شلون تسكتون عيالكم بالصف ؟

[t0o0fa]

مرحـــبــآ ..

شلونكم يا مدرساتنا

انا مدرسة كمبيوتر يديده .. و اليهال بالصف إيننووووني يطلعون لي قرون

مادري شسوي عشان يسكتون : (

الصف من دون مبالغه يصير جنه سوق سمج

تعبت وانا اهاوشهم و مرات والله أطقهم على خفيف : (

ادري طريقتي مو تربويه .. بس علموني شسوي

شلون أشد إنتباههم و اخليهم مركزين وياي​

 

[qumar-q8]

تو الناس حبيبتي ع القرون الصج >> تحطيييييييم

حبيبتي عيال هالوقت ما يفيد معاهم شي

وان طقيتيهم واسكتوا امهاتهم ما يسكتون

علقي هدية من ابو 100 فلس يم السبورة وعطيها احسن ولد بنهاية الحصة

وان شاء الله يهدون شوي

^^

 

[zezetaa]

رد : شلون تسكتون عيالكم بالصف ؟

حاولي انج تسوين شي من التشويق ببدايه الحصه وتنوعين بالوسائل بشكل غريب ويديد
صدقيني ترا اليهال يحبون الحصه تكون مثل قصه او لعبه
وحطي جدامهم صندوق قوليلهم هذا صندوق المفاجات واللي بيقعد احسن واحد راح ياخذ مفاجاه
بس لاتستخدمين الصراخ او الطق ترا يزيدون والله ويعرفون نقطه ضعفج انا بعد يديه بس لان عندي عيال فيمكن عشان جذي عارفه الطريقه وادرس حاليا متوسه بس هم المتوسطه شياطين ويبيلهم طوووله بال
الله يعينج حبيبتي واسفه عالاطاله

 

[مس عسولة]

رد : شلون تسكتون عيالكم بالصف ؟

اولا خليهم يحبونج لما يحبونج تلقينهم يسمعون لج
الي يقعد هادي شجعية بروحة صفقولة استكر
تلقينهم شوي شوي يبون يصيرون مثلة
الي يضايقج قوليلة اوديك مستوي اول مع اليهال الي اصغر منك
لا تعطينهم ويه
شدي وارخي معاهم
وسلامتج دعوة حلوة منج لي

 

[هنوف أم سالم]

نصيحتى لك خلى طفله من البنات تصير معلمه وكل وحد ربع ساعه وقولى لهم اهدا واحد راح اعطيه هديه
وأستعملى الصفاره او الجرس راح ينتبهون لك اكثر
والله يعينك؟؟؟؟

 

[الحرير]

هدايا بو 100 فلس

 

[شغآف الروح]

ابو مىة اللة ىعزة

 

[توتــه]

رد : شلون تسكتون عيالكم بالصف ؟

لا نصيحة الهدايا تخربهم انا تربيه عمليه واول ماجيت الكل قالي هدايا وكنت اعاملهم بنفس حلوة

بالصف صج يسكتون ومن اقول هديه تحنطوا بس روحي بالنشاط والا بالمطعم وشوفيهم والله يفشلونج يعرفون مالج هيبه

عاد اول مرة تخيلي فشلوني الكل قال صفكم مو منضبطين وربح واوقفهم كلهم واصرخ عليهم واحد واحد وطقع عالخيف بس على ايدهم

تعالي شوفيهم الحين من اقول بس ارجفوا وبأماكنهم ومن اخز ارتبكوا

لازم يحسون ان لج هيبه والا بتمصخرين منهم وكلهم بينتقدونج حتى الموجهه والمشرفه