فلونه على الموضوع الحلو و المفيد

راح اثبته .. و اتمنى من البنات المشاركه

( انا ما عندي معاش بعدي طالبه .. بس الحمدلله ما علي قاصر )