شلون تعتتنين بالبيبي بفتررة الاربعيين ؟

[نارنجه]

السلام عليكم

من العنوان ياريت كل ام تفيدنا اشلون تعتني بالبيبي بفترة الاربعين
يعني شنو تعطينه غير الحليب
شنو احسن دوا للمغص بالفترة هذي ومتى تبدين تعطينه دوا المغص و الاعشاب
والعناية بالسرة شنو تستعملين له

طبعا الموضوع للكل
مو لمواليد تجمع معين
ويكون خاص للبيبي و العناية فيه بفترة الاربعيييييين





ويارب يعجبكم و يكون فيه تجاوب

 

[ام الحلوااات]

السلام عليكم

من العنوان ياريت كل ام تفيدنا اشلون تعتني بالبيبي بفترة الاربعين
يعني شنو تعطينه غير الحليب

مــــاي فــيــه ســكـــر نــبـــات /مـــنــــقــــــوع الـــتـــمـــــر ​

شنو احسن دوا للمغص بالفترة هذي ومتى تبدين تعطينه دوا المغص و الاعشاب

يـــــانــــســـــــــون / مــنــقــوع الــنــعــنـــاع
وشـــــــاي الاطــفــــال مـــن يــكــمــــل شــــــهــــــــر
​

والعناية بالسرة شنو تستعملين له

امــــســـــح عـــــلـــى الـــســـــر بــمـــســحـــــه طــبيــــــه وارش عــلــيـــه بــــودرة الــســــر ​

طبعا الموضوع للكل
مو لمواليد تجمع معين
ويكون خاص للبيبي و العناية فيه بفترة الاربعيييييين





ويارب يعجبكم و يكون فيه تجاوب

مـــــوضــــــوووووعـــــــــج حـــلــــو ويــصـــلــــح بــعـــــد للــبـــجــــــريــــاااات

 

[فلافل وبطاط]

انا امي اللي يحفظها اعتنت ببجري وانا بعتني بالثانيه
تحت اشرافها طبعاً ...

كانت تعطي البيبي ماي وسكر نبات .. منقوع تمر وخلطه
اعشاب نقوع هي تسويها ...

واتشرب البيبي يانسون وايد تنصحني فيه ..

وما ترضا رضعات حليب ورا بعض تقولي نوعي للبيبي
وكانت تاخذ قفشه صغيره اتنقط ماي بحلج بنتي ...

وهم استخدمت من الصيدليه دوا اسمه غاز وهيملايا بس
ماركزت عليهم ...

والسر امسحه بمسحات طبيه وبودره للسر ... واقل من ١٠
ايام يكون طايح ان شاء الله ...

 

[كل الحلا فحبيبي]

اب اب

 

[مرايــــــــم]

يعني شنو تعطينه غير الحليب

ينســـــــــــون

شنو احسن دوا للمغص بالفترة هذي ومتى تبدين تعطينه دوا المغص و الاعشاب
مـاي غريـب مـال المستوصـــف

والعناية بالسرة شنو تستعملين له
مسحـات طبيـه واستخــدم بـودره الســــره
واذا مر 10 ايام وماطاحــت استخـدم زيـت زيتـــون

والظهـر اسبـح البيبــــي

 

[نارنجه]

بعد عمري ماتقصرون

انا هالنفاس بروحي الله يعين الياهل علي وناااااسية كل شي جني بجرررر

بس اذكر الشغلات الي كانت تسويها امي الله يرحمها للبيبي مثل
كانت تنقع حبة علج بان مع شويه ماي لقاح و كسرة صغيرة سكر نباات وتعطيها للياهل اما بقفشة عنونه مالت الاستكانه او تحطها مع الحليب
بس ماني متذكرة هل بالاسبوع الاول او لما يصير عمره شهر

و الله يذكرج بالشهادة فلافل
ذكرتيني بخلطة للمغص والغازات تنفع للام و للياهل

بغرشة تحطين مقدار متساوي من :
ينسون
كراوية
حبة حلوة الي هي الشومر

تغلين ماي و تحطين قفشة منه تنقعينه و تصفينه و تعطينه للبيبي

بس عادي بالايام الاولى يشربه البيبي ؟؟؟؟


انا مشكلتي بالايام الاولى شعطي البيبي رضعه حليب والرضعه الثانية شنو ؟؟
ماي و سكر نبات
وشاي اعشاب


في غير هالاشياء ؟


اذكر ماي التمر جنه لما يكمل الشهررر

والله ناسية كل شي.

 

[نارنجه]

ام الحلوات

مشككووورة حبيبيتي

ينفع النعنااع مال عسل العويد ؟
مسوين غرشه صغيرة و فيها ماي نعناع مركز

وشاي الاعشاب قصدج ميلوبا ولا الي نسويه بالبيت خلطه الكراوية و الينسون و الشومر ؟؟
لانه هالخلطه حق كلشي للغازات و الامساك و الكراوية يقولون زينه حق صحة الياااهل

 

[نارنجه]

مرايم

تصدقين عمري ما جربت ماي غريب المستوصف احس ريحته كلش قوويه وبايخه
ان شااء اجربه

وعادي ينفع للياهل بالايام الاولى؟؟

في دوا اسمه غاز بامبي و ديستيفايل اذا ماني غلطااانه
جربتيهم ؟

 

[om MaRyooM]

البنات ماقصرو


بس ديري بالج تعطينه منقوع التمر قبل لايكمل شهر

 

[Mednight Rain]

اعتقد الحليب كافي بفترة الاربعين
جربت سيميلاك ونوفيلاك واستقريت على اس 26 جولد .
الدكتور قالي بفترة الاربعين ما اعطيه لا ماي غريب ولا تمر .
السر مااحط لي شي اذا طاحت احط لها بودرة خاصة وبس ، وعموما ماحط عليها بودرة ولوشن .
منطقة الحفاظة استخدم كريم سودا كريم او فازلين .
قبل السبوح ادهن الجسم بزيت زيتون والشعر واستخدم منتجات سيباميد شامبوا ولوشن .
مااستخدم العطور ولا دهن العود مو زين على البيبي .

 

[ma3boocha]

اب اب اب

 

[شوكلاتة سويسرية]

باخذ رايكم بشي
بنت خالتي والدة بكندا
المهم الدكاترة هناك قالوا لها لاتعطين المولود ماي كلش
لمن يكمل 6 شهور لان الماي يملى معدته مكان الحليب ومامنة فايده بهالوقت .

شرايكم انتوا؟

 

[Dancing^Queen]

خوش موضوع حبيبتي

فتره الاربعين بالنسبه للياهل مافيها نشاط وايد

حده حليبه
ماي غريب
ولي كمل شهر نعطيه كمون وينسون وحبه حلوه وبابونج
وانردد ليهال وندهنه
واذا الياهل يقصصص انسقط البلاعيم

ونحرص علي الماي حيل

 

[ام ناصر 2009]

البنات ماقصرو هم استفدت كثير يعطيكم العافيه

 

[kuwaitya_zoGaa]

اى والله علمونا

 

[المسكـ]

طبعا اول شي حليب
ميلوبا اعشاب
منقوع حبة سكر نبات مع ماي
ينسون مع ماي دافي
حلبه مع ماي اخليه شوي يغلي واصفيه
سيريلاك < امي حدها قويه
ماشالله ولدي من اول اسبوعين قام يشرب الحليب بالمميه العوده ماقام يشبع من الصغيره
مع العلم ان لازم بين وجبات الحليب لازم اعشاب
وولدي يوم يبته كان نتفه 2.400 تقريبا
وامي كانت مصره الا تمتنه وطبعا لي يومكم هذا ما متن لووووووووووووول عوده ضعيييييف معصقل مع انه شهيته مفتوحه ماشالله
واعطيه ماي غريب من الصيدليه وساعات من المستوصف بس بلليل عشان يطلع الغازات ويرتااااااح
اقلبه على بطنه واهو على ريلي واطقطق ظهره عشان اذا في غازات يطلعهم
امهده طووول اليوم ماحب الياهل مرطرط بصراحه اعرف ناس ما يمهدون عيالهم تشوفيه البيبي متين بس مو قوي يعني دزينه يطيح لوول
كل يوم بلليل قبل لا ينام اندهن جسمه زيت زيتون وانردده وامهد وينام لي الصبح
واول ما يقول عال 11 تقريبا انسبحه
انحط حوض الاستحممام وانزهب اغراضه كلهم قبل السباحه من حفاظ وكريم سودو كريم وكلونيا وزيت اطفال وبودر اطفال كل شي
والملابس والمهاد ونسبحه بسرعه وانفرك شعره وبين ريوله وتحت اباطه ماخلي مكان لوول
عقب السباحه انصب على عضوه زيت زيتون عشان التطهير ( طبعا انا من اول يوم اطهر ولدي عشان مايحسون البيبيات بهالفتره ولا يتاذون ) واحطله سودو كريم وامسح سرته بالكحول وامهده واعطيه حليبته وينااااااااااااااااااام مايقوم الا عال 1 يبي رضعه ثانيه
طبعا مستحيل اخليه بالحفاظ اكثر من ساعتين
واي شي يسوي بالحفاظ ( اغلسه ) بالماي مو امسح له لا بصراحه ماحب كلش احس هالشي يسويله حساسيه
اغسله بشامبو جونسون واحطله سودو كريم حتى لو ماكان فيه حساسيه بس عشان ما يتحسحس والبسه واحسن حفاظات جونسون طبعا
وابدل البيبي باليوم من 3 الى 4 مرات
انا ولدي كان يعاني من ترجيع دائم وقالولي هذي طبيعته فكنت ابدله دايما
بصراحه ماحب البيبي يتم بنفس البدله من الصبح لي اللليل
ويوم العاشر من الولاده اتطيح سرته واتطيح الحلقه مالت العضوو مالت التطهير وانغسله وانحطله 7 انواع خلطات عود ومسك وعنبر ووورد مانخلي نوع << لييش ؟
لان هالشي يخلي البيبي يتعود عالعطور وما يتحسس منها طبعا انا بولدي جذي سويت ​

 

[نارنجه]

عييييدكم مبااااااااااارك جميعاااااا

 

[نارنجه]

بخصوص الماااي

ما ادري احسه مهم للبيبي عاد لو نتيفه مو تترسين الميه

يعني بتحسين ان البيبي ناقصه ماي من عيونه اذا صارت باهته
ماادري بس لازم ماااي حاله حال الكائنات الحية هههههههههههههه*

 

[نارنجه]

بصراحه يعطيكم العافية وحده وحده كل من كلفت على عمرها و ردت على الموضوووع.


احنا الطهور ما نطهر الياااهل الا بعد شهر <<<< نسمع كلام الدكاترة هههههههههه. احسه نتفه مو مال طهور اول اياام
والحين هابين بالليزر اتوقع ارحم من الحلقه و الجراحه


والسبوح الله وكيلكم مايتسبح بضمير الا لما تطيح سرته
غير هذا ما كو الا تمسح بالماي او بكلينكس بيبي جونسون عاد هذي طريقه امي الله يرحمها
تقول مو زين تنتفخ. سرة اليااهل اذا تسبح كل يوم وهي للحين ما طااااحت


الدهان اكيد زيت زيتوون و بيبي اوويل من جونسون عاد قبل النوم انواع التمغط و التفرك
بس اهم شي تكون التبانه عليه عشان مايحوشه الهواء

وقريت بمواقع اجنبية ان زيت السمسم احسن زيييت للياهل ويقوي العظم !
ان شاء الله اجربه

ويقولون البودرة العادية مالت الاطفال تسوي حساسية يعني لازم انتيفه مو يصير البيبي كاسبر من البودرة ههههههههه

وفي عند مذركير بودرة على كريم
ماتطشر مثل الكريم بس تدهنينه عاى جلد البيبي ويصير بودررة


وي يحلات ريحه البيبيااات
فديتهم و الله

 

[нάγoηά cнεмίsтяγ]

آنا ما اشوف ان البيبي اللي أقل من شهر يحتاج انه يشرب ماي يكفي حليب الأم طبعا اذا كانت الرضاعه طبيعيه لان سبحان الله الرضاعه الطبيعيه تعوض البيبي عن كل شي هذا شي من الله المفروض محد يفرط فيـه ​

بالنسبة لي اعطيـها حليب رضاعه طبيعيه بس .. اذا اضطريت كلش اعطيـها صناعي سيميلاك بس اذا شربت بنتي مميـة صناعي باليوم خلاص ما اعطيهـا ثاني مره ​

فديتهـا لانها اقل من شهر حتى ماي غريب اصلن مكتوب على العلبه من عمر شهر و فوق بس انا عشانها تبجي من بطنها وايد عطيتها بقفشه الجاي نتفه يعني حتى ما ترستها يمكن ثلاث مرات و وقفته ​

لان يبت لها دوى من الصيدليه نصحنا دكتورها فيه اسمه غاز بامبي وايد حسيت انها ارتاحت منه اكثر من دسفلاتيل حبيبة قلبي كانت حالتها كسيفة الحين هذا ثالث يوم من الدوا احس كلماله وتتحسن عسى الله يحفظها يا رب ​

انصحكم فيه للغازات و لا تكثرون ماي للبيبي اللي توه ترا يثقل على معدته مادري اصلا لو اهو ظروري نصحنا فيه دكتورها
هذا رايي وانتو على راحتكم بتلاحظون على بيبياتكم اذا محتاجين او لا ​

و أسبحها احسن كل 3 ايام او يومين لان برد وايد هالايام مابي اسبحها سبوح يومي البيبيات مو مثلنا يعرقون و يتوصخون بسرعه يعني كافي جذي
و طبعا ما سبحتها الا لمه طاحت سرتها كنت بس امسح على جسمها بفوطة فيها ماي خايفه لا يحوش سرتها ​

و فديتها سرتها طاحت من عشر ايام كنت امسح بالكحول اول شي وبعدها زيت زيتون
نصيحة استخدمو زيت زيتون للسره لانها تتيبس حيل مرات اطرافها وايد تصير يابسه ممكن تزلق يلد البيبي
و زيت الزيتون يخليها وايد لينه و يخليها تطيح اسرع
الحين فيه بواقي نتفه حيل و على وشك انها تطيح ​

بصراحة ما استخدمت بودرة السر ما ادري عنه دكتورها ما وصفلها اياه ​

و كريم الحفاظ استخدم كريم سودو حسب نصيحة المستشفى اول ما ولدت قالولي احنا نستخدم سودو احسن شي ​

اي و الحفاظات احسن شي حفاظات ليبرو Libro او Darling انا استخدمت الاثنين وطبعا انا لاني بجر ماكو خبره سألت المستشفى اهم قالولي ان هالنوعين احسن شي للبيبي و فعلا ما لاحظت عليهم شي ابد و بامبرز ما حبيتها مرة لبستها و سربت و كرهتها ​

و طبعا اقرا عليها كل يوم او يوم و ترك و اشغلها قرآن وقت اللي ارضعها فيه اسمالله عليها تهدى
هالشي ظروري لا تنسونه خلوا البيبي يتعود على القران من صغره ​

و بس​