شلون تتسوقون ...........تتشرون من السوق؟؟

[أنا وين ؟؟]

رد : شلون تتسوقون ...........تتشرون من السوق؟؟

أهلين فلونه ...
صاجه القناعه كنز لا يفنى ... وطبعا مثل ما قلتي اذا شي بيسبب خلل بالميزانيه أكيد ماراح اشتريه وخصوصا اذا كان من الكماليات

رورو ... مشالله طريقتج حلوه .. واكيد طريقتج ما تعتبر بخل بس انج ما تحطين الفلوس الا بالمكان الصح .. والعرات اللي تصير بره التخطيط اتوقع الكل يعاني منها .. ما اعتقد في أحد يلتزم 100%

 

[رفرف]

رد : شلون تتسوقون ...........تتشرون من السوق؟؟

هل انت من النوع اللي اذا استلم المعاش اروح السوق ويصرفه مره وحده ؟
والله انا ما اروح السوق علشان اصرف فلوسي بس لونزل المعاش وبنفس اليوم رحت السوق وعجبتني اشياء وايد اي والله اصرفه ... لأني متى مارحت لاسوق وعجبني شي اشتريه مو شرط على نزلة المعاش

او انج تصرفين الفلوس على دفعات ؟؟
سبق وقلت ان متى ماعجبني شي اشتريه سواء مرة وحدة او على دفعات

وهل انت من النوع اللي يشتري الشي لمجرد سعره وماركته ؟؟
لا مو شرط اللي يعجبني اشتريه غالي او رخيص بس مايمنع اني مرات اشتري الشي لأنه ماركة مثلا جنطة غالية لأنها ماركة ...

ولا انت من النوع اللي يفكر اكثر من مره قبل لايشتري ؟؟
مرات ومرات ... بس افضل اني افتر السوق اخذ جولة واللي يعجبني ارجع اخذه مرة ثانية اخاف القى شي احلى ... ومرات لا والله اول مايعجبني شي اشتريه اذا كنت متأكدة انه عاجبني يعني على حسب ...

تشترين الشي اللي محتاجته ولا اي شي يعجبج ؟؟
اي شي يعجبني ومحتاجته بنفس الوقت ....

تحطين قائمه بالاشياء اللي راح تشترينها أول الشهر ولا عشوائي ؟؟
لا عشوائي ... بس اغراض الجمعية احطلها قائمة ولي رحت اشتري دبلها

تبدين نفسج على عيالج و لا العكس ؟؟
لا والله ابدي بنتي على نفسي ...

من الممكن انج تصرفين المعاش بيوم واحد على جنطه مثلا ؟؟
لا .... ممكن اشتري جنطة غالية بمعاش واحد بس اذا ضمنت ان المعاش الياي بينزل مثلا اليوم او باجر ... يعني أحرص ان معاشي يكفيني وماطلب من احد وبنفس الوقت اشتري اللي خاطري فيه ...

 

[**فلونه**]

رد : شلون تتسوقون ...........تتشرون من السوق؟؟

يعطيكم الف الف عااااااااااافيه

جوريه .......مشكوره حبيبتي هذا من ذوقج

سويتا .............يعطيج الف عافيه على التثبيت

انا وين ............كلامج شغل عدل مدل

رفرف ............. يعطيج العافيه على المرووووووور وسالفت الجمعيه هذي بروحها يبيلها موضوع

 

[@ الرسامة @]

رد : شلون تتسوقون ...........تتشرون من السوق؟؟

وي انتو هني وانا قاعدة أدوركم ؟؟؟؟؟؟؟؟؟؟؟؟؟؟؟


عن نفسي قبل كنت مينونة سوق من ينزل المعاش طردي على السوق ونص الشهر ما عندي ولا فلس لا وتخيلو اروح اتسلف من ريلي ؟؟؟؟؟


اما الحين من بعد ما صرت ام قمت احسب وحاطتلي دفتر وقاعدة احط الميزانية فيه والحمدلله

 

[**فلونه**]

رد : شلون تتسوقون ...........تتشرون من السوق؟؟

هلا والله بالرسامه الحمدلله انج تغيرتي للافضل ........والله يرزق الكل على قد نيته انشاء الله

 

[معلمه متميزه]

رد : شلون تتسوقون ...........تتشرون من السوق؟؟

انا حاطتلي قائمه بالتليفون للاشياء الي ابيها ..

وكل شهر اشتريلي شغله مو لاني منظمه لاااااااااااااااا لان التزاماتي وخرابيطي ماتخلي من معاشي الا شي قليل فاذا ما صارت عندي مشكله بالسياره ولا عرس مفاجيء ولا مواجيب مني مناك ولا ولدي مريض وديه لعياده خاصه ... الخ ...واذا خلصت من هذا كله شريت حق روحي شي اذا بقى من الفلوس شي ..

بس والله بين كل شروه والثانيه لي اكثر من 4 شهور تخيلي تطوف علي الشهور ما اشتري لنفسي شي كله التزامات او شي مفاجيء يصير عندي ..

4 سنين اشتغل ما وفرت من معاشي فلس حمر ...

الله يعين معاشاتنا ما فيها بركه للاسف ...

مع اني اصد عن السوق بس الجمعيه واغراض ولدي ماكلتني اكال ..

الله يعينا ويباركلنا برزقنا امين ..

 

[**فلونه**]

رد : شلون تتسوقون ...........تتشرون من السوق؟؟

شكوره حبيبتي الغشميه والله صاجه الفلوس تخلص وانتي موحاسه والالتزامات وايد و الكويت وااااااااااااااااااايد غاليه و المعاشات ماتوفي شي .........شهر مكالمات بالميات ......شهر مخالفات ...........شهر عيد .......شهر ملابس الشته ........وشهر ملابس الصيف ..............شهر عرس .........وخلصت السنه وحنا ماخلصت اللتزاماتنا

 

[ديحانية+كويتية]

رد : شلون تتسوقون ...........تتشرون من السوق؟؟

اما بالنسبة لي ادفع التزاماتي وبعدين اتفرغ لنفسي مع انة اكثرة لعيالي
وبعض المرات يحوشني بخل موطبيعي لدرجة يصير عندي بو 100غالي
ومرات تقولون مافية العاب الا في فانتسي وويرد يعني مزاجية حتي بالصرف بس مايمر نص الشهر الا ادور السلف ياليت لاشياء ظرورية كلة خرابيط
والمشكلة الكبيري ماعرف اشتري شي كامل من كل محل قطعة وبالاخير اتوهق يهم وبعدين اقعد اتحلطة واقول شي لمهم شي لمهم

 

[ديحانية+كويتية]

رد : شلون تتسوقون ...........تتشرون من السوق؟؟

ادري بدليلتي واجد ومالي خلق ارد اعدل بس اعتقد وصلت المعلومة ههههههههههههههههههه

 

[sunshine22]

رد : شلون تتسوقون ...........تتشرون من السوق؟؟

انا اول شي


العيال ملزومين من ابوووووووووووووووووهم


يابنات تسنعو اشترو شغلات عاديه او عاجبتج بس الملابس ككل لعيالج لا تشترين


شخليتووو للرجال...........................؟ هذا اللي خربهم


انا معاشي لي

صج عندي التزامات واساعد زوجي بس من طرفي وطرف الخدامه

البنت واغراض الجمعيه ومصاريف البيت عليه هوووووووووووووووووو


انا نفسي فاكته منها وخدامتي يحمد ربه


ومعاشي مو كله اسحبه الواحد ما يضمن الزمن
اسوي استقطاع وادف لخدامتي واسحلب التزاماتي وبس

ان بغيت شي مهم<<<<بس شريته


لانه عرسي 2003 اخرررره وطالعه من فتره من النفاس وتجهيزي كله ماركات فماني محتاجه شنط ماركه ومو ماركه وملابس طلعه ودراريع وشحاطات بالوقت الحالي كلش
مااحب الفسقه انا

بس الشي المهم مكياج او مستحضرات تجميل او توجيب صديقه لي او للعائله

 

[بريق]

رد : شلون تتسوقون ...........تتشرون من السوق؟؟

سن شاين كفو والله .. كلامج عين العقل

منو اللي خرب الرجاجيل غير حريمهم .. بعدين لا طاح الفاس بالراس .. قاموا وحطوا وفلان سوا وفلان فعل وترك .. ما منه خير ولا فيه خير ............... ومن هالحجي ..

أقول هالكلام من واقع شفته .. مع اني مو متزوجة

خلي معاشج لج ودلعي نفسج ..

 

[نطوووعه]

مشاركة: شلون تتسوقون ...........تتشرون من السوق؟؟

لا والله الا ريلي يدف لبيته وعياله ولي انا بعد
مو يقولون منك الماااال ومنها العيااال؟؟ بس عيل

بس مو معناته انه كل شي عليه حرام جنه كسر خاطري <--- قلبها رهيفففف

يعني اذا بشتري شي غالي حيل حيل ومايسوى بس لانه عاجبني اشتريه من معاشي شكو احد الريال بعد ربنا وعرفناه بالعقل <-- ياعيني علي


ترى انا مو متزوجه بس عشت الدور لووول

 

[looloo]

مشاركة: شلون تتسوقون ...........تتشرون من السوق؟؟

ااااااااااااااه يالسوق شوفي اذا رايحه مع ريلي زين اشتري الضروريات لانه ياكل القلب بالسوق بس اذا بروحي استمتع بالسوق
وبعدين عيبي اني اشتري الشي بالمحل عاجبتني بس اذا رجعت البيت ما تعجبني ليش ما ادري
وطبعا عيالي ابديهم قبلي اصلا ما اعرف اشتري حق نفسي وحقهم بنفس الوقت اذا خلصوا افكر بنفسي

 

[حبيب قلبي]

مشاركة: شلون تتسوقون ...........تتشرون من السوق؟؟

اذا بتسوق اروح بروحى وما يكون معاى فلوس وايد لانى جم مرة اشترى اشياء مالها داعى وتطيح بجبدى بس العين خذيت درس وقمت افر السوق عدل بعدين ارجع البيت وعقبها بيوم اروح اشترى الى تم فى بالى بس اذا شفت شغلا بخاطرى حيل اخذها ما خليها

 

[طير الحب]

مشاركة: شلون تتسوقون ...........تتشرون من السوق؟؟

مشكورة فلونه على الموضوع الحلوووو

بنات ياليت كل وحده تقول لنا عن طريقه تسوقها :-

يعني هل انت من النوع اللي اذا استلم المعاش اروح السوق ويصرفه مره وحده ؟

انا معاش ماعندى ريلى يعطينى المصرف للبيت ولليهال وعاد انا كيفى

او انج تصرفين الفلوس على دفعات ؟؟

اكيد على دفعات مو اصرف المعاش كله واطر اخر الشهر

وهل انت من النوع اللي يشتري الشي لمجرد سعره وماركته ؟؟

لا بالعكس الماركه ماتهمني ولا السعر اهم شي الذوق

ولا انت من النوع اللي يفكر اكثر من مره قبل لايشتري ؟؟

ولا هذي انا اذا رحت السوق وشفت شي عجبني على طول اشتريه


تشترين الشي اللي محتاجته ولا اي شي يعجبج ؟؟

عيبي اني اشتري اي شي يعجبني حتى لومحتاجته


تحطين قائمه بالاشياء اللي راح تشترينها أول الشهر ولا عشوائي ؟؟

لا عالبركه


تبدين نفسج على عيالج و لا العكس ؟؟

عيالي اول شي بعدين انا لا وكله ناسيه عمرى


من الممكن انج تصرفين المعاش بيوم واحد على جنطه مثلا ؟؟

لا لا استحاله

 

[**فلونه**]

مشاركة: شلون تتسوقون ...........تتشرون من السوق؟؟

يعطيكم العافيه خووووووووووووش ردود


وعن تجربه أنا مشيت من فتره على طريقة الاخت اللي قالت اسجل الاشياء الضروريه بالتلفون .................ومشاء الله أشياء ماكنت اقدر اسويها لاني اكون مخططه لها بس لما اتي الفلوس أنساها و تخلص الفلوس وانا ماسويتها أو ما شريتها .........بس لما تسجلين بالتلفون وهوه كل مكان معاج ماراح تنسين الاشياء اللي محتاجتها ضروري أو بخاطرج وتبدينها على الخرابيط ......................

قبل كنت أكتب بدفتر و أنسى الدفتر وبعد سنه أشوفه ........سجلوا اللي تبونه بتليفونكم ترى خوش فكره

 

[خبيرة اعشاب]

مشاركة: شلون تتسوقون ...........تتشرون من السوق؟؟

اشتري اي شي جدامي الين تخلص فلوسي ...و لا رحت البيت اقطهم بكبت و ما استعمل نصهم ...صراحه الوحده لازم قبل لا تطلع السوق ما تاخد فلوس وايد و ياها و تحدد مسبقا شنهي الشغلات اللي تبيها

 

[ظلال القرآن]

مشاركة: شلون تتسوقون ...........تتشرون من السوق؟؟

يمشكووره على الموضوع خوش فكره

والحين برد على اسئلتج

عني هل انت من النوع اللي اذا استلم المعاش اروح السوق ويصرفه مره وحده ؟

لا طبعا اسحب 100 ورا 100 جذي

او انج تصرفين الفلوس على دفعات ؟؟

تقريبا

وهل انت من النوع اللي يشتري الشي لمجرد سعره وماركته ؟؟

مو لمجرد السعر بس وايد مغرمه بالماركات

ولا انت من النوع اللي يفكر اكثر من مره قبل لايشتري ؟؟

افكر طبعا بس ما اتردد يعني اروح المحل حاطه في بالي شنو بشتري وهناك اقرر وانقي

تشترين الشي اللي محتاجته ولا اي شي يعجبج ؟؟

ابدي الي محتاجته وبعدين الي يعجبني

تحطين قائمه بالاشياء اللي راح تشترينها أول الشهر ولا عشوائي ؟؟

لا قائمه لأ

تبدين نفسج على عيالج و لا العكس ؟؟

طبعا اعطي نفسي حقها وعيالي بعد بس مو من النوع الي اكشخ عيالي وابهذل نفسي انا اكشخ اكثر من عيالي

وبعد الصبيان ما اخسر عليهم وايد لأنهم اسم الله عليهم دفاشه ويحبون البران والبحر اتحسف يخربون ملا بسهم

الغاليه واشتريلهم بو طقه والعيد طبعا دشداشه وباجي الزوارات من ادمز او دبن هامز والبر الله يعافي سوق السالميه

اما بنوتي لأ عاد دايما ملكه الاناقه واغلب لبسها ماركات ومن كل لحظه وكيد ستور لأنها وحيدتي

من الممكن انج تصرفين المعاش بيوم واحد على جنطه مثلا ؟؟

الجناط حاطه لهم توقيت زمني يعني جنطه العيد لازم تكون ثقيله وغاليه جدا بس مو كل يوم يعني بالسنه اشتري

جنطتين يكلفوني 600 ويتمون معاي على طول واكرفهم مع ملوت السنين الي قبل

وبس وسلامتج وتعيشين

 

[الفرحه]

مشاركة: شلون تتسوقون ...........تتشرون من السوق؟؟

انا اول الشهر ارووووووح الجمعيه واشتري كل شي احتاجه يعني اشوف بنتي جم قوطي حليب تستهلك بالشهر واشترييييييييييييييييييه مره وحده اشتري يعني كل شي يكفيني حق شهر كامل ويزييييد .... بعدين عاد اشوف شنو الاساسيات الي ناقصه اعيالي... وخلي المعااااااااش يكفيني لي اخر الشهر واخر الشهر الشي الييييييييييييي زااااااااااااااااااااااد عاد ارووووووووووووح فيييييييييييييه السوق واشتري الي ابخااااااااطري كله لاااااه احاتي المصرف ينقص ولا شييييييييييييييييييييييييي ... انا هذ طريقتي اول شي اعيالي والي ناقصهم واخر الشهر الي يبقى خقيييييي ادلع نفسي فيييييييييييييه..... مع ان ريلي يعطيني مصرف الياهالللللللللللللللل ...بس كلا اخااااف يتقصهم شي

.............................
الحين برد على اسألتج
يعني هل انت من النوع اللي اذا استلم المعاش اروح السوق ويصرفه مره وحده ؟

لا اشتري الشي الي ناقص

او انج تصرفين الفلوس على دفعات ؟؟

احاول اخلي المعاااااااااااااش يكفيني لي اخر الشهر

وهل انت من النوع اللي يشتري الشي لمجرد سعره وماركته ؟؟
ولا انت من النوع اللي يفكر اكثر من مره قبل لايشتري ؟؟

لا قبل لا اشتري الشي اقلبها ابراسي يمين شمال واسوي حسبتي لاشفت شي زااااااااايد احتمال افكر

تشترين الشي اللي محتاجته ولا اي شي يعجبج ؟؟
طبعا الاولويه حق الشي الي محتاجته وبعدين عاد الي عاجبني

تحطين قائمه بالاشياء اللي راح تشترينها أول الشهر ولا عشوائي ؟؟
لااااااااه اكيد احطلي قائمه

تبدين نفسج على عيالج و لا العكس ؟؟

ما اعرف ابدي نفسي على اعيالي اول اعيالي والزااااااااايد لي

من الممكن انج تصرفين المعاش بيوم واحد على جنطه مثلا ؟؟

لا يمكن ايمع منه كل شهر جزء واشتري الجنطه ا.... مستحيييييييين اصرف المعاش ابيوم واحد على جنطه واحط ايدي على خدي طول الشهر احب اكون راهييييييييييه بالشهر كله يعني يخلص الشهر وانا عندي شي زايد

 

[MaYoOoma]

مشاركة: شلون تتسوقون ...........تتشرون من السوق؟؟

يعني هل انت من النوع اللي اذا استلم المعاش اروح السوق ويصرفه مره وحده ؟
لا مو مره وحده كله .. يعني تقريبا باسبوع او اسبوعين معاشي خالص

او انج تصرفين الفلوس على دفعات ؟؟
اي تقدرين تقولين على دفعات بس اخر اسبوع اكون مفلسه حدي

وهل انت من النوع اللي يشتري الشي لمجرد سعره وماركته ؟؟
لالالا بالعكس انا احب اشتري الشغلات الرخيصه اكثر

ولا انت من النوع اللي يفكر اكثر من مره قبل لايشتري ؟؟
لا انا ما افكر كلش لما اشتري

تشترين الشي اللي محتاجته ولا اي شي يعجبج ؟؟
اي شي يعجبني

تحطين قائمه بالاشياء اللي راح تشترينها أول الشهر ولا عشوائي ؟؟
لا ما احط قائمه

تبدين نفسج على عيالج و لا العكس ؟؟
لا ما ابدي نفسي على ولدي اول شي اشتريله بعدين اذا عجبني شي اخذته حقي

من الممكن انج تصرفين المعاش بيوم واحد على جنطه مثلا ؟؟
لا لا ماحب اشتري شغله وحده بمعاشي كله