شلون تتصرفين

[anona79]

كل أبلة تقول شلون تتصرف اذا صادفها موقف نفس موقف الأبلة في روضة السندس أتوقع الكل درى عنها
شتسوين خصوصاً اذا كنتي بالصف بروحج والمعلمة الثانية مو موجودة
والأدهى ان الشي صار يدام اليهال ( حرااااااام )
أنا لو مكانها جان أصرخ وألم عليه الأبلات كلهم مو معقولة الأبلة ما يمها صفوف ثانية
والا انتوا شرايكم

 

[قلبي تركواز]

ماادري يااختي بس المعلمه تعرضت لمحاوله هتك عرض
يعني محاوله اعتداء حسب الجرايد
ولما صرخت راح عنها

مااهي فاضيه تلم العيال اهيا زين تحاول تدافع عن نفسها

لو تحرش من بعيد كان قدرت تنحاش وتلم العيال

يااااربي حااااااادث فظييييع

 

[nero]

الله يكيفينا شر هالحوادث

 

[راقية باخلاقي]

صج اهم شى من تشوفين ريال داش عليج حتى لو ولى امر صرخى باعلى صوتج
واذا كان الانسان طبيعي وسالوج ليش ما ليش قولى خفت مدري صاحى مينون

ديروا بالكم بنات
انا تعرضت لحادث مشابه الله ستر على يانى واحد معاه سكين بياخذ سيارتي عند باب الروضه وانا مستاذنه صرحت بقمة راسي من شفته اقبل على لانى شكيت بالموضوع جان ينحاش وطاحت سكينه وفزعلى الحارس وعمال مارين
عمى بعينه عمى بقلبه جعله ما يتوفق الحيوان ديروا بالكم والله هالسالفه من 5 شهور وللحين بقلبي خرعه وافزز من نومى وبذات لما دريت انه معه سكين بنات بس انا كنت احرص على اذكار الصبح والمساء وبعد ارقي نفسي دايم قبل اطلع من البيت والله حفضنى باذكاري ياربي لك الحمد الف حمد الف حمد

 

[ام _خلودي]

@@

لاحول ولاقوة الابالله العلى العظيم

شقاااعد يصير شسالفه انا مقاطعه

الاخبار والجرايد علشان اشترى

راحت بااالى من هالبلاوى والمشاكل

الا متخلص بس بعمرى ماتخيل

انه ممن بمدرستى احد يعتدى على

يااربى حتى المساايد قام يصير فيها اعتداءات

اللهم انسالك الستر بالدنياا والاخرره

 

[روحي رياضية]

الله المستعان ..

 

[عهود الحب]

لاحول ولاقوة الا بالله العلي العظيم
انا صار لي شكثر مواقف
بس احسنا التصرف باغلبها لأنه مو بروحي
مرة دش علي ولي امر سكران بوقت الهدة
وانصدمت انا والي معاي
بس الله الهمنا التتنيح والصمت الرهيب وخليناه يقط خيط وخيط الين راح بحال سبيله
لو بعقلنا جان طقينا من الصف وانحشنا
بس ربي نزل علينا السكات والتناحة واحس انثولنا ماعرفنا او ماقدرنا نتحرك
والحمدلله انه كان مو مثقل العيار فكان بس شره بالكلام مو بالفعل




ومرة كان عندي طفل فيه حالة صرع
وانا اعتبر هذي اصعب حالة مرت علي بحياتي المهنية كلها
والله كان يكسر خاطري
ولحد الحين كل مايطري علي تخنقني العبرة عليه
وين راح وين راحت اراضيه خصوصا انه كانت اسباب المرض عنده صدمة
الله يشافيه
الله يشافيه




ومر علي طفلين من عائلة كويتية اول شي البنت وعقبها بسنة الولد
وكلهم كانت ملابسهم حيل قديمة ويعورون القلب حيل حيل
ماكنت ادري شفيهم
عقب اكتشفت انه الابو بخيل بخل موطبيعي ومسكنهم الملحق مع السايق وهو فوق مادري جم طفل مع امهم
والبيت مأجره استغفر الله واتوب اليه
ومن الاجارات تزوج ثاني مرة وخلى الام تنطق مع عيالها بالفقر والضيق
كانوا يعورون قلبي
وكل ما اتذكرهم ابجي
والله هالدنيا غريبة




ادري اني شطيت شوي بالموضوع بس تأثرت من سالفة ابلة السندس والله يصبرها
و يآجرها على ماشافت
والكارثة لو اهيا بنت @@
يعني كارثة
حسبنا الله ونعم الوكيل
وياما راح نشوف
ياما بهالدنيا بلاوي والله ماتخطر على قلب بشر

 

[fofowa_q8]

عاد والله شكثر فكرت لو اكون مكانها شسوي ياربي

احس لو افكر مني لي باجر حزتها كل شي بيروح من بالج من الصدمه

بس اتوقع راح اصررررررخ هذا اللي راح اسويه!

 

[dr-MamLoOo7a]

مرحبا الله يكافينا الشر بس شالسالفة ترا ما سمعت فيها سالفة ابلة السندس بليز قولولي حدي ضايعه

 

[عهود الحب]

مملوحة
سوي سيرج بقوقل تلاقين القصة كاملة :/

 

[dr-MamLoOo7a]

مشكوره عهود الحب عرفت عنها واي الدنيا صايره تخرع بس بصراحه الغلط من اداره الروضة وين الحارس عنه هذا لازم يحطون امن و حراسه اكثر مو كافي حارس واحد بروضة اطفال انا اذا ابي اثبت عيال صفي اضيعهم مرات اشلون روضة كامله لا وفيها ابلات لا غلط والله صج احنا عالم ثالث متخلفين حتى بابسط شي و هو الامان

 

[Arosha]

الله يبعد عن مدارسنا كل اذى ياااارب المفروض اكثر من حارس مو بس عند الباب على الاقل بالساحات الخلفيه

 

[ملح الدنيا فيني]

تدرون شنو اللى يغثنى بالروضة التدرعيم علينا اللى يدش يدرعم محد يردة

وااااااااى استغفر الله اي شى شنو هذا

 

[:: عائشه بقلبي ::]

الله المستعان

 

[أميره بلا قصور]

يممممممه ياااعلني مااصير بهالموووقف..

واذا صااار لاسمح الله....بيغمى علي من الموووقف الباايخ لاني اعرف نفسي بهالمواااقف مااتشيلني رجووولي ...