شلون تدرســون حــزة الامتحـــان ؟

[عقدلولو]

قووووووووووووه بنات شلونكم ​

بنات اشلون تدرسون عدل حزة الامتحان ​

والله يحوشني احباط اذا شفت الماده صعبه تلقوني بسرعه اصك الكتاب ​

ومعاد افتحه كلش ​

لا وفوق كل هاذا ابي نسبــه ،من وين ياحظي ​

وسلامتكم ​

 

[مهندسه مستقبل]

خلي عندح تحدي و هددددددف توصلينله
وشوفي اي احد من رفيجاتج و تحدي معاها منو اييب اعلى درجه
جذي راح تتشجعين تدرسين

 

[مهندسه مستقبل]

فكري بس انج تييبين فل مارك و انها كلها ساعات و تعدي

 

[lovkom]

انا اول ما ارجع من 3 لي 5 انام ..

اقوم اغسل اصحصح ارتب كتبي واموري .. ابلش 5 ونص ..

كل جزء ادرسه اراجعه عدل واحل عليه اسأله عشان اتشوق واتشجع حق الي بعده .. واكمل دراسه وكل ما امل اقول هاااانت عشان اطلع منه مستانسه والحمدالله تمشي ع روحي الجذبه

وبس

 

[M.M.N]

انا اتخيل شكلي اني بامتحاني
واني قاعده اجاوب ع كل الاسئله
وقبل كل شي لازم تكونين فاهمة كل شي
ومذاكره اول باول وتكونين سائله الابله
عن الاشياء اللي مو فاهمتها
وتقرين ادعيه قبل المذاكره واثناءها وبعدها
واطلبي من امج واهلج ورفيجاتج انهم يدعون لج
والله يوفقج ويسهل عليج دراستج يارب
دعواتج
ولاتنسين تتكلين ع الله
وبالامتحان اقري خرف حرف مو ع السريع
واي شي م عرفتيه اكتبي فيه اي شي تتذكرينه موجود بالفقرة نفسها بالكتاب

 

[عقدلولو]

مشكورين بنات ماقصرتو والله يوفكم استفدت منكم

 

[M!SS.LOBY]

مووفقين يارب
ضبطو جدول حق جميع المواد وكل يوم درسو ماده لما تذاكرون كل المواد.
والماده اللي تحسين نفسج ضعيفه فيها شوفي لج حصص خصوصيه او مركز تعليمي او اخذي دروس تقوويه
واهم شي تحافظين عالصلاة وتوكل عالله سبحانه
لان التوفيق والتمهيد الامور من عند الله عز وجل .

 

[عسوله زوغه]

اب
اب
مثل ماقالوا البنات